Kɔl-gɨ-Ɗari gɨ Ja̰ wal 7:35 - Gabri Maja

³⁵ Ayɨn̰ toy a wɔlɛ gɨ nee gɨŋ le, Jubɨn̰əŋ ɨngɨrɨn̰ge gusɨge kɔl duroyge yege hɨn̰: «Kɛ, ban kɨya ɔrɛ na ani mana kɨya wayigɨŋ naŋ le ga? Kɛ ban kɨya ɔrɛ wan̰ na Jubɨn̰əŋ ga sugdoŋge duroy Gɨrɛgn̰əŋ gaŋ ga? Kɛ ban kɨya ɔrɛ gɨlɨn̰ na Gɨrɛgn̰əŋ hɨnga ga?

Kɔl-gɨ-Ɗari gɨ Ja̰ wal 7:35 ပူးပေါင်းရင်းမြစ်များ

Matɨyo 12:21

Te wɔɔ gɨ da kalaŋ ga ɗaŋ Kɨya ɗɔɔge ɨrɨmedɨge cayi.»

Kɔl-gɨ-Ɗari gɨ Lug wal 2:32

Ban na asɨn̰a gɨ kɨya gɨlɨn̰ te wɔɔ Gɨ da kalaŋ nɔm nɔm ga cay gɨsəŋ gaŋ gɨ ji na waŋ ga. Bɨ, kɨya dɨbe gusoŋ-tɔgɛ a cay kalaŋ kan̰ Ga a te wɨn̰je gɨ da Ɨsɨrayɛl gɨŋ bɨ.»

Kɔl-gɨ-Ɗari gɨ Ja̰ wal 12:20

Duroy kan ga ɨrgage Jerusalɛm kɨya n̰ɨre Kumu a wɔlɛ gɨ ni kɨdɨrɛ gɨŋ le, Gɨrɛgn̰əŋ ga pɨna woyge danage nee bɨ.

Kɔl-gɨ-Ɗari gɨ Ja̰ wal 7:1

Kardi hɨnga nɔm ga nee le na, Jesu woy te gɔrɛ dan̰ cɨndi tumɔ tumɔ a cay gɨsəŋ ga Galile gaŋ. Ban gey gɔrɛ a cay gɨsəŋ ga Jude gaŋ naŋ, kɨya wa ka-sɔmɛ cay Jubɨn̰əŋ maliige gɨ ni diɗii.

Kɔl-gɨ-Ɗari gɨ Ja̰ wal 8:22

A cay kɔl gɨ nee le, Jubɨn̰əŋ yege hɨn̰: «Kɛ, ban gɨ orɨn̰ dan̰ ɨrɨme gɨ ni dɨɗɨn̰ gusi coŋ ga?» Kɨya wa ban ye hɨn̰: «Kɨɗɨn̰ ga ɨŋ ba or jɨn̰ nee le, kɨŋ ɓala bugoŋ nee naŋ.»

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 14:1

Hɨnga ga nee le, lee gusɨge ɗaŋ coŋ a duroy cay ƴaa-di-gumu di Ikonɨyɔm dɨŋ: Pol dan̰ Barnabas andaŋge boy ƴaa-daye-di-da-Jubɨn̰əŋ bɨ, dorge kɔl gɨ lee gɨ Jubɨn̰əŋ dan̰ kondɨge bɨ, Gɨrɛgn̰əŋ dan̰ kondɨge bɨ, an̰ge kuduroyge.

Gɨye-lɔɔ 17:4

Jubɨn̰əŋ ga pɨna wo̰ duroyge orge kardi kɔl koyi gɨŋ le, lee gɨ kan bugoŋge te Pol dan̰ Sɨlas. Gɨrɛgn̰əŋ ga ka-n̰ɨre Kumu ɗɨn̰ ɗɔngɨsɛ bɨ, kandɨ ga gusondɨge ye dan̰ kondiige leege hɨn̰ wo̰ bɨ.

Gɨye-lɔɔ 18:4

Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 21:21

Kan jege kɔl kɨbɨ kalaŋ ga yege gɨ ji na gɨlɨn̰ kalaŋ ga ni Jubɨ nɔm ga somge a cay jaa di da te wɔɔ gɨ da kalaŋ ga toyge na Jubɨ naŋ gaŋ, ji na yege gɨ na ojɨ gɨ kan na ɗa gasɨn̰-kɔl gɨ da Moyis coŋ bɨ, ojɨ gɨ kan na gɨ walɨn̰ karɨndɨge ban̰a naŋ bɨ, ojɨ gɨ kan na gɨ kɔbɛ hada ga da mon̰inagɨŋ naŋ bɨ.

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

2 Timote 1:11

Kumu bəŋ gɨye tɔgɛ bɛrnɛ Kɔl-gɨ-Ɗari gɨ nee le kɔbɔŋ. Lee gɨ ɨŋ na ba-gɨre-gɨye bɨ, ba-gɨlɨn̰ kalaŋ hɨnga bɨ.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.