Kɔl-gɨ-Ɗari gɨ Ja̰ wal 7:28 - Gabri Maja

²⁸ Na toy di hɨn̰ wo̰ ma, kɨɗɨn̰ ga Jesu ɨre gɨlɨn̰ kalaŋ hɨnga a duroy ƴaa-di-da-Kumu dɨŋ na, ban ye dan̰ tumoyi di daa pəŋ pəŋ ye hɨn̰: «Kɨŋ sɔlɔŋ bɨ! Kɨɗɨn̰ ga ɨŋ saygan̰ nee le, kɨŋ sol nee bɨ ga? Naŋ! Na ɨŋ-bandi ba ɨrga dan̰ cay gusɨnɨ hɨnge naŋ. Ama ban gɨ ba gɨygɨŋ le, na ungo gɨ ba-yɔɔ kɔl gɨ cɨndi, kɨŋ sɨlayi naŋ.

Kɔl-gɨ-Ɗari gɨ Ja̰ wal 7:28 ပူးပေါင်းရင်းမြစ်များ

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 2:23

Ban or sɔmɛ a cay ƴaa-di-gumu di pɨna wo̰ di toge na Najarɛt, lee gɨ kɔl gɨ ka-yɔɔ-kɔl-gɨ-Kumu-ba-yɔɔ ba yege le or kɨɗɨn̰di gaŋ. Kan yege hɨn̰: «Kan kɨya togii na ungo gɨ Najarɛt.»

Matɨyo 26:55

Kardi nee ɨni na, Jesu yen̰ dɨmdɨrdi kalaŋ yege hɨn̰: «Kɛ na kɨya wa ma, magɨŋ ɨrgan̰ dan̰ pəlɨmn̰əŋ bɨ dan̰ kɨlɛŋn̰əŋ kagɨŋ bɨ, kɨya ƴɔmɔŋ hɨn̰ gɨ ɨŋ naa ba-lɔɔ ɨsɨna wo̰ ga? Dan̰ wɔlɛ pɨna pɨna ɨŋ ɨre danagɨŋ duroy ƴaa-di-da-Kumu dɨŋ gɨlɨn̰ kalaŋ hɨnga, magɨŋ ƴɨmaŋ naŋ.

Kɔl-gɨ-Ɗari gɨ Lug wal 10:22

Ɨni na, ban yen̰ kalaŋ ga ba ɨrege nee le, yege hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ Ɨŋ dorii pa dɨm ma maŋ kɨya gɨlii Banɨ, ɗe ban na solii ƴee.»

Kɔl-gɨ-Ɗari gɨ Lug wal 2:11

Labɨde kan wɔɔge Ba-pɔɗɛ kalaŋ a cay ƴaa di da Dabid, ban na Kɨris ban gɨ Kumu dorii le bɨ, ban na Ba-gulɔŋ nee bɨ.

Kɔl-gɨ-Ɗari gɨ Lug wal 2:39

Kɨɗɨn̰ ga Jɨsɛb dan̰ Mari dɨɗɨge kɨbɨ gasɨn̰-kɔl gɨ da Ba-gulondɨge gɨ ay bɨge le, kan jogɨn̰ge dan̰ Jesu a cay gulɔŋ koge gɨ Najarɛt a cay gɨsəŋ ga Galile.

Kɔl-gɨ-Ɗari gɨ Lug wal 2:4

Jɨsɛb kalɨn̰ ma sayga a cay karɨn̰ ƴaa ga Najarɛt, ga woy a cay gɨsəŋ ga Galile gaŋ. Kɨya ɔrɛ jɨn̰ Bɛdɨlɛhɛm cay ƴaa di da Dabid di woy a cay gɨsəŋ ga Jude gaŋ, kɨya gɨ ban kalɨn̰ ma na a te wɨn̰je gɨ da Kɨlma Dabid bɨ.

Kɔl-gɨ-Ɗari gɨ Lug wal 2:51

Ban been̰ kandi ga ka-woyi le kɔl nee cɔb cɔb, hɨn̰ gɨ ban ba leede tumɔ le. Bɨ ban jogɨ danage ɨndi toge di Najarɛt. Ƴoyi di ni Mari le, ɨrɨm cay kɔl gɨ cay wase bɨ, cay kɔl gɨ karu bɨ, cay hɨnga nɔm ga ba lee gusɨge bɨ, ɗa kudurɔ hala gɨybəŋ cay nee naŋ.

Kɔl-gɨ-Ɗari gɨ Ja̰ wal 1:46

Ɨni na, Natanɨyɛl jɨga dɨbi cay nee yey hɨn̰: «Hay! Cay pɨna wo̰, hɨnga ga ɗari ga sayga Najarɛt woy nee hage ga?» Ɨni na, Pilib jɨga dɨbii cay nee yeyi hɨn̰: «Ɨre, sɨla.»

Kɔl-gɨ-Ɗari gɨ Ja̰ wal 10:36

Banɨ ba dɔrɔŋ gɨyigəŋ a cay gɨsəŋ gaŋ. Na mɨna ma magɨŋ yəŋ gɨ ɨŋ na yagɨde naa Kumu, kɨya gɨ ɨŋ ye gɨ ɨŋ naa Kurɨn̰-Kumu le ga?

Kɔl-gɨ-Ɗari gɨ Ja̰ wal 12:49

Kɨya wa ɨŋ ya kɔl na dan̰ canɨ naŋ. Ama na Banɨ gɨ gɨyigəŋ le ba aye noy bəŋ ojɨn̰ cay hɨnga nɔm ga ɨŋ na ya koldɨge bɨ, hɨnga ga ɨŋ kɨya gɨlɨn̰ kalaŋ bɨ.

Kɔl-gɨ-Ɗari gɨ Ja̰ wal 14:10

Ji bɨga kuduron̰ cay nee hɨn̰ gɨ ɨŋ na woy kuduroy Banɨ bɨ, Banɨ na woy kuduronɨ bɨ naŋ ga? Kɔl nɔm gɨ ɨŋ ba yəgɨŋ le, ɨŋ yagɨŋ na dan̰ cay gusɨnɨ hɨnge naŋ! Ama na Banɨ gɨ bugoŋ pɨna danaŋ le ba lɔɔ gɨye koyi.

Kɔl-gɨ-Ɗari gɨ Ja̰ wal 14:31

Ama na ɗe gɨ kalaŋ ga cay gɨsəŋ gaŋ solɨn̰ge gɨ ɨŋ na gey Banɨ bɨ, ɨŋ na lee hɨnga naa dan̰ te tumɔ di ban na ay bəŋ bɨ. Sagɨŋ daa, ana orgɨŋ ɗegɨŋ kɨɗɨn̰ ga kɛ coŋ!

Kɔl-gɨ-Ɗari gɨ Ja̰ wal 16:3

Kan kɨya lɔɔ hɨn̰ wo̰, na kɨya gɨ kan sɨlage Banɨ naŋ bɨ, sɨlaŋge ɨŋ-bandi naŋ bɨ.

Kɔl-gɨ-Ɗari gɨ Ja̰ wal 17:25

Ay Banɨ, ji gɨ dan̰ durɔ ɗɨngar. Kalaŋ ga cay gɨsəŋ gaŋ sɨlan̰ge naŋ. Ama ɨŋ-bandi ɨŋ solɨn̰ bɨ, kan ga ba kɛ solge gɨ ji na ba gɨyigəŋ bɨ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 3:2

Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Kɔl-gɨ-Ɗari gɨ Ja̰ wal 3:33

Ungo gɨ ani ani gɨ na ƴa kɔl-tɨmon̰ toyi na, ban gey cay nee gɨ kɔl gɨ Kumu ba ye le naa kɔl gɨ cɨndi.

Kɔl-gɨ-Ɗari gɨ Ja̰ wal 5:32

Ama na ungo gɨ ɗaŋ ba lɔɔ tɨmon̰ kol canɨ bɨ, ɨŋ sol gɨ tɨmon̰ di ban lee le, or pɨna dan̰ kɔl gɨ cɨndi bɨ.

Kɔl-gɨ-Ɗari gɨ Ja̰ wal 5:43

Ɨŋ ɨrga dan̰ guson̰ Banɨ, ama kɨŋ ƴɨmaŋ gusɨgɨŋ naŋ. Hɨn̰ gɨ ungo gɨ ɗaŋ na ba ɨre dan̰ gusondi koyi na, kɨŋ kɨya ƴomii gusɨgɨŋ.

Kɔl-gɨ-Ɗari gɨ Ja̰ wal 6:42

Kan dɨbige cay nee yeyige hɨn̰: «Kɛ, na Jesu Kurɨn̰ Jɨsɛb le naŋ ga? Na sɨla bayi dan̰ ƴoyi naŋ ga? Lee na mɨna ma, ban gɨ yɔ haw kɛ: “Ɨŋ sayga na daa nii gɨsɨn dugo ga”?»

Kɔl-gɨ-Ɗari gɨ Ja̰ wal 7:14

Kɨɗɨn̰ ga kan lee kɨdɨrɛ gɨ da dabaŋ gɨ da gur ɨrga duroy nee bɔb bɨ na, Jesu or duroy ƴaa-di-da-Kumu dɨŋ bɨ, ay te gɨlɨn̰ kalaŋ hɨnga.

Kɔl-gɨ-Ɗari gɨ Ja̰ wal 8:14

Jesu jɨga dɨbɨge cay nee yege hɨn̰: «Hɨn̰ gɨ ɨŋ na laa tɨmon̰ dan̰ canɨ tɨnge kalɨn̰ ma, tɨmon̰ tɨnge di ɨŋ lee le, na gɨyəŋdo gɨŋ. Kɨya wa ɨŋ sol kɨɗɨn̰ ga ɨŋ saygan̰ nee bɨ, kɨɗɨn̰ ga ɨŋ kɨya orɨn̰ nee bɨ. Ama kɨŋ-gandi na, kɨŋ sɨla kɨɗɨn̰ ga ɨŋ saygan̰ nee gaŋ naŋ bɨ, kɨɗɨn̰ ga ɨŋ kɨya orɨn̰ nee gaŋ naŋ bɨ.

Kɔl-gɨ-Ɗari gɨ Ja̰ wal 8:16

Bɨ hɨn̰ gɨ ɨŋ na bɨya kɔl kalɨn̰ ma, kɔl gɨ ɨŋ boy le or pɨna dan̰ kɔl gɨ cɨndi. Kɨya wa ɨŋ na kan̰nɨ naŋ, ama Banɨ gɨ gɨyigəŋ le woy danaŋ.

Kɔl-gɨ-Ɗari gɨ Ja̰ wal 8:19

Kan sayge yeyige hɨn̰: «Kɛ, Ban̰i kon̰ le woy na a ani ga?» Jesu jɨga dɨbɨge cay nee yege hɨn̰: «Kɨŋ sɨlaŋ naŋ bɨ, kɨŋ sɨla Banɨ naŋ nee bɨ. Hɨn̰ gɨ kɨŋ ni na sɨlaŋ na, kɨŋ ni kɨya sɔlɛ Banɨ bɨ.»

Kɔl-gɨ-Ɗari gɨ Ja̰ wal 8:26

Gɨ ojɨ caygɨŋ kɨŋ-gandi na, ɨŋ orɨn̰ dan̰ kɔl kondɨ gɨ ni yɔ bɨ, bɔyɛ nee bɨ. Ama ban gɨ ba gɨyigəŋ le, na ba yɔ kɔl gɨ cɨndi bɨ, na hɨnga ga ɨŋ ba je koldɨge a gusii le ma maŋ yen̰ kalaŋ ga a cay gɨsəŋ gaŋ.

Kɔl-gɨ-Ɗari gɨ Ja̰ wal 8:42

Jesu jɨga dɨbɨge cay nee yege hɨn̰: «Hɨn̰ gɨ baygɨŋ ni naa Kumu na, kɨŋ ni kɨya geyəŋ, kɨya wa ɨŋ andɨgaŋ na gusi Kumu maŋ ɨrga. Ɨŋ ɨre na dan̰ cay gusɨnɨ hɨnge naŋ, na ban ba gɨyigəŋ.»

Kɔl-gɨ-Ɗari gɨ Ja̰ wal 9:29

Ni sol gɨ Kumu yen̰ Moyis kɔl, ama ungo gɨ kɛ le, ni sɨla kɨɗɨn̰ ga ban saygan̰ nee naŋ.

Gɨye-lɔɔ 17:23

Kɨya wa kɨɗɨn̰ ga ɨŋ gor a cay ƴaa togɨŋ di gumu dɨŋ na, ɨŋ sol kɨɗɨn̰ ga kɨŋ n̰ɨrɨn̰ hɨnga nee bɨ, ɨŋ or bɨrɨŋ wɔɔ kɨɗɨn̰ n̰ɨre hɨnga kagɨŋ ga pɨna wo̰, ga kan walge kɔl gɨ kɛ le cay nee yege hɨn̰: “Na kɨya cay kumu gɨ pɨna wo̰, gɨ ni sɨlay naŋ.” Kuɗa! Hɨnga ga kɨŋ n̰ɨrge dɨle solge le, na ban ma maŋ ɨrga kɨya tɔgɛ bɛrnɛdɨge bɨgɨŋ.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 3:4

Cə, na hɨn̰ wo̰ naŋ bɨrɨŋ! Hɨn̰ gɨ kalaŋ nɔm naa ka-poy kalɨn̰ ma, Kumu na ba-yɔɔ kɔl gɨ cɨndi. Na hɨn̰ gɨ Magtubu di da Kumu ye wo̰: «Ay Kumu, hɨn̰ gɨ ji na ya kɔl na, Ungo sol gɨ naa kɔl gɨ cɨndi. Hɨn̰ gɨ ungo na dɨbɨ kɔl can̰ na, Kɔl wo̰ gɨ ba kɨya ƴɔmɛ can̰ unɔ.»

2 Korɛ̰t 1:18

Kumu na tɨmon̰ hɨnge, kɔl gɨ ɨŋ ba yəgɨŋ le, na «Əw» bɨ «naŋ» bɨ, kɨbɨge koge gɨŋ naŋ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Əbɨro 6:18

Hɨn̰ wo̰ na tumɔ dan̰ kɔl gɨ ban ye gɨ ɗi na kɨya lɔɔ bɨ, ɗaŋ coŋ dan̰ ɓɨse gɨ ban ɓɨse gusi bɨ. Hɨnga ga sɔɔ ga nee le, kɨya bɨle ɗaŋ naŋ bɨ Kumu kɨya yɔ poy cay nee naŋ bɨrɨŋ bɨ. Ɨni na, na-gandi ga ba ɗe hɨnga nɔm coŋ kɨya ƴomɨn̰ hɨnga ga na ba bee ɨrɨmedɨna cay nee gɨ ban ba ɗe tumoyna le, na orɨn̰ dan̰ hɨnga ga dobɨ bandɨ kuduroyna tɔgɨ gɨɗaŋ.

1 Ja̰ 5:10

Waŋ waŋ gɨ na bɨga kuduroy a cay Kurɨn̰-Kumu na, ƴom dan̰ tɨmon̰ di nee le a ɗugoyi. Ama waŋ waŋ gɨ na bɨga kuduroy cay Kumu naŋ na, lee Kumu leen̰ na ba-poy, kɨya wa ban kan̰ bɔgɛ kuduroyi a cay tɨmon̰ di Kumu lee a cay Kurondi le.