Kɔl-gɨ-Ɗari gɨ Ja̰ wal 7:14 - Gabri Maja

¹⁴ Kɨɗɨn̰ ga kan lee kɨdɨrɛ gɨ da dabaŋ gɨ da gur ɨrga duroy nee bɔb bɨ na, Jesu or duroy ƴaa-di-da-Kumu dɨŋ bɨ, ay te gɨlɨn̰ kalaŋ hɨnga.

Kɔl-gɨ-Ɗari gɨ Ja̰ wal 7:14 ပူးပေါင်းရင်းမြစ်များ

Matɨyo 21:12

Kardi nee ɨni na, Jesu andaŋ a duroy gulɔŋ ƴaa-di-da-Kumu dɨŋ bɨ, tay ka-lɔɔ gɨyaw bɨ, ka-kɨle hɨnga bɨ, ga woyge boy nee nɔm coŋ. Tabɨl da ka-kɨlange gursu bɨ, sɨya sɔmɛ gɨ da ka-lɔɔ gɨyaw gɨ da guun̰əŋ ga bɛdɨrdɛŋ bɨ le, ban nɔngɨldɛ layde coŋ.

Matɨyo 26:55

Kardi nee ɨni na, Jesu yen̰ dɨmdɨrdi kalaŋ yege hɨn̰: «Kɛ na kɨya wa ma, magɨŋ ɨrgan̰ dan̰ pəlɨmn̰əŋ bɨ dan̰ kɨlɛŋn̰əŋ kagɨŋ bɨ, kɨya ƴɔmɔŋ hɨn̰ gɨ ɨŋ naa ba-lɔɔ ɨsɨna wo̰ ga? Dan̰ wɔlɛ pɨna pɨna ɨŋ ɨre danagɨŋ duroy ƴaa-di-da-Kumu dɨŋ gɨlɨn̰ kalaŋ hɨnga, magɨŋ ƴɨmaŋ naŋ.

Kɔl-gɨ-Ɗari gɨ Lug wal 19:47

Jesu gɨlge hɨnga a duroy gulɔŋ gɨ da ƴaa-di-da-Kumu dɨŋ dan̰ wɔlɛ pɨna pɨna. Bɨ ka-cay ka-bɔgɛ kɨbar nɔm bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kalaŋ kage ga gɨmdəŋ bɨ, malge gɨyəŋ age na dɨɗii.

Kɔl-gɨ-Ɗari gɨ Ja̰ wal 18:20

Jesu dɨbi cay nee yeyi hɨn̰: «Ɨŋ ye kɔl hɨnge na cɨn̰ kalaŋ nɔm. Tumɔ, ɨŋ gɨlɨn̰ kalaŋ hɨnga daa daa na a duroy ƴaa-daye-di-da-Jubɨn̰əŋ nɔm bɨ, duroy gulɔŋ ƴaa-di-da-Kumu, di Jubɨn̰əŋ nɔm dayaŋge nee bɨ. Ɨŋ ya kɔl pɨna kɨɗɨn̰ wɔsɛ gaŋ naŋ.

Kɔl-gɨ-Ɗari gɨ Ja̰ wal 5:14

Kardi nee ɨni na, Jesu jɨga wayi duroy ƴaa-di-da-Kumu dɨŋ bɨ, yeyi hɨn̰: «Haw kɛ na sɨla ji poɗɨ ɨni, lɔɔ ɨsɨna naŋ bɨrɨŋ gajanaŋ, naŋ na hɨnga ga ɗɨn̰ ga ba kɛ, kɨya da andaŋ can̰ ɗaŋ coŋ.»

Kɔl-gɨ-Ɗari gɨ Ja̰ wal 7:2

Ama kɨdɨrɛ gɨ da Jubɨ gɨ kan teeyige na kɨdɨrɛ gɨ da dabaŋ gɨ da kabɨn̰ gur le, baa mɨnde.

Kɔl-gɨ-Ɗari gɨ Ja̰ wal 7:28

Na toy di hɨn̰ wo̰ ma, kɨɗɨn̰ ga Jesu ɨre gɨlɨn̰ kalaŋ hɨnga a duroy ƴaa-di-da-Kumu dɨŋ na, ban ye dan̰ tumoyi di daa pəŋ pəŋ ye hɨn̰: «Kɨŋ sɔlɔŋ bɨ! Kɨɗɨn̰ ga ɨŋ saygan̰ nee le, kɨŋ sol nee bɨ ga? Naŋ! Na ɨŋ-bandi ba ɨrga dan̰ cay gusɨnɨ hɨnge naŋ. Ama ban gɨ ba gɨygɨŋ le, na ungo gɨ ba-yɔɔ kɔl gɨ cɨndi, kɨŋ sɨlayi naŋ.

Kɔl-gɨ-Ɗari gɨ Ja̰ wal 7:37

A kagadi wɔlɛ gɨ da kɨdɨrɛ gɨ ni ƴaa gɨ labi, gɨ na wɔlɛ gɨ gumu gɨ da kɨdɨrɛ le, Jesu ɨre daa bɨ, ay te yɔɔ-kɔl dan̰ te tumoyi di daa pəŋ pəŋ ye hɨn̰: «Hɨn̰ gɨ ungo gɨ gɨmase na daayi na, kuɗa gɨ ban ɨre wayaŋ bɨ, saa kaŋ.

Kɔl-gɨ-Ɗari gɨ Ja̰ wal 8:2

Ɗaŋdo dan̰ te jogɨɗu cururu na, ban jogɨ duroy ƴaa-di-da-Kumu dɨŋ. Bɨ kalaŋ nɔm ɨrgage gusi ɨni na, ban som dugo bɨ ay te gɨlge hɨnga.

Kɔl-gɨ-Ɗari gɨ Ja̰ wal 8:20

Jesu ye kɔl gɨ nee le, na kɨɗɨn̰ ga ban ɨre gɨlɨn̰ kalaŋ kɔl duroy ƴaa-di-da-Kumu dɨŋ, mɨnde dan̰ hɨnga ga kan been̰ gursu nee bɨn̰ Kumu. Ungo ɓala ƴɔmii naŋ kɨya wa tɨwa toyii di Kumu ojɨ le ɨre naŋ ƴee.