Kɔl-gɨ-Ɗari gɨ Ja̰ wal 6:64 - Gabri Maja

⁶⁴ Ama kan ga pɨna duroygɨŋ bɨgage kuduroyge canɨ naŋ.» Jesu yege hɨn̰ wo̰, na kɨya gɨ ayɨn̰ toy a te gɨye koyi gɨŋ le, ban sol kuduroyi ɨni, kan ga kɨya bɔgɛ kuduroyge cayi naŋ bɨ, sol ungo gɨ ba kɨya aye cayi bɨ.

Kɔl-gɨ-Ɗari gɨ Ja̰ wal 6:64 ပူးပေါင်းရင်းမြစ်များ

Matɨyo 10:4

Simo kɨye ba-cay ƴaa gɨ gey dɔrɛ kalaŋ kayi kobi ka-dɔɔ cayge, dan̰ Judasɨ Isikarɨyɔt, ba-aye cay Jesu bɨn̰ ka-baadi bɨ.

Kɔl-gɨ-Ɗari gɨ Ja̰ wal 10:26

Ama kɨŋ bɨga kuduroyigɨŋ canɨ naŋ, na kɨya gɨ kɨŋ wɨya boy gamge kange gaŋ naŋ.

Kɔl-gɨ-Ɗari gɨ Ja̰ wal 18:4

Jesu sol hɨnga nɔm ga ba kɨya andaŋ cayi le. Ban or ojɨge bɨ, ɨngɨrge yege hɨn̰: «Kɛ kɨŋ mal na waŋ ga?»

Kɔl-gɨ-Ɗari gɨ Ja̰ wal 5:42

Ama ɨŋ solgɨŋ kuɗa gɨ ƴɔmɛ wandɨ da Kumu unɔ kuduroygɨŋ.

Kɔl-gɨ-Ɗari gɨ Ja̰ wal 6:36

Ama ɨŋ ni yəgɨŋ: Kɨŋ sɔlɔŋ nɔm dan̰ cɨndɨgɨŋ, ama naa hɨn̰ wo̰ kalɨn̰ ma kɨŋ bɨga kuduroygɨŋ canɨ naŋ.

Kɔl-gɨ-Ɗari gɨ Ja̰ wal 6:60

Kɨɗɨn̰ ga ka-aye-cay-tɨbayi jege kɔl gɨ nee le ɨni na, kondɨwayge duroyge ayge te yɔ hɨn̰: «Kɔl gɨ kɛ le osu tɔgɨ, na waŋ ba kɨya ɓale jɔɔ ga?»

Kɔl-gɨ-Ɗari gɨ Ja̰ wal 6:61

Ama Jesu sol gɨ ka-aye-cay-tɨbayi ɨre n̰amge kɔl a cay kɔl gɨ nee le, lee gɨ ban yege hɨn̰: «Kɔl gɨ nee le ƴomgɨŋ isi ga?

Kɔl-gɨ-Ɗari gɨ Ja̰ wal 6:66

Ayɨn̰ toy a wɔlɛdi gɨ nee gɨŋ le, ka-aye-cay-tɨbayi kondɨ dorge gusɨge gusi coŋ bɨ, kan̰ge gɔrɛ danayi bɨ.

Kɔl-gɨ-Ɗari gɨ Ja̰ wal 8:23

Jesu dɨbɨge cay nee yege hɨn̰: «Kɨŋ-gandi, kɨŋ na kalaŋ ga dugo, ɨŋ-bandi, ɨŋ na gɨ daa nii. Kɨŋ-gandi, kɨŋ na kalaŋ ga da cay gɨsəŋ kɛ, ɨŋ-bandi, ɨŋ na gɨ da cay gɨsəŋ kɛ naŋ.»

Kɔl-gɨ-Ɗari gɨ Ja̰ wal 8:55

Kɨŋ na, kɨŋ sɨlayi naŋ, ama ɨŋ-bandi na, ɨŋ solii. Hɨn̰ gɨ ɨŋ na ya gɨ ɨŋ na sɨlayi naŋ na, ɨŋ na ba-poyi hɨn̰ kɨŋ wo̰ bɨ. Ama ɨŋ solii bɨ, ɨŋ ay kɔl koyi leen̰ gɨye bɨ.

Gɨye-lɔɔ 15:18

Sɨlagɨŋ kɔl gɨ Ba-gulɔŋ ba ye le ba kɔ. Hɨnga ga ban ba lee haw kɛ le, Na hɨnga ga ban ƴom cay tɨbayge na jɨne hage.”»

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

2 Timote 2:19

Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

Əbɨro 4:13

Hɨnga nɔm ga Kumu si le, pɨna wo̰ ga wosɨ gusɨge cɨndi wo̰ unɔ. Hɨnga nɔm woy cɨn̰-tɨwa dɨŋ ɗen̰ ɗen̰ cɨndi bɨ, tɨla gusɨge cɨndi naŋ bɨ. Na ban ma ojɨ gɨ na kɨya dɔrɛ kardi gɨye-lɔɔdɨna bii bɨ.