Kɔl-gɨ-Ɗari gɨ Ja̰ wal 6:51 - Gabri Maja

⁵¹ Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 6:51 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Kɔl-gɨ-Ɗari gɨ Lug wal 22:19

Kardi nee ban ay dan̰ mapa, leen̰ Kumu ho’o, tumɔ pa dɨm ma ban boy duroy nee bɨge yege hɨn̰: «Mapa gɨ kɛ le, na kuyoŋdi-gusɨnɨ gɨ ɨŋ bɨgɨŋ. Laagɨŋ hɨn̰ wo̰ agɨŋ hɨnɨn̰ canɨ.»

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 11:26

Bɨ waŋ waŋ gɨ na sɨma-bɨra bɨ bɨga kuduroy canɨ na, kɨya mare naŋ bɨrɨŋ. Me bee kudurɛɛ a cay kɔl gɨ nee le hɛɛ ga?»

Kɔl-gɨ-Ɗari gɨ Ja̰ wal 3:13

Ungo pɨna wo̰ saa a cay gɨsəŋ gaŋ kɛ naa ɨra daa nii naŋ, ama na ɨŋ-bandi Kurɨn̰-ungo ƴɔbɨ ba sayga daa nii gɨsɨngɨ dugo cay gɨsəŋ gaŋ.

Kɔl-gɨ-Ɗari gɨ Ja̰ wal 3:14

Hɨn̰ gɨ Moyis ba si kumbulo gɨ ban uyi dan̰ nare kɨbɨ sɨya gɨŋ daa duroy daldɨŋ le, naa wa wa kalɨn̰ ma ojɨ gɨ kan kɨya see Kurɨn̰-ungo le daa hɨn̰ wo̰ bɨ,

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 6:33

Kɨya wa mapa gɨ da Kumu le, na ban gɨ sayga a daa nii ɨrga cay gɨsəŋ gaŋ bɨ, lee gɨ kalaŋ ga cay gɨsəŋ gaŋ somɨn̰ge-bɨra dan̰ cɨndɨge.»

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

Kɔl-gɨ-Ɗari gɨ Ja̰ wal 6:41

Ayɨn̰ toy a wɔlɛdi gɨ nee gɨŋ le, Jubɨn̰əŋ n̰amge-kɔl cay Jesu kɨya kɔl gɨ ban ni ye gɨ: «Ɨŋ na mapa gɨ sayga daa ɨrga cay gɨsəŋ gaŋ.»

Kɔl-gɨ-Ɗari gɨ Ja̰ wal 6:47

Jagɨŋ, aŋ yəgɨŋ daa waŋ na cɨndi, ungo gɨ na bɨga kuduroyi canɨ le, orɨn̰ dan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 6:48

Ɨŋ na mapa gɨ ba lɔɔ gɨ ungo somɨn̰-bɨra dan̰ cɨndi.

Kɔl-gɨ-Ɗari gɨ Ja̰ wal 6:50

Ama gɨ kɛ le na mapa gɨ sayga daa nii gɨsɨn cay gɨsəŋ gaŋ, ungo gɨ na daa na, kɨya mare naŋ.

Kɔl-gɨ-Ɗari gɨ Ja̰ wal 7:38

Waŋ waŋ gɨ na bɨga kuduroyi canɨ na, “cɨn̰-kaŋn̰əŋ ga kɨya lɔɔ ɗe gɨ ungo na somɨn̰ dan̰ cɨndi kɨya andaŋ kuduroy gɨre ɔrɛ jɨn̰ tumɔ tumɔ” hɨn̰ gɨ ba walɨn̰ge duroy Magtubu di da Kumu di kan walge dɨŋ le.»

2 Korɛ̰t 5:19

Na cɨndi, tumɔ Kumu lee gɨye dan̰ gɨyəŋ gɨ da Kɨris been̰ kalaŋ pɨna danayi, dɨle ɗɔngɨsɛ kardi hɨnga ga dan̰ gɨyəŋdɨge naŋ ga kan leege le. Gɨye bɔgɛ kalaŋ pɨna danayi gɨ nee le, Kumu gusi ba bogɨni kobɨni.

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 5:25

Ban̰aŋ jagɨŋ, geygɨŋ kandiigɨŋ hɨn̰ gɨ Kɨris ba geyɨn̰ Ka-Daye bɨ, ayɨn̰ gusi bɨn̰ tɨma kol cay Ka-Daye wo̰ bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 10:20

Jesu haŋgɨ gɨyəŋ gɨ hɨrɨwa gɨ orɨn̰ danana a sɔmɛ-bɨra gɨ dan̰ tumɔɔ dɨŋ di gay kɨbɨ badɨge ga boy duroy ƴaa andɨn̰ kɨɗɨn̰ ga woy dan̰ cɨndɨge cɨla gaŋ. Ban lee hɨnga ga nee le, na dan̰ gɨyəŋ gɨ da kuyoŋdi-gusi gɨ ban ay be hɨn̰ hɨnga ga ni bogɨn̰ kɨbar wo̰.

1 Pɨyɛr 2:4

Sɨygɨŋ gusi Ba-gulɔŋ. Ban na oru gɨ woy-bɨra gɨ kalaŋ kan̰iige coŋ. Ama Kumu dorii kɨya gɨ Kumu solii gɨ ban na oru gɨ ƴee-cɨndi tɔgɨ.

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

1 Ja̰ 4:10

Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.