Kɔl-gɨ-Ɗari gɨ Ja̰ wal 5:37 - Gabri Maja

³⁷ ama Banɨ gɨ gɨyigəŋ le, ban gusi koyi ba lɔɔ tɨmon̰ kol canɨ. Kɨŋ ja noyi naŋ bɨrɨŋ bɨ, kɨŋ sɨla cɨndi naŋ bɨrɨŋ bɨ,

Kɔl-gɨ-Ɗari gɨ Ja̰ wal 5:37 ပူးပေါင်းရင်းမြစ်များ

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Marg 1:11

Kɨɗɨn̰di ga nee gaŋ le, noy ungo ye a gɨɗɨgɨ-Kumu gɨŋ hɨn̰: «Ji na Kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Lug wal 24:27

Ɨni na, Jesu dor te kɔl gɨ ojɨ cayi, gɨ kan walge duroy Magtubu di da Kumu dɨŋ. Ban ay toy a cay magtubu da Moyis dɨŋ bɨrɨŋ, andɨn̰ duroy Magtubu di da ka-yɔɔ-kɔl-gɨ-Kumu-ba-yɔɔ nɔm.

Kɔl-gɨ-Ɗari gɨ Lug wal 3:22

Bɨ Turnɔ ɗe-kuduroy-bɛrɛ sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi. Noy ungo ye a gɨɗɨgɨ-Kumu gɨŋ ye hɨn̰: «Ji na kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 14:9

Jesu dɨbi cay nee yeyi hɨn̰: «Pilib, ɨŋ som danagɨŋ karɨnɨ sɨngɨɗɨ bɨ, na mɨna ma mɨn̰ sɨlaŋ naŋ coŋ ga? Ungo gɨ na sɨlaŋ dan̰ tɨdi na, sol Banɨ dan̰ tɨdi bɨ. Na mɨna ma mɨn̰ ye: “Gɨ ɨŋ na gɨlgɨŋ Banɨ coŋ ga?”

Kɔl-gɨ-Ɗari gɨ Ja̰ wal 15:24

Tumɔ ɨŋ ni na laa gɨye nɔm gɨ ungo gɨ ɗaŋ laa duroyge naŋ ƴee na, kɔl ni kɨya ƴɔmɛ cayge naŋ. Ama haw kɛ na, kan solge gɨye-lɔɔnɨ nɔm dan̰ cɨndɨge bɨ, kan ƴomnige ɨŋ-bandi bɨ Banɨ bɨ dan̰ kuduroyge cɨndɨge tumɔ tumɔ.

Kɔl-gɨ-Ɗari gɨ Ja̰ wal 5:32

Ama na ungo gɨ ɗaŋ ba lɔɔ tɨmon̰ kol canɨ bɨ, ɨŋ sol gɨ tɨmon̰ di ban lee le, or pɨna dan̰ kɔl gɨ cɨndi bɨ.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Kɔl-gɨ-Ɗari gɨ Ja̰ wal 8:18

Ɨŋ-bandi, ɨŋ lee tɨmon̰ cay gusɨnɨ gɨŋ gaŋ bɨ, Banɨ gɨ ba gɨyigəŋ le kalɨn̰ ma, lee tɨmon̰ kɔl canɨ bɨ.»

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

1 Timote 6:16

Na Ban ƴɔbɨ ma na ungo gɨ kɨya mare naŋ. Ban som na boy kɨɗɨn̰ ga asɨn̰ ɗen̰ ɗen̰ gaŋ, Ga ungo kɨya ɓale sɔlɛ naŋ bɨ, Ɓale ɔrɛ nee naŋ bɨ. Gusoŋ-tɔgɛ na koyi bɨ, Dɔnɔ di woy dan̰ cɨndo na toyi bɨ. Ɗa-ɗe-woy-hɨn̰-wo̰.

1 Ja̰ 4:12

Ungo pɨna wo̰ sɨla Kumu dan̰ tɨdi naŋ bɨrɨŋ. Hɨn̰ gɨ nana gey gusɨnagɨŋ na, Kumu bugoŋ pɨna dananagɨŋ bɨ, geye koyi gɨ woy kuduroynagɨŋ le duroŋ cɨrɛɗ bɨ.

1 Ja̰ 4:20

Waŋ waŋ gɨ na ya hɨn̰: «Ɨŋ gey Kumu», ma na ƴɨma kurɨndi dan̰ kuduroyi na, ban na ba poy. Na cɨndi, ungo gɨ na gey kurɨndi gɨ ban solii dan̰ tɨdi gərɨn̰ gərɨn̰ kɛ naŋ na, ban kɨya ɓale geye Kumu gɨ ban sɨlayi dan̰ tɨdi gərɨn̰ gərɨn̰ naŋ bɨ.

1 Ja̰ 5:9

Tɨmon̰ di kalaŋ ga ɨndəŋ lee le, na ƴee. Ama tɨmon̰ di Kumu lee le, ɗɨn̰ da kalaŋ ga ɨndəŋ coŋ. Tɨmon̰ di Kumu lee le, ojɨn̰ na cay Kurondi.