Kɔl-gɨ-Ɗari gɨ Ja̰ wal 5:26 - Gabri Maja

²⁶ Kɨya wa hɨn̰ gɨ Kɨye bayi orɨn̰ dan̰ sɔmɛ-bɨra le, na hɨn̰ wo̰ ma ban bɨn̰ Kuroŋ ɗe gɨ ban kalɨn̰ ma na ɨran̰ dan̰ sɔmɛ-bɨra bɨ.

Kɔl-gɨ-Ɗari gɨ Ja̰ wal 5:26 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:4

Sɔmɛ-bɨra woy na boy Kɔl gɨŋ, sɔmɛ-bɨra, na kɨɗɨn̰ asɨn̰e gɨ da kalaŋ.

Kɔl-gɨ-Ɗari gɨ Ja̰ wal 10:18

Ungo pɨna gɨ ba ɓale dɨɗəŋ unɔ, ama na ɨŋ-bandi gusɨnɨ ba ɗɔɔ gusɨnɨ dan̰ kuduroy-geye hɨnge ɗe gɨ kan na dɨɗəŋge. Ɨŋ ɓal gɨ ni ɗɔɔ gusɨnɨ bɨ, ɨŋ ɓal gɨ ni jɔgɛ ƴɔɔ daa bɨ. Kɔl gɨ nee le, or pɨna dan̰ te tumɔ di Banɨ ay bəŋ le.»

Kɔl-gɨ-Ɗari gɨ Ja̰ wal 11:25

Jesu yoo hɨn̰: «Ɨŋ na bɔyɛ lɨbe gɨ da kalaŋ bɨ, ɨŋ na sɔmɛ-bɨra gɨ dan̰ cɨndi bɨ. Ungo gɨ na bɨga kuduroy canɨ na, ban na mara na mare kalɨn̰ ma, ban kɨya sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 11:26

Bɨ waŋ waŋ gɨ na sɨma-bɨra bɨ bɨga kuduroy canɨ na, kɨya mare naŋ bɨrɨŋ. Me bee kudurɛɛ a cay kɔl gɨ nee le hɛɛ ga?»

Kɔl-gɨ-Ɗari gɨ Ja̰ wal 14:19

Lam wo̰ nee na, kalaŋ ga cay gɨsəŋ gaŋ kɨya sɔlɔŋ dan̰ cɨndɨge naŋ bɨrɨŋ. Ama kɨŋ na, kɨŋ kɨya sɔlɔŋ dan̰ cɨndɨgɨŋ kɨya gɨ ɨŋ som-bɨra bɨ, kɨŋ kalɨn̰ ma kɨŋ kɨya sɔmɛ-bɨra bɨ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 6:57

Hɨn̰ gɨ Banɨ ba gɨyigəŋ ba som-bɨra dan̰ cɨndi bɨ, ɨŋ ba som-bɨra na kol cay Banɨ bɨ na, ungo gɨ na daaŋ na, kɨya sɔmɛ-bɨra dan̰ cɨndi kol canɨ bɨ.

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Gɨye-lɔɔ 17:25

Gɨye koyi kalɨn̰ ma, gey kobɨ kalaŋ ga ɨndəŋ naŋ bɨ, ban ɨran̰ dan̰ n̰agedi hɨnga pɨna wo̰ ɗe ungo na bii naŋ bɨ. Kɨya wa ban mana ba bɨn̰ kalaŋ nɔm sɔmɛ-bɨra bɨ, ba dɔbɛ habe kuduroyge bɨ, ba bɨge hɨnga nɔm ga ba baa bɨ.

1 Korɛ̰t 15:45

Na toy di hɨn̰ wo̰ ma walge duroy Magtubu di da Kumu dɨŋ yege hɨn̰: «Adam, ungo gɨ cay wase le Kumu bii sɔmɛ-bɨra.» Ama ojɨn̰ cay Adam gɨ kardi nee gɛs na, na ban mana kuyoŋdi-gusu gɨ da turnɔ gɨ ba bɨn̰ kalaŋ sɔmɛ-bɨra.

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

1 Timote 6:16

Na Ban ƴɔbɨ ma na ungo gɨ kɨya mare naŋ. Ban som na boy kɨɗɨn̰ ga asɨn̰ ɗen̰ ɗen̰ gaŋ, Ga ungo kɨya ɓale sɔlɛ naŋ bɨ, Ɓale ɔrɛ nee naŋ bɨ. Gusoŋ-tɔgɛ na koyi bɨ, Dɔnɔ di woy dan̰ cɨndo na toyi bɨ. Ɗa-ɗe-woy-hɨn̰-wo̰.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Wasɨn̰a 21:6

Bɨ ban jɨga yəŋ ɗaŋ hɨn̰: «Te kɔl ayaŋ ɨni. Ɨŋ na Alpa bɨ Omega bɨ, ɨŋ na ba se te hɨnga bɨ, ba-dɨɗe kɨbɨge bɨ. Waŋ waŋ gɨ gɨmase na daayi na, ɨŋ kɨya bii kaŋ ga ni sɔɔ kalɨn̰ a cɨn̰-kaŋ ga ni sɔmɛ-bɨra gaŋ.

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.

Wasɨn̰a 7:17

Kɨya wa kurɨn̰-dɨmangɨ gɨ ɨre a duroy kali-tɨrɨmbala dɨŋ bɔb le, kɨya sɔlɛ kardɨge hɨn̰ ba-ame gamge gɨ sol kardi gamge wo̰ bɨ. Ban kɨya dɔrɛ tumoyge orɨn̰ danage a kɨɗɨn̰ ga kan kɨya ɓale sɨn̰ kaŋ ga bee sɔmɛ-bɨra gɨ leen̰ cɨndi. Ɗaŋ coŋ Kumu kɨya hande kaŋdi cɨndɨge a cɨndɨge pɨrɛd pɨrɛd coŋ bɨ.»