Kɔl-gɨ-Ɗari gɨ Ja̰ wal 5:24 - Gabri Maja

²⁴ Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 5:24 ပူးပေါင်းရင်းမြစ်များ

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Marg 16:16

Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Kɔl-gɨ-Ɗari gɨ Ja̰ wal 11:26

Bɨ waŋ waŋ gɨ na sɨma-bɨra bɨ bɨga kuduroy canɨ na, kɨya mare naŋ bɨrɨŋ. Me bee kudurɛɛ a cay kɔl gɨ nee le hɛɛ ga?»

Kɔl-gɨ-Ɗari gɨ Ja̰ wal 12:44

Ama Jesu ye dan̰ tumoyi di daa pəŋ ye hɨn̰: «Waŋ waŋ gɨ na bɨga kuduroy canɨ na, ban bee kuduroyi na canɨ ɨŋ-bandi ƴɔbɨ naŋ, ama ban bee kuduroyi na cay Kumu gɨ gɨyigəŋ bɨ.

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:18

Waŋ waŋ gɨ na bɨga kuduroyi cayi na, bɔyɛ kɔl unɔ cayi. Ama waŋ waŋ gɨ na bɨga kuduroyi cayi naŋ na, boyge kɔl cayi ɨni, kɨya wa ban bɨga kuduroyi a cay Kurɨn̰-Kumu gɨ pɨna hayi kəɗ kəɗ le naŋ.

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Kɔl-gɨ-Ɗari gɨ Ja̰ wal 4:36

Ba-wale cay gasa way hɨnga ga ni cay kobi ɨni bɨ, ban day cɨn̰ gasa ga ɗari le daa kɨya cay sɔmɛ-bɨra gɨ dan̰ cɨndi le. Lee gɨ ba-gɨse bɨ, ba-wale gasa bɨ, leege gusi-mɔwa pɨna.

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

Kɔl-gɨ-Ɗari gɨ Ja̰ wal 6:47

Jagɨŋ, aŋ yəgɨŋ daa waŋ na cɨndi, ungo gɨ na bɨga kuduroyi canɨ le, orɨn̰ dan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 6:50

Ama gɨ kɛ le na mapa gɨ sayga daa nii gɨsɨn cay gɨsəŋ gaŋ, ungo gɨ na daa na, kɨya mare naŋ.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 6:58

Mapa gɨ sayga daa nii gɨsɨn a cay gɨsəŋ gaŋ le ba kɔ. Ban wɨya na hɨn̰ man gɨ mon̰igɨŋ ga jɨne naa diige le naŋ. Kan dige man ama mage. Ungo gɨ na daa mapa gɨ kɛ le, kɨya sɔmɛ-bɨra dan̰ cɨndi.»

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

1 Tesalonigɨ 5:9

Kɨya wa Kumu ɗena na ɗe gɨ ana na wan̰ pɔɗɛ dan̰ gɨyəŋ gɨ da Ba-gulɔŋ Jesu-Kɨris gɨ ma kol caynagɨŋ le, ama na ɗe gɨ kuduroy-hɔmɛ toyi na gɨ bɔɔ caynagɨŋ naŋ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.

1 Ja̰ 3:14

Na-gandi na solgɨŋ gɨ na andaŋgɨŋ a kobɨ tɨma dɨŋ coŋ, andɨn̰ a sɔmɛ-bɨra gɨŋ kɨya gɨ na gey karmiinagɨŋ ga ban̰aŋ dan̰ ga kandɨ. Waŋ waŋ gɨ na gey karmii ga ban̰aŋ dan̰ ga kandɨ naŋ na, ban baa na a te dɔnɔ di da tɨma dɨŋ ƴee.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.