Kɔl-gɨ-Ɗari gɨ Ja̰ wal 5:23 - Gabri Maja

²³ ɗe gɨ kalaŋ nɔm been̰ge hurɔmɔ cay kuroŋ hɨn̰ gɨ kan ba been̰ge Kumu hurɔmɔ le. Ungo gɨ na dɨbɨn̰ kuroŋ hurɔmɔ naŋ na, kɨya dɨbɨn̰ Kɨye bayi gɨ gɨygɨn̰ dan̰ kuroŋ le hurɔmɔ naŋ bɨ.

Kɔl-gɨ-Ɗari gɨ Ja̰ wal 5:23 ပူးပေါင်းရင်းမြစ်များ

Matɨyo 10:37

«Waŋ waŋ gɨ na gey bayi bɨ, ƴoyi bɨ cɨla ɗəŋ ɨŋ-bandi coŋ na, kɨya ɓale bɨləŋ ba-aye-cay-tɨbanɨ naŋ bɨ. Waŋ waŋ gɨ na gey kurondi bɨ, turmoyi bɨ cɨla ɗəŋ na, kɨya ɓale bɨləŋ ba-aye-cay-tɨbanɨ naŋ bɨ.

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 12:21

Te wɔɔ gɨ da kalaŋ ga ɗaŋ Kɨya ɗɔɔge ɨrɨmedɨge cayi.»

Matɨyo 15:8

“Kalaŋ ga kɛ le ayge canɨ daa na dan̰ kɨbɨge kalɨn̰ wo̰ ƴɔbɨ, Ama kuduroyge na, kan geyəŋge naŋ.

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Kɔl-gɨ-Ɗari gɨ Lug wal 10:16

Ban jɨga yen̰ ka-aye-cay-tɨbayi yege hɨn̰: «Waŋ waŋ gɨ na ja kɔl kogɨŋ na, je na kɔl hɨnge bɨ. Waŋ waŋ gɨ na jɨbɨgɨŋ sɛdɨ coŋ na, jɨbəŋ na ɨŋ-bandi sɛdɨ coŋ bɨ. Waŋ waŋ gɨ na jɨbəŋ sɛdɨ coŋ na, jɨb na ban gɨ ba gɨyigəŋ sɛdɨ coŋ bɨ.»

Kɔl-gɨ-Ɗari gɨ Ja̰ wal 14:1

Jesu yen̰ ka-aye-cay-tɨbayi hɨn̰: «Ɗɔɔgɨŋ ɗugoygɨŋ algɨŋ naŋ, bɨgagɨŋ kuduroygɨŋ cay Kumu bɨ, bɨgagɨŋ kuduroygɨŋ canɨ nee bɨ.

Kɔl-gɨ-Ɗari gɨ Ja̰ wal 16:14

Hɨndi kɨya dɨbe gusoŋ-tɔgɛ canɨ ɨŋ-bandi kɨya wa na kɔl gɨ hɨndi je kɨbɨnɨ ma hɨndi kɨya aye yəgɨŋ.

Kɔl-gɨ-Ɗari gɨ Ja̰ wal 17:10

Kalaŋ kange nɔm na kan̰ bɨ, kalaŋ kan̰ nɔm na kange bɨ. Gusoŋ-tɔgɛ hɨnge gɨl gusi doŋ gusɨge bɨ.

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 15:12

Ba-yɔɔ-kɔl-gɨ-Kumu-ba-yɔɔ Ijay ye ɗaŋ coŋ hɨn̰: «Kungay Jese pɨna kɨya andɨgaŋ, Na ban ba kɨya sɔ gɨ ni dɔɔ cayi te wɔɔ, Gɨ da kalaŋ pɨna pɨna le. Te wɔɔ gɨ da kalaŋ kɨya bɔgɛge ɨrɨmedɨge a cayi.»

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

Magtubu di Pol wal bɨn̰ kalaŋ ga Rɔm 8:9

Ama kɨŋ-gandi na, kɨŋ gura na dan̰ gɨyəŋ gɨ da ɨrɨme gɨ da kuyoŋdi-gusɨgɨŋ naŋ. Kɨŋ gor na dan̰ gɨyəŋ gɨ da Turnɔ ɗe-kuduroy-bɛrɛ, kɨya wa Turnɔ di da Kumu som a kuduroygɨŋ. Hɨn̰ gɨ ungo na ɨran̰ dan̰ Turnɔ di da Kɨris naŋ na, ban na gɨ da Kɨris naŋ.

1 Korɛ̰t 1:3

Ɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

1 Korɛ̰t 10:31

«Hɨn̰ wo̰ na hɨn̰ gɨ kɨŋ na da na dɔɔ, wala kɨŋ na sa naa sɔ, wala kɨŋ na laa naa wa wa kalɨn̰ ma, kɨŋ laa hɨnga nɔm na kɨya dɨbɨn̰ gusoŋ-tɔgɛ cay Kumu.

1 Korɛ̰t 16:22

Hɨn̰ gɨ ungo na gey Ba-gulɔŋ naŋ na, ɗa gɨ ɓɨse ƴɨma cayi! Marana ta, Ba-gulondɨna ɨre.

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

2 Korɛ̰t 1:9

A kɨɗɨn̰ ga nee gaŋ le na, ni sol kuduroyni gɨ ni naa hɨnga ga da tɨma ɨni. Nərɨn̰ di andaŋ cayni le andaŋ hɨn̰ wo̰ ɗe ani na been̰ kuduroyni cay gusɨni gɨŋ gaŋ naŋ, ama ɗe ani na been̰ kuduroyni cay Kumu gɨ ba bɔyɛ kalaŋ ga madɨrdaŋ lɨbe.

2 Korɛ̰t 5:14

Kɨya wa na geye gɨ da Kɨris ba orɨn̰ danani ma mani leen̰ hɨn̰ wo̰, ni-gandi ga ni sol kuɗa gɨ na ungo pɨna hayi ƴɔbɨ ba mare a ban̰di kundɨwa gɨ da kalaŋ le. Hɨn̰ wo̰ na kan nɔm mage danayi.

2 Korɛ̰t 5:19

Na cɨndi, tumɔ Kumu lee gɨye dan̰ gɨyəŋ gɨ da Kɨris been̰ kalaŋ pɨna danayi, dɨle ɗɔngɨsɛ kardi hɨnga ga dan̰ gɨyəŋdɨge naŋ ga kan leege le. Gɨye bɔgɛ kalaŋ pɨna danayi gɨ nee le, Kumu gusi ba bogɨni kobɨni.

Epɛs 6:24

Kalaŋ nɔm ga geyge Ba-gulondɨna Jesu-Kɨris dan̰ geye gɨ kagadi unɔ le, kuɗa gɨ Kumu laa ɗarwa danage.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

Əbɨro 1:6

Ama kɨɗɨn̰ ga Kumu andɨn̰ dan̰ kurondi gɨ cay wase cɨg cɨg a cay gɨsəŋ gaŋ na, ban ye hɨn̰: «Ojɨ gɨ ka-ƴɔbɛ ga daa nii, Ga da Kumu nɔm na n̰ɨriige.»

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

1 Ja̰ 2:23

Waŋ waŋ gɨ na man̰a kɨbi yan̰ gɨ Jesu naa Kurɨn̰-Kumu naŋ na, ungo gɨ nee le, Kumu na bayi naŋ ɨni. Ungo gɨ na ya pɨraŋ daa gɨ Jesu naa Kurɨn̰-Kumu na, Kumu bɨle na bayi ɨni.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.