Kɔl-gɨ-Ɗari gɨ Ja̰ wal 5:19 - Gabri Maja

¹⁹ Jesu jɨga ay kɔl bɨ yege hɨn̰: «Jagɨŋ, ɨŋ yəgɨŋ na kɔl gɨ cɨndi. Kuroŋ kɨya ɓale lɔɔ hɨnga dan̰ cay gusi naŋ. Ban kɨya lɔɔ na hɨnga ga ban sol bayi te lɔɔdɨge gɨŋ ƴɔbɨ. Kɨya wa hɨnga nɔm ga kɨye bay lee le, kuroŋ kɨya lɔɔ na hɨn̰ wo̰ bɨ.

Kɔl-gɨ-Ɗari gɨ Ja̰ wal 5:19 ပူးပေါင်းရင်းမြစ်များ

Matɨyo 26:39

Ban dor toyi dḛ walaŋ ɨni na, ban poy gɨbayi dugo bɨrɨŋ gɨ jɨndi ɨsɨbɨ gɨsəŋ bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le na ɨra sɛdɨ walaŋ gusɨnɨ coŋ, na wɨya nee na, ji laa gɨ ɗe or walaŋ sɛdɨ gusɨnɨ coŋ. Ama ɗa ɗe woy na hɨn̰ gɨ ji-bandi ji gey, wala na hɨn̰ gɨ ɨŋ-bandi ɨŋ gey wo̰ naŋ.»

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Kɔl-gɨ-Ɗari gɨ Ja̰ wal 10:18

Ungo pɨna gɨ ba ɓale dɨɗəŋ unɔ, ama na ɨŋ-bandi gusɨnɨ ba ɗɔɔ gusɨnɨ dan̰ kuduroy-geye hɨnge ɗe gɨ kan na dɨɗəŋge. Ɨŋ ɓal gɨ ni ɗɔɔ gusɨnɨ bɨ, ɨŋ ɓal gɨ ni jɔgɛ ƴɔɔ daa bɨ. Kɔl gɨ nee le, or pɨna dan̰ te tumɔ di Banɨ ay bəŋ le.»

Kɔl-gɨ-Ɗari gɨ Ja̰ wal 12:49

Kɨya wa ɨŋ ya kɔl na dan̰ canɨ naŋ. Ama na Banɨ gɨ gɨyigəŋ le ba aye noy bəŋ ojɨn̰ cay hɨnga nɔm ga ɨŋ na ya koldɨge bɨ, hɨnga ga ɨŋ kɨya gɨlɨn̰ kalaŋ bɨ.

Kɔl-gɨ-Ɗari gɨ Ja̰ wal 12:50

Bɨ ɨŋ sol gɨ te tumoyi na, na hɨnga ga kɨya lɔɔ ɗe kalaŋ na wayan̰ge sɔmɛ-bɨra gɨ dan̰ cɨndi: Kɔl gɨ ɨŋ ba ye le, ɨŋ ye na hɨn̰ gɨ Banɨ ba yəŋ le kɔ.»

Kɔl-gɨ-Ɗari gɨ Ja̰ wal 14:10

Ji bɨga kuduron̰ cay nee hɨn̰ gɨ ɨŋ na woy kuduroy Banɨ bɨ, Banɨ na woy kuduronɨ bɨ naŋ ga? Kɔl nɔm gɨ ɨŋ ba yəgɨŋ le, ɨŋ yagɨŋ na dan̰ cay gusɨnɨ hɨnge naŋ! Ama na Banɨ gɨ bugoŋ pɨna danaŋ le ba lɔɔ gɨye koyi.

Kɔl-gɨ-Ɗari gɨ Ja̰ wal 2:19

Ɨni na, Jesu jɨga dɨbɨge cay nee yege hɨn̰: «Dɨsagɨŋ ƴaa-di-da-Kumu di kɛ le coŋ bɨ, duroy wɔlɛ sɨbɨ na ɨŋ kɨya jɔgɛ gaɗe daa ban̰di nee.»

Kɔl-gɨ-Ɗari gɨ Ja̰ wal 3:3

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na jɨgage wɔɔge ungo hɨrɨwa naŋ na, ban kɨya ɓale sɔlɛ dɔɔ-ƴaa di da Kumu naŋ.»

Kɔl-gɨ-Ɗari gɨ Ja̰ wal 5:21

Hɨn̰ gɨ kɨye bayi boy kalaŋ ga madɨrdaŋ lɨbge bɨ, lee gɨ kan somin̰ge-bɨra bɨ le, na hɨn̰ wo̰ ma, Kurɔŋ kalɨn̰ ma lee gɨ ɗe kan ga kuduroyi geyge le, na sɨman̰ge-bɨra bɨ.

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 8:28

Ɨni na, Jesu yege hɨn̰: «Kɨɗɨn̰ ga kɨŋ kɨya gagɨle Kurɨn̰-ungo a daa na, kɨŋ kɨya sɔlɛ gɨ ɨŋ naa ban le bɨ, gɨ ɨŋ na laa hɨnga pɨna wo̰ dan̰ cay gusɨnɨ hɨnge naŋ bɨ. Ama ɨŋ ye na kɔl gɨ Banɨ ba gɨləŋ.

Kɔl-gɨ-Ɗari gɨ Ja̰ wal 9:4

Naa wa wa kalɨn̰ ma laanagɨŋ gɨye gɨ da ban gɨ ba gɨyigəŋ le dan̰ te tɨwa. Kɨya wa kɨɗɨn̰ ga ɨndi tɨlga nee gɨ ungo pɨna wo̰ kɨya ɓale sɔlɛ kɨɗɨn̰ ga ni leen̰ gɨye naŋ ɨni.

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.

Magtubu di Pol wal bɨn̰ kalaŋ ga Rɔm 6:4

Kɨɗɨn̰ ga kan leenage batɛm le, na-gandi na ma dan̰ Kɨris bɨ, ɨmgɨnage danayi bɨ. Hɨn̰ gɨ Bayna Kumu ba boy Kɨris lɨbii dan̰ gɨyəŋ gɨ da dɔnɔ di da gusoŋ-tɔgɛ koyi le, na-gandi kalɨn̰ ma Kumu gey gɨ nana sɨma-bɨra dan̰ sɔmɛ-bɨra gɨ hɨrɨwa bɨ.

Magtubu di Pol wal bɨn̰ kalaŋ ga Rɔm 8:11

Turnoy Kumu di ba boy Jesu lɨbii duroy kalaŋ ga madɨrdaŋ le som a gusɨgɨŋ. Na toy di hɨn̰ wo̰, Kumu gɨ ba bɔyɛ Jesu-Kɨris lɨbii duroy kalaŋ ga madɨrdaŋ le kalɨn̰ ma, kɨya bɨn̰ kuyoŋdi-gusɨgɨŋ gɨ ba kɨya mare le sɔmɛ-bɨra, dan̰ gɨyəŋ gɨ da Turnoyi di ba som a gusɨgɨŋ.

1 Korɛ̰t 15:12

Hɨn̰ gɨ na-gandi nɔm na na tɨga bɛrnɛ gɨ Kumu na bɨya Kɨris lɨbii na, kɛ na mɨna ma kalaŋ ga pɨna duroygɨŋ yege gɨ kalaŋ ga mage na kɨya bɔyɛge lɨbe naŋ ga?

2 Korɛ̰t 4:14

Kɨya wa ungo gɨ ba bɔyɛ Ba-gulɔŋ lɨbii le ni sol gɨ ni-gandi kalɨn̰ ma, ban kɨya boyni lɨbni dan̰ Jesu pɨna bɨ, kɨya ɗoni a gusi mɨnde pɨna danagɨŋ bɨ.

2 Korɛ̰t 5:10

Kɨya wa naa wa wa kalɨn̰ ma, na-gandi nɔm na kɨya ɨregɨŋ tumoy Kɨris ɗe ban na bon̰ kɔl caynagɨŋ. Kɨɗɨn̰di ga nee gaŋ le na, waŋ waŋ kalɨn̰ ma kɨya wɔɔ hɨnga ojɨn̰ cay gɨye-lɔɔdi gɨ ɗari, naŋ le gɨ ɨsɨni, na hɨnga ga ban lee kɨɗɨn̰ ga ban ban̰ dan̰ kuyoŋdi-gusi a cay gɨsəŋ gaŋ kɛ.

Epɛs 2:5

Na toy di hɨn̰ wo̰ na-gandi ga na woy hɨn̰ kalaŋ ga madɨrdaŋ coŋ kɨya cay hɨnga ga dan̰ gɨyəŋdɨge naŋ ga na lee le, ban bɨna sɔmɛ-bɨra gɨ hɨrɨwa te bugoŋ gɨ na bugoŋ pɨna dan̰ Kɨris. Ho’o, na dan̰ gɨyəŋ gɨ da ɗarwa di da Kumu ƴɔbɨ ma magɨŋ poɗɨn̰.

Epɛs 3:16

Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ.

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

Kɔlɔs 1:11

A duroy tɨwa nɔm na, kuɗa gɨ Kumu bɨgɨŋ tɔgɨ a duroy hɨnga nɔm, dan̰ gɨyəŋ gɨ da dɔnɔ di orɨn̰ dan̰ gusoŋ-tɔgɛ koyi ɗe agɨŋ ɓalɨn̰ ƴomɨn̰ kuduroygɨŋ duroy gɨwase gɨŋ nɔm bɨ, dɨbɨn̰ ɗugoygɨŋ bɨ.

Kɔlɔs 1:16

Leen̰ cɨndi na, Kumu ɗe hɨnga nɔm Ga gɨɗɨgɨ-Kumu gaŋ bɨ, ga a cay gɨsəŋ gaŋ bɨ. Ban lee hɨnga ga kalaŋ ɓalge sɔlɛ dan̰ tɨdɨge bɨ, hɨnga ga kalaŋ ɓalage sɔlɛ dan̰ tɨdɨge naŋ bɨ, na dan̰ gɨyəŋ gɨ da Kurondi. Ga na kali-tɨrɨmbalan̰əŋ bɨ, Hɨnga nɔm ga orɨn̰ dan̰ dɔnɔ dan̰ tɨrɨmbala bɨ, Dɔnɔ ga ka-dɔɔ cay ƴaan̰əŋ bɨ, Kalaŋ ga gusondɨge ye bɨ. Kumu ɗege nɔm na dan̰ gɨyəŋ gɨ da Kurondi bɨ, Na kol cayi ban bɨ.

1 Tesalonigɨ 4:14

Leen̰ cɨndi na, na bee kuduroyna cay mare gɨ da Jesu bɨ, cay bɔyɛ lɨbe koyi bɨ. Kɨya cay hɨnga ga nee le na, na sol leen̰ cɨndi gɨ Kumu kɨya bɔyɛ kan ga mage le lɨbe bɨ, kan ga beege kuduroyge cay Jesu bɨ. Ɨni na, kan kɨya sɔmɛge dan̰ Jesu.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

Wasɨn̰a 2:23

Ɨŋ kɨya ɗɔɔ tɨma dɨɗe karɨndo. Na hɨn̰ wo̰ ma, Ka-Daye nɔm kɨya sɔlɛge gɨ ɨŋ naa ba kɔbɛ te ɨrɨme bɨ, tabɨlaŋdi hɨnga ga woy a kuduroy kalaŋ bɨ, kɨya sɔlɛge gɨ ɨŋ na bɨn̰ ungo gɨ ani ani naa hɨnga ga ojɨ cayi ɓalɨn̰ dan̰ gɨye-lɔɔdi.