Kɔl-gɨ-Ɗari gɨ Ja̰ wal 5:10 - Gabri Maja

¹⁰ Ɨni na, ka-cay Jubɨn̰əŋ yen̰ge ungo gɨ poɗɨ le, yeyige hɨn̰: «Labɨde na wɔlɛ gɨ ni dorɨn̰ gɨlale gɨ da Jubɨn̰əŋ. Na gɨyəŋdi gɨ ji kɨya aye kuyo kon̰ kɔjɛ naŋ.»

Kɔl-gɨ-Ɗari gɨ Ja̰ wal 5:10 ပူးပေါင်းရင်းမြစ်များ

Matɨyo 12:10

Ɨni na, gɨlmi gɨ pɨna wo̰, gɨ kobi ma ɨre danage nee. Parɨsɨn̰an̰əŋ ɨngɨrɨn̰ge Jesu yege hɨn̰: «Kɛ, gasɨn̰-kɔl bɨn̰ ungo gɨyəŋ gɨ ni poɗɨn̰ ungo dan̰ wɔlɛ gɨ ni dorɨn̰ gɨlale gɨ da Jubɨ ga?» Kan ɨngɨriige kɔl gɨ nee le, ɗe age na sɨn̰ kɔl cayi.

Marg 2:24

Kɨɗɨn̰ ga nee le Parɨsɨn̰an̰əŋ yen̰ge Jesu hɨn̰: «Sɨla, na kɨya wa ma ka-aye-cay-tɨban̰ leege hɨnga ga gasɨn̰-kɔl nar lɔɔ dan̰ wɔlɛ gɨ ni dorɨn̰ gɨlale gɨ da Jubɨ ga?»

Marg 3:4

Ɨni na, ban yege hɨn̰: «Kɛ wɔlɛ gɨ ni dorɨn̰ gɨlale le, na wɔlɛ gɨ Kumu gey gɨ na na laan̰gɨŋ hɨnga ga ɗari wala, laan̰gɨŋ hɨnga ga ɨsɨni ga?» Kɛ na wɔlɛ gɨ ni poɗɨn̰ ungo wala, dɨɗɨn̰ ungo ga? Ama kan somge kɨbɨge munduŋ.

Kɔl-gɨ-Ɗari gɨ Lug wal 13:14

Ama ba-sɔmɛ cay ƴaa-daye-di-da-Jubɨn̰əŋ le, kuduroy hɔmii kɨya gɨ Jesu pɔɗɔɔ dan̰ wɔlɛ gɨ ni dorɨn̰ gɨlale gɨ da Jubɨ. Ɨni na, ban ay kɔl yen̰ dɨmdɨrdi kalaŋ le yege hɨn̰: «Wɔlɛ gɨ ni loon̰ gɨye won̰ jii. Na boy wɔlɛ gɨ nee le ma ojɨ gɨ kɨŋ kɨya ɨrga ɗe kan na poɗɨgɨŋ nee, ama na dan̰ wɔlɛ gɨ ni dorɨn̰ gɨlale gɨ da Jubɨ naŋ.»

Kɔl-gɨ-Ɗari gɨ Lug wal 23:56

Kandɨ ga nee le, kardi nee na bɨlege cayge jogɨge ɨndi, kɨya ƴomɨn̰ cay tɨbay hɛɗɨmɛ ga ɗo̰ tɨna dan̰ ɨdɨr gɨ ni bɔgɛ cay gun gɨŋ. Ɨni na kan ƴomge gusɨge dan̰ wɔlɛ gɨ ni dɔrɛ gɨlale hɨn̰ gɨ gasɨn̰-kɔl gɨ da Moyis ba ojɨ le.

Kɔl-gɨ-Ɗari gɨ Lug wal 6:2

Parɨsɨn̰an̰əŋ ga pɨna wo̰ ɨngɨriige yege hɨn̰: «Toy na mɨna ma, magɨŋ lee hɨnga ga gasɨn̰-kɔl kani nar dan̰ wɔlɛ gɨ ni dorɨn̰ gɨlale le ga?»

Kɔl-gɨ-Ɗari gɨ Ja̰ wal 1:19

Kɔl gɨ Ja̰ ye ojɨn̰ cay gusi koyi, kɨɗɨn̰ ga Jubɨn̰əŋ ga Jerusalɛm ba gɨygɨge ka-bɔgɛ kɨbar ga pɨna wo̰ dan̰ karɨn̰ Lebi ga pɨna wo̰, ɗe gɨ kan na ɨre ɨngɨriige le, ba kɛ: «Ji na waŋ ga?»

Kɔl-gɨ-Ɗari gɨ Ja̰ wal 5:11

Ama ban dɨbɨge cay nee yege hɨn̰: «Na ungo gɨ ba lɔɔ gɨ gusɨnɨ wɔyɔŋ kalɨn̰ caŋ caŋ le ba yɔŋ hɨn̰: “Aya kuyo kon̰ bɨ ɨra”.»

Kɔl-gɨ-Ɗari gɨ Ja̰ wal 5:15

Ungo le or wan̰ ka-cay Jubɨn̰əŋ bɨ, yege gɨ ungo gɨ ba-poɗii le naa Jesu.

Kɔl-gɨ-Ɗari gɨ Ja̰ wal 5:16

Ayɨn̰ toy boy wɔlɛdi gɨ nee gɨŋ le, Jubɨn̰əŋ san̰ge danayi, kɨya wa ban lee hɨnga ga nee le, na boy wɔlɛ gɨ ni dorɨn̰ gɨlale gɨ da Jubɨn̰əŋ gaŋ.

Kɔl-gɨ-Ɗari gɨ Ja̰ wal 7:23

Hɨn̰ gɨ kan na walan̰ ungo ban̰a naa dan̰ wɔlɛ gɨ ni dorɨn̰ gɨlale na, kɨŋ ya gɨ ban na hangɨɗa naa cay gasɨn̰-kɔl gɨ da Moyis naŋ, kɛ na kɨya wa ma kuduroyigɨŋ say canɨ kɨya ungo gɨ ɨŋ poɗii cɨrab a wɔlɛ gɨ ni dorɨn̰ gɨlale gɨŋ ga?

Kɔl-gɨ-Ɗari gɨ Ja̰ wal 9:16

Duroy Parɨsɨn̰an̰əŋ le, ga pɨna say yege hɨn̰: «Ungo gɨ ba lee hɨnga ga nee le ban se na gusi Kumu naŋ. Kɨya wa ban bɨga kɔl a cay wɔlɛ kona gɨ ni dorɨn̰ gɨlale gɨ da Jubɨn̰əŋ gɨŋ naŋ.» Ama ga ɗaŋ yege hɨn̰: «Kɛ na mɨna ma ungo naa ba lɔɔ ɨsɨna na, gɨ orɨn̰ dan̰ dɔnɔ di ni leen̰ hɨnga ga ɗɨn̰ cɨn̰-kɨɗɨn̰ nɔm ga hɨn̰ wo̰ ga?» Na toyi di hɨn̰ wo̰ ma, say bɨle na te cuduroŋdɨge duroyge.