Kɔl-gɨ-Ɗari gɨ Ja̰ wal 4:48 - Gabri Maja

⁴⁸ Jesu yeyi hɨn̰: «Hɨn̰ gɨ kɨŋ na sɨla hɨnga ga ɗɨn̰ cɨn̰-kɨɗɨn̰ dan̰ hɨnga ga ni belin̰əŋ bɨ naŋ na, kɨŋ kɨya bɔgɛ kuduroygɨŋ canɨ naŋ bɨrɨŋ.»

Kɔl-gɨ-Ɗari gɨ Ja̰ wal 4:48 ပူးပေါင်းရင်းမြစ်များ

Matɨyo 16:1

Kalaŋ ga ni Parɨsɨn̰a bɨ, Sadusɨn̰ɛ bɨ, ɨrgage mɨnde gusi Jesu, bɨ ɨngɨriige kɔl pɨna malɨn̰ge kɨbi. Yeyige hɨn̰: «Laa hɨnga ga ɗɨn̰ cɨn̰-kɨɗɨn̰ pɨna ɗe gɨl gɨ dɔnɔ ton̰ na sayga naa gusi Kumu ani sol.»

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 27:42

«Ban poɗɨ kalaŋ ga ɗaŋ ma ɓala pɔɗɛ gusi koyi naŋ! Ban na kɨlma gɨ da kalaŋ ga Ɨsɨrayɛl naŋ ga? Ɗa ɗe ban gɨsɨn dugo a cay sɨya-gɨ-dagɨli gɨŋ haw kɛ ɗe ani been̰ kuduroyni cayi.

Marg 13:22

Kɨya wa kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan gey kayge kan ga Kumu torge bɨ.

Kɔl-gɨ-Ɗari gɨ Lug wal 10:18

Jesu dɨbɨge cay nee hɨn̰: «Kɨɗɨn̰ ga ɨŋ sol kɨɗɨn̰ ɗɛ na, ɨŋ sol sidan sayga daa baa dugo hɨn̰ wɨlɨn̰e gɨ da Kumu wo̰.»

Kɔl-gɨ-Ɗari gɨ Lug wal 16:31

Ama Abɨraham jɨga dɨbii cay nee yeyi hɨn̰: “Hɨn̰ gɨ kan na ja kɔl gɨ da magtubu gasɨn̰-kɔl gɨ da Moyis dan̰ magtubu di da ka-yɔɔ-kɔl-gɨ-Kumu-ba-yɔɔ naŋ na, hɨn̰ gɨ ungo na sa lɨbɨ duroy kalaŋ ga madɨrdaŋ kalɨn̰ ma kan kɨya jɔɔge naŋ.”»

Kɔl-gɨ-Ɗari gɨ Ja̰ wal 12:37

Jesu lee hɨnga ga ɗɨn̰ cɨn̰-kɨɗɨn̰ gɨɗaŋ duroy kalaŋ ga ni Jubɨn̰əŋ, ama naa hɨn̰ wo̰ kalɨn̰ ma, kan bɨgage kuduroyge cayi naŋ.

Kɔl-gɨ-Ɗari gɨ Ja̰ wal 15:24

Tumɔ ɨŋ ni na laa gɨye nɔm gɨ ungo gɨ ɗaŋ laa duroyge naŋ ƴee na, kɔl ni kɨya ƴɔmɛ cayge naŋ. Ama haw kɛ na, kan solge gɨye-lɔɔnɨ nɔm dan̰ cɨndɨge bɨ, kan ƴomnige ɨŋ-bandi bɨ Banɨ bɨ dan̰ kuduroyge cɨndɨge tumɔ tumɔ.

Kɔl-gɨ-Ɗari gɨ Ja̰ wal 2:18

Ama ka-cay Jubɨn̰əŋ ɨngɨriige ye hɨn̰: «Na hɨnga ga ɗɨn̰ cɨn̰-kɨɗɨn̰ ga mɨna ma mɨn̰ kɨya lɔɔ gɨlni, ani na sol gɨ ji na orɨn̰ dan̰ te tumɔ di sayga gusi Kumu, gɨ ni leen̰ hɨnga ga hɨn̰ wo̰ le ga?»

Kɔl-gɨ-Ɗari gɨ Ja̰ wal 20:29

Jesu dɨbi cay nee yeyi hɨn̰: «Ji bee kuduron̰ canɨ na kɨya gɨ ji sɔlɔŋ dan̰ cɨndɨn̰. Ama kan ga ba beege kuduroyge canɨ dɨle sɔlɔŋ dan̰ cɨndɨge le, tumoy wolwa woy kol cayge.»

Kɔl-gɨ-Ɗari gɨ Ja̰ wal 4:49

Ba-sɔmɛ cay asɨgar nɔm ga da kɨlma le, dɨbii cay nee yeyi hɨn̰: «Ba-gulɔŋ ɨre pa dɨm ma kuronɨ hɨmbɨ ƴee.»

Gɨye-lɔɔ 14:3

Naa hɨn̰ wo̰ kalɨn̰ ma, Pol dan̰ Barnabas somge Ikonɨyɔm kardige sɨngɨɗɨ. Kan ɗe kuduroyge na a cay Ba-gulɔŋ yen̰ge kɔl dan̰ cɨn̰-bandɨ. Ba-gulɔŋ kalɨn̰ ma baa danage lee gɨ kan leege tɨmon̰ di da ɗarwa toyi di ban lee danage le, lee gɨ kan leen̰ge hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli bɨ.

Gɨye-lɔɔ 15:12

Kɨɗɨn̰di ga nee gaŋ le, kalaŋ nɔm ga ba dayaŋge le somge sɨndɨŋ bɨ, jen̰ge kɔl gɨ a kɨbɨ Pol bɨ Barnabas bɨ. Kan dorge te kol hɨnga nɔm ga ɗɨn̰ cɨn̰-kɨɗɨn̰ bɨ, hɨnga ga ni beli nɔm bɨ ga Kumu ba lee dan̰ gɨyəŋ koge duroy kalaŋ ga toyge na Jubɨ naŋ le.

Gɨye-lɔɔ 2:19

Ɨŋ kɨya lɔɔ hɨnga ga ni beli gɨɗɨgɨ-Kumu gɨŋ bɨ, Hɨnga ga ɗɨn̰ cɨn̰-kɨɗɨn̰ cay gɨsəŋ gaŋ kɛ bɨ. Kɨbar bɨ, tɨwa bɨ, gusa gɨ say hɨn̰ gɨrɨmbale wo̰ bɨ, Kɨya wɔyɛ.

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Gɨye-lɔɔ 2:43

Ka-gɨre-gɨye leege hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ dan̰ kondiige bɨ, lee gɨ kalaŋ somge dan̰ hɨndɔrɔ kuduroyge.

Gɨye-lɔɔ 4:30

Gɨl dɔnɔ ton̰ bɨ, pɨɗa ka-hɔmɨn̰ɛ bɨ, laa beli bɨ, laa hɨnga ga ɗɨn̰ cɨn̰-kɨɗɨn̰ ga toyge kan̰dɨge kan̰dɨge dan̰ guson̰ marɨna ba-gɨye kon̰ gɨ woy dan̰ cɨndi, Jesu.»

Gɨye-lɔɔ 5:12

Hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli bɨ lee gusɨge tɔgɨ, duroy karɨn̰ Ɨsɨrayɛl dan̰ kobɨ ka-gɨre-gɨye. Kan nɔm beege kuduroyge pɨna dayɨn̰ge kɨɗɨn̰ pɨna te dabaŋ gɨ da Salomo gɨŋ, gɨ kan leege dan̰ garma le.

Gɨye-lɔɔ 6:8

Etɛn na ungo gɨ ɗarwa di da Kumu bɨ, dɔnɔ di da Kumu bɨ, ƴee gusi pɨl pɨl. Ban lee hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli ga gɨmdəŋ duroy karɨn̰ Ɨsɨrayɛl bɨ.

Gɨye-lɔɔ 7:36

Na ban ba dorge a cay gɨsəŋ ga Ejɨpt gaŋ andɨn̰ danage doŋ, dan̰ gɨyəŋ gɨ da hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli bɨ, a cay gɨsəŋ ga Ejɨpt gaŋ bɨ, a duroy kuray gɨ gumu taa taa gɨ teeyige na kuray gɨ yɨle bɨ, a duroy daldɨŋ bɨ, ɨlge toyi-poɗɨn̰ le.

Magtubu di Pol wal bɨn̰ kalaŋ ga Rɔm 15:19

dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.

1 Korɛ̰t 1:22

Jubɨn̰əŋ ɨngɨrge na hɨnga ga ɗɨn̰ cɨn̰-kɨɗɨn̰ bɨ, Gɨrɛgn̰əŋ malge na cɨn̰-muɗɔlɛ bɨ.

2 Korɛ̰t 12:12

Hɨnga ga gɨl gɨ ɨŋ naa ba-gɨre-gɨye le, lee gusɨge duroygɨŋ lee gɨ kɨŋ sol dan̰ cɨndɨgɨŋ. Kan ba kɛ: Na dɨbe-ɗugɔ duroy hɨnga ga ni gɨwase gaŋ nɔm bɨ, na hɨnga ga ni beli ga gɨl bɨ, na hɨnga ga ɗɨn̰ cɨn̰-kɨɗɨn̰ bɨ, na hɨnga ga ni lɔɔ ga dan̰ dɔnɔ bɨ.

2 Tesalonigɨ 2:9

Ba-Kuduroy-Ɨndɨwa le, kɨya ɨrga dan̰ dɔnɔ di da Sidan bɨ, dan̰ dɔnɔ ga toyge kan̰dɨge kan̰dɨge gɨ ni leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, kɨya narɨn̰ cɨn̰ kalaŋ.

Əbɨro 2:4

Kumu kalɨn̰ ma gɨl gɨ tɨmon̰ di kan na leege le naa cɨndi, dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ bɨ, belin̰əŋ ga toyge kan̰dɨge kan̰dɨge bɨ, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ gɨ hɨndi gosɨn dan̰ kuduroy geye kɔɔ bɨ.