Kɔl-gɨ-Ɗari gɨ Ja̰ wal 4:46 - Gabri Maja

⁴⁶ Kɨɗɨn̰di ga nee gaŋ le, Jesu bɨle jogɨ a cay ƴaa-di-gumu di Kana di woy a cay gɨsəŋ ga Galile gaŋ. Na a cay ƴaa-di-gumu di Kana le ma, Jesu lee gɨ kaŋ bɨləŋ cɛrɛ di suru le. Ba-gɨye gɨ gumu gɨ da kɨlma gɨ pɨna wo̰, som a cay ƴaa-di-gumu di Kapɛrnɔm dɨŋ. Kurondi gusi leeyi.

Kɔl-gɨ-Ɗari gɨ Ja̰ wal 4:46 ပူးပေါင်းရင်းမြစ်များ

Matɨyo 15:22

Bɨ ga ma, tama di pɨna wo̰ di a cay gɨsəŋ ga ɗaŋ gaŋ ga Kana ɨrga gusii, ɨle guso gan̰ gɔsɛ ye hɨn̰: «Ba-gulɔŋ, Kungay Dabid, sɨla cɨn̰-n̰age tɨnge! Turnɔ di ɨsɨni di pɨna wo̰, leen̰ tɨrɨmonɨ mɨrɨn̰tɨn̰i gɨɗaŋ.»

Matɨyo 4:13

Ban ɗodɨ Najarɛt or sɔmɛ Kapɛrnɔm, cay ƴaa-di-gumu di woy bongi kuray gɨ gumu taa taa gɨ Galile a cay gɨsəŋ ga da te wɔɔ gɨ da Jabulo̰ bɨ, te wɔɔ gɨ da Nɛptali bɨ.

Matɨyo 9:18

Jesu ɨre ar kɔl danage ƴee hɨn̰ wo̰ bɨ ga ma, ba-sɔmɛ a cay ƴaa-daye-di-da-Jubɨn̰əŋ gɨ pɨna wo̰, ɨrga poy gɨbayi dugo tumoy Jesu bɨ, yeyi hɨn̰: «Turmonɨ hɨmbɨ na haw dugo kɛ ƴee, ama ɨre dɨbɨ kobɨn̰ caa na, hɨndi kɨya bɔyɛ lɨbe.»

Kɔl-gɨ-Ɗari gɨ Lug wal 4:23

Jesu dɨbɨge cay nee yege hɨn̰: «Hɨnde, kɨŋ kɨya yɔŋ kɨradi-kɔl gɨ ye hɨn̰: “Ba-gasɨɗe” pɨɗa gusɨn̰ pa dɨm, kɨŋ kɨya yɔɔ kɔl canɨ hɨn̰: “Ni je Kol hɨnga ga ji ba lee a Kapɛrnɔm le, laa hɨnga ga nee le, a cay ƴaadɨn̰ dɨŋ bɨ.”»

Kɔl-gɨ-Ɗari gɨ Lug wal 7:2

A cay ƴaa di nee le, guyɔŋ gɨ da gumu gɨ da asɨgar gɨ na ungo gɨ Rɔm gusi leeyi tɔgɨ, woy kɨbɨ tɨma dɨŋ. Ama guyɔŋ koyi gɨ nee le ban geyii tɔgɨ.

Kɔl-gɨ-Ɗari gɨ Lug wal 8:42

kɨya wa turmoy woy kɨbɨ tɨma dɨŋ. Na turmoyi di pɨna kəɗ kəɗ, ɨlgedo ɓal mɔjɨ-cay-sɔɔ. Kɨɗɨn̰ ga Jesu ba ɨre or jɨn̰ da Jayrus na, dɨmdɨrdi kalaŋ jəngɨdiige te gɨyəŋ gɨŋ.

Kɔl-gɨ-Ɗari gɨ Ja̰ wal 2:12

Kardi nee ɨni na, kan orge Kapɛrnɔm dan̰ ƴoyi bɨ, karmii bɨ, ka-aye-cay-tɨbayi nee bɨ, ama kan sɨmage nee laage wɔlɛ kunda naŋ.

Kɔl-gɨ-Ɗari gɨ Ja̰ wal 21:2

Simo Pɨyɛr bɨ, Tomas gɨ tɨrɨmbalayi na Mɨgɨna bɨ, Natanɨyɛl gɨ a cay ƴaa di Kana di woy a cay gɨsəŋ ga Galile gaŋ bɨ, karɨn̰ Jebede bɨ, ka-aye-cay-tɨbayi ga ɗaŋ won̰ge sɔɔ bɨ, kan nɔm somge kɨɗɨn̰ pɨna.