Kɔl-gɨ-Ɗari gɨ Ja̰ wal 4:14 - Gabri Maja

¹⁴ Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 4:14 ပူးပေါင်းရင်းမြစ်များ

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Matɨyo 5:6

Tumoy wolwa woy kol caygɨŋ, kɨŋ ga kurɔŋdi lɔɔ hɨnga ga dan̰ durɔ ɗɨngar leegɨŋ bɨ, Gɨmasedi hɨnga ga dan̰ durɔ leegɨŋ bɨ le, Kɨya wa ban kɨya bɨgɨŋ hɨnga ga kɨŋ or n̰agedɨge!

Kɔl-gɨ-Ɗari gɨ Ja̰ wal 10:10

Ba-hase le ɨrga na kɨya hase bɨ, dɨɗe kɨɗɨn̰ bɨ, mɔndɛ kɨɗɨn̰ bɨ ƴɔbɨ. Ama ɨŋ-bandi na, ɨŋ ɨrga na ɗe gɨ kalaŋ na wayan̰ge sɔmɛ-bɨra bɨ, tɔrɛ-kɨbɨ gɨ toy kan̰di kan̰di bɨ.

Kɔl-gɨ-Ɗari gɨ Ja̰ wal 11:26

Bɨ waŋ waŋ gɨ na sɨma-bɨra bɨ bɨga kuduroy canɨ na, kɨya mare naŋ bɨrɨŋ. Me bee kudurɛɛ a cay kɔl gɨ nee le hɛɛ ga?»

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 4:11

Tama le yeyi hɨn̰: «Ba-gulɔŋ, ji ɨran̰ dan̰ gangɨ jɨngale naŋ bɨ, kɨlɨma le kalɨn̰ ma, ɗige nee bɨ. Kɛ ji kɨya saygan̰ dan̰ kaŋ ga ungo gɨ somɨn̰-bɨra le na jɨn̰ ani ga?

Kɔl-gɨ-Ɗari gɨ Ja̰ wal 4:13

Jesu dɨboo cay nee yoo hɨn̰: «Waŋ waŋ gɨ na saa kaŋ ga a boy kɨlɨma gɨŋ gɨ kɛ le, gɨmase kɨya jɨga doyi ɗaŋ coŋ.»

Kɔl-gɨ-Ɗari gɨ Ja̰ wal 4:36

Ba-wale cay gasa way hɨnga ga ni cay kobi ɨni bɨ, ban day cɨn̰ gasa ga ɗari le daa kɨya cay sɔmɛ-bɨra gɨ dan̰ cɨndi le. Lee gɨ ba-gɨse bɨ, ba-wale gasa bɨ, leege gusi-mɔwa pɨna.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

Kɔl-gɨ-Ɗari gɨ Ja̰ wal 6:58

Mapa gɨ sayga daa nii gɨsɨn a cay gɨsəŋ gaŋ le ba kɔ. Ban wɨya na hɨn̰ man gɨ mon̰igɨŋ ga jɨne naa diige le naŋ. Kan dige man ama mage. Ungo gɨ na daa mapa gɨ kɛ le, kɨya sɔmɛ-bɨra dan̰ cɨndi.»

Kɔl-gɨ-Ɗari gɨ Ja̰ wal 7:37

A kagadi wɔlɛ gɨ da kɨdɨrɛ gɨ ni ƴaa gɨ labi, gɨ na wɔlɛ gɨ gumu gɨ da kɨdɨrɛ le, Jesu ɨre daa bɨ, ay te yɔɔ-kɔl dan̰ te tumoyi di daa pəŋ pəŋ ye hɨn̰: «Hɨn̰ gɨ ungo gɨ gɨmase na daayi na, kuɗa gɨ ban ɨre wayaŋ bɨ, saa kaŋ.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

2 Korɛ̰t 1:22

Kumu ɗe kambe kayi a gusɨna bɨ, bɨna dan̰ Turnoyi a ɗugoyna di bɨle woy hɨn̰ hɨnga ga gɨlna gɨ Kumu na kɨya bɨna hɨnga ga ɗari ga ban ƴom cay tɨbayge kol cay kalaŋ kayi.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 7:16

Kuroŋ kɨya looge naŋ bɨrɨŋ bɨ, gɨmase kɨya doge naŋ bɨrɨŋ bɨ, tɨwa kɨya jɨbɨge naŋ bɨrɨŋ bɨ, ɨlwa kɨya looge naŋ bɨrɨŋ bɨ.

Wasɨn̰a 7:17

Kɨya wa kurɨn̰-dɨmangɨ gɨ ɨre a duroy kali-tɨrɨmbala dɨŋ bɔb le, kɨya sɔlɛ kardɨge hɨn̰ ba-ame gamge gɨ sol kardi gamge wo̰ bɨ. Ban kɨya dɔrɛ tumoyge orɨn̰ danage a kɨɗɨn̰ ga kan kɨya ɓale sɨn̰ kaŋ ga bee sɔmɛ-bɨra gɨ leen̰ cɨndi. Ɗaŋ coŋ Kumu kɨya hande kaŋdi cɨndɨge a cɨndɨge pɨrɛd pɨrɛd coŋ bɨ.»