Kɔl-gɨ-Ɗari gɨ Ja̰ wal 3:31 - Gabri Maja

³¹ Ban gɨ sayga gɨɗɨgɨ-Kumu gɨŋ le, ban som cay hɨnga gaŋ nɔm. Ban gɨ na ungo gɨ a cay gɨsəŋ gaŋ le, ban na gɨ da cay gɨsəŋ, lee gɨ ban ye na kɔl gɨ a cay gɨsəŋ gaŋ.

Kɔl-gɨ-Ɗari gɨ Ja̰ wal 3:31 ပူးပေါင်းရင်းမြစ်များ

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Kɔl-gɨ-Ɗari gɨ Ja̰ wal 1:15

Ja̰ lee tɨmon̰ kol cayi ye hɨn̰: «Sɨlagɨŋ, ungo gɨ ɨŋ ba ye koldi ye hɨn̰: A karɨnɨ, ungo gɨ pɨna wo̰ tɨlga nee, gɨ de tumonɨ. Kɨya wa ban som nee tumɔ pa dɨm ma wɔɔŋge ƴee.»

Kɔl-gɨ-Ɗari gɨ Ja̰ wal 1:27

Ban tɨlga karɨnɨ nee, ban ɗəŋ ɓɨrɨŋ gɨ ɨŋ ɓala pɨndɨre gangɨdi gɨyabe ga tɨbayi naŋ.»

Kɔl-gɨ-Ɗari gɨ Ja̰ wal 1:30

Ungo gɨ ɨŋ ba ye koldi hɨn̰: “Ungo gɨ pɨna wo̰ gɨ de tumonɨ tɨlga karɨnɨ nee. Kɨya wa ban som nee tumonɨ pa dɨm ma wɔɔŋge ƴee”.

Kɔl-gɨ-Ɗari gɨ Ja̰ wal 3:30

Ojɨ gɨ ban malga jɨn̰ tumɔ tumɔ bɨ, ɨŋ-bandi ɨŋ jɨge jɨn̰ dugo dugo bɨ.»

Kɔl-gɨ-Ɗari gɨ Ja̰ wal 6:33

Kɨya wa mapa gɨ da Kumu le, na ban gɨ sayga a daa nii ɨrga cay gɨsəŋ gaŋ bɨ, lee gɨ kalaŋ ga cay gɨsəŋ gaŋ somɨn̰ge-bɨra dan̰ cɨndɨge.»

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 8:23

Jesu dɨbɨge cay nee yege hɨn̰: «Kɨŋ-gandi, kɨŋ na kalaŋ ga dugo, ɨŋ-bandi, ɨŋ na gɨ daa nii. Kɨŋ-gandi, kɨŋ na kalaŋ ga da cay gɨsəŋ kɛ, ɨŋ-bandi, ɨŋ na gɨ da cay gɨsəŋ kɛ naŋ.»

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

Əbɨro 9:1

Saɗe kɨbɨ pɨna ɓɨse gusu gɨ cay wase orɨn̰ dan̰ gasaŋ ga ojɨ cay lɔɔ gɨye bɨn̰ Kumu bɨ, orɨn̰ dan̰ ƴaa-di-da-Kumu di cay gɨsəŋ gaŋ kɛ bɨ.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

1 Ja̰ 4:5

Ka-yɔɔ-kɔl-gɨ-Kumu-ba-yɔɔ ga cɨndi naŋ le, kan na ga da cay gɨsəŋ. Na toy di hɨn̰ wo̰ ma kan ye kɔl na hɨn̰ kalaŋ ga cay gɨsəŋ gaŋ wo̰, lee gɨ kalaŋ ga cay gɨsəŋ gaŋ je kɔl kɨbɨge.

Wasɨn̰a 19:16

Kan walge gusoŋ gɨ pɨna wo̰ a badɨge kayi ga ban dobɨ a cay kamdɨge gaŋ bɨ a ɗɨgeyi bɨ. Walge ye hɨn̰: «Kɨlma gɨ a cay kɛrɨmbɛlɛŋ bɨ, Ba-gulɔŋ gɨ som cay ba-gulɔŋn̰əŋ bɨ.»