Kɔl-gɨ-Ɗari gɨ Ja̰ wal 3:21 - Gabri Maja

²¹ Ama ungo gɨ gɨye-lɔɔdi or pɨna dan̰ kɔl gɨ cɨndi le, kɨya ɔrɛ na cɨn̰-kɨɗɨn̰ ga asɨn̰ gaŋ, ɗe gɨ gɨye-lɔɔdi na wɨya doŋ waŋ, kɨya wa hɨnga ga ban lee le na dan̰ gɨyəŋ gɨ da Kumu.

Kɔl-gɨ-Ɗari gɨ Ja̰ wal 3:21 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:47

Jesu sol Natanɨyɛl ɨrga jɨn̰ gusi ɨni na, ban ye koldi ye hɨn̰: «Kɨye gɨ Ɨsɨrayɛl gɨ leen̰ cɨndi ba kɛ, ban na ba-nare-cɨn̰ ungo naŋ.»

Kɔl-gɨ-Ɗari gɨ Ja̰ wal 3:20

Kɨya wa waŋ waŋ gɨ na laa hɨnga ga ɨsɨni na, gey kɨɗɨn̰ ga asɨn̰ naŋ bɨrɨŋ. Lee gɨ ban kɨya ɨrga kɨɗɨn̰ ga asɨn̰ gaŋ naŋ, kɨya wa ban gey gɨ gɨye-lɔɔdi gɨ ɨsɨni na gɨ andaŋ doŋ naŋ.

Kɔl-gɨ-Ɗari gɨ Ja̰ wal 5:39

Kɨŋ madɨlde te kɔl duroy Magtubu di da Kumu di kan walge jɨne dɨŋ, kɨya wa kɨŋ ɨrɨm gɨ kɨŋ na kɨya sɔmɛ-bɨra dan̰ cɨndɨgɨŋ naa kol caa. Na magtubu di nee ba lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 7:17

Hɨn̰ gɨ ungo gɨ ani ani gɨ na gey lɔɔ hɨnga ga kuduroy Kumu gey na, ban kɨya sɔlɛ kɛ hɨnga ga ɨŋ ba gɨlɨn̰ kalaŋ le, sayga na gusi Kumu wala, na gusɨnɨ ɨŋ-bandi ƴɔbɨ ga.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Galad 6:8

Hɨn̰ gɨ ungo na gɨsɨ hɨnga ga ni dɨɗɨn̰ tabɨlaŋdi hɨnga ga da kuyoŋdi-gusi na, cay kobi na tɨma. Ama hɨn̰ gɨ ungo na gɨsɨ hɨnga ga da Turnɔ di da Kumu na, cay kobi na sɔmɛ-bɨra gɨ dan̰ cɨndi gɨ na cay kɔbɔ gɨ da Turnɔ di da Kumu.

Epɛs 5:9

Kɨya wa kɨɗɨn̰ ga asɨn̰ ɨrgan̰ na dan̰ ɨrɨmedi hɨnga nɔm ga ni lɔɔ dan̰ kuduroy-ɗarwa bɨ, hɨnga ga dan̰ durɔ bɨ, hɨnga ga cɨndi bɨ.

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.

Pilib 2:13

Ho’o, na Kumu gusi ba lɔɔ gɨye kuduroygɨŋ bɨ, bɨgɨŋ kuduroy-geye dan̰ tɔgɨ ɗe agɨŋ na leen̰ hɨnga ga ɗari ga ban ojɨ.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Ja̰ 1:6

Hɨn̰ gɨ na na guragɨŋ a duroy dɨlɨm dɨŋ, ma mana na yagɨŋ gɨ na na bugoŋgɨŋ pɨna dan̰ Kumu na, na na ka-poy bɨ, na guragɨŋ a te kɔl gɨ cɨndi gɨŋ naŋ bɨ.

3 Ja̰ 1:11

Ay, ji gɨ ɨŋ lee-ton̰, ƴɔlɛ hɨnga ga ɨsɨni naŋ, ama ƴɨla na hɨnga ga ɗari. Ungo gɨ na laa hɨnga ga ɗari na, ban na ungo gɨ da Kumu. Ungo gɨ na laa hɨnga ga ɨsɨni na, ban sɨla Kumu naŋ.

Wasɨn̰a 3:15

Ɨŋ sol gɨye-lɔɔdɨgɨŋ. Ɨŋ sol gɨ kɨŋ ɨl naŋ bɨ jala naŋ bɨ. Kuɗadi na kɨŋ jala naŋ le, kɨŋ ɨl.