Kɔl-gɨ-Ɗari gɨ Ja̰ wal 3:2 - Gabri Maja

² Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Kɔl-gɨ-Ɗari gɨ Ja̰ wal 3:2 ပူးပေါင်းရင်းမြစ်များ

Matɨyo 22:16

Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Matɨyo 23:7

Kan geyge gɨ kalaŋ na laage lapɨya dan̰ hurɔmɔ a gɛgɛr gɨŋ bɨ, gamge gɨ kalaŋ na tɨgage “Ka-gɨlɨn̰ kalaŋ hɨnga” bɨ.

Matɨyo 23:8

Ama kɨŋ-gandi na, kɨŋ ɗɔɔ kalaŋ togɨgɨŋ “Ka-gɨlɨn̰ kalaŋ hɨnga” naŋ, kɨya gɨ kɨŋ-gandi nɔm, kɨŋ na karme bɨ, Ba-gɨlgɨŋ hɨnga na pɨna hayi ƴɔbɨ bɨ.

Marg 12:14

Bugoŋge gusi ɨni na, kan yeyige hɨn̰: «Ba-gɨlɨn̰ kalaŋ hɨnga, ni sol gɨ ji na ungo ba yɔɔ kɔl gɨ cɨndi bɨ, ji hɨndara cɨn̰ ungo naŋ bɨ, kɨya wa ji dɨra cɨn̰ ungo naŋ. Ama ji gɨlɨn̰ kɔl kalaŋ na te gɨyəŋ gɨ da Kumu dan̰ gɨyəŋ gɨ da kɔl gɨ cɨndi. Yani ƴee bɨ, kɛ gasɨn̰-kɔl bɨn̰ ungo gɨyəŋ gɨ ni bɨn̰ kɨlma gɨ gumu Sejar lambo wala, narii ga? Kɛ ojɨ gɨ ni gɨ bee wala bee naŋ ga?»

Kɔl-gɨ-Ɗari gɨ Ja̰ wal 1:38

«Jesu bɨle cɨndi ɨni na, solge gɨ kan kobɨ kardi ɨni na, ban yege hɨn̰: Kɨŋ mal na wa ga?» Kan jɨgage dɨbige cay nee yeyge hɨn̰: «Rabi, ji som na ani ga?» Rabi le, duroyi na «Ba-gɨlɨn̰ kalaŋ hɨnga» dan̰ kɨbɨ Aramɛn̰ɛ.

Kɔl-gɨ-Ɗari gɨ Ja̰ wal 10:38

Ama hɨn̰ gɨ ɨŋ na laa ma, magɨŋ na bɨga kuduroyigɨŋ canɨ naŋ kalɨn̰ ma, bɨgagɨŋ kuduroyigɨŋ cay gɨye-lɔɔ nɔm ga ɨŋ ba lee, ɗe agɨŋ solɨn̰ gɨ Banɨ woy kuduronɨ bɨ, ɨŋ-bandi kalɨn̰ ma ɨŋ woy kuduroy Banɨ bɨ.

Kɔl-gɨ-Ɗari gɨ Ja̰ wal 12:37

Jesu lee hɨnga ga ɗɨn̰ cɨn̰-kɨɗɨn̰ gɨɗaŋ duroy kalaŋ ga ni Jubɨn̰əŋ, ama naa hɨn̰ wo̰ kalɨn̰ ma, kan bɨgage kuduroyge cayi naŋ.

Kɔl-gɨ-Ɗari gɨ Ja̰ wal 14:10

Ji bɨga kuduron̰ cay nee hɨn̰ gɨ ɨŋ na woy kuduroy Banɨ bɨ, Banɨ na woy kuduronɨ bɨ naŋ ga? Kɔl nɔm gɨ ɨŋ ba yəgɨŋ le, ɨŋ yagɨŋ na dan̰ cay gusɨnɨ hɨnge naŋ! Ama na Banɨ gɨ bugoŋ pɨna danaŋ le ba lɔɔ gɨye koyi.

Kɔl-gɨ-Ɗari gɨ Ja̰ wal 15:24

Tumɔ ɨŋ ni na laa gɨye nɔm gɨ ungo gɨ ɗaŋ laa duroyge naŋ ƴee na, kɔl ni kɨya ƴɔmɛ cayge naŋ. Ama haw kɛ na, kan solge gɨye-lɔɔnɨ nɔm dan̰ cɨndɨge bɨ, kan ƴomnige ɨŋ-bandi bɨ Banɨ bɨ dan̰ kuduroyge cɨndɨge tumɔ tumɔ.

Kɔl-gɨ-Ɗari gɨ Ja̰ wal 2:11

Hɨnga ga nee le, ma na hɨnga ga ɗɨn̰ cɨn̰-kɨɗɨn̰ ga cay wase ga Jesu lee. Ban lee na a Kana a cay gɨsəŋ ga Galile gaŋ. Ban gɨl gusoŋ-tɔgɛ koyi cɨn̰ kalaŋ, lee gɨ ka-aye-cay-tɨbayi beege kuduroyge cayi.

Kɔl-gɨ-Ɗari gɨ Ja̰ wal 20:16

Jesu yoo hɨn̰: «Mari!» Ɨni na, hɨndi pɨlɨn̰ bɨ yeyi dan̰ kɨbɨ əbɨro hɨn̰: «Rabuni», duroy na ba-gɨlɨn̰ kalaŋ hɨnga.

Kɔl-gɨ-Ɗari gɨ Ja̰ wal 3:26

Lee gɨ kan ɨrgage gusi Ja̰ bɨ, yeyige hɨn̰: «Ba-gɨlɨn̰ kalaŋ hɨnga sɨla! Ungo gɨ ba som danan̰ kɨɗɨn̰ ga ji ba ban̰ a kɨway kuray gɨ Jurdḛ gɨŋ jɨn̰ nii, gɨ ji lee tɨmon̰ kol cayi le, ban kalɨn̰ ma haw kɛ ɨre leen̰ kalaŋ batɛm bɨ. Lee gɨ kalaŋ nɔm orge gusi.»

Kɔl-gɨ-Ɗari gɨ Ja̰ wal 4:31

Kɨɗɨn̰ ga hɨnga ga nee le ba lee gusɨge ƴee na, ka-aye-cay-tɨbay Jesu ɨrɨn̰ge danayi daa yeyige hɨn̰: «Ba-gɨlni hɨnga, daa hɨnga dḛ dɨm.»

Kɔl-gɨ-Ɗari gɨ Ja̰ wal 5:36

Ama ɨŋ-bandi ɨŋ orɨn̰ dan̰ tɨmon̰ di gumu ɗɨn̰ di da Ja̰. Tɨmon̰ di nee le: Na gɨye nɔm ga Banɨ bəŋ gɨ ɨŋ na laa dɨɗɨn̰ kɨbi. Gɨye gɨ nee le ɨŋ lee nɔm, na ban ba lɔɔ tɨmon̰ tɨnge,

Kɔl-gɨ-Ɗari gɨ Ja̰ wal 6:2

Dɨmdɨrdi kalaŋ dan̰ kondiige kobɨge kardi, kɨya gɨ kan solge hɨnga ga ɗɨn̰ cɨn̰-kɨɗɨn̰ nɔm ga ban lee a cay ka-hɔmɨn̰ɛn̰əŋ.

Kɔl-gɨ-Ɗari gɨ Ja̰ wal 7:31

Duroy dɨmdɨrdi kalaŋ le, kalaŋ kondɨwadɨge beege kuduroyge cayi, lee gɨ kan yege hɨn̰: «Kɛ kɨɗɨn̰ ga Kɨris ban gɨ Kumu dorii le kɨya caga na, ban kɨya lɔɔ hɨnga ga ɗɨn̰ cɨn̰-kɨɗɨn̰, ɗɨn̰ ga da ban gɨ ba lee kɛ le ga?»

Kɔl-gɨ-Ɗari gɨ Ja̰ wal 9:16

Duroy Parɨsɨn̰an̰əŋ le, ga pɨna say yege hɨn̰: «Ungo gɨ ba lee hɨnga ga nee le ban se na gusi Kumu naŋ. Kɨya wa ban bɨga kɔl a cay wɔlɛ kona gɨ ni dorɨn̰ gɨlale gɨ da Jubɨn̰əŋ gɨŋ naŋ.» Ama ga ɗaŋ yege hɨn̰: «Kɛ na mɨna ma ungo naa ba lɔɔ ɨsɨna na, gɨ orɨn̰ dan̰ dɔnɔ di ni leen̰ hɨnga ga ɗɨn̰ cɨn̰-kɨɗɨn̰ nɔm ga hɨn̰ wo̰ ga?» Na toyi di hɨn̰ wo̰ ma, say bɨle na te cuduroŋdɨge duroyge.

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Pilib 1:14

Dangay di ɨŋ ba lee le, dobɨ bandɨ kuduroy karmɨni ga ban̰aŋ dan̰ ga kandɨ kondɨ, lee gɨ beege kuduroyge cay Ba-gulɔŋ ɗɨn̰ gɨ tumɔ coŋ, kan san̰ teen̰ge bɛrnɛ di da Kumu dɨle hundɔrɔ.