Kɔl-gɨ-Ɗari gɨ Ja̰ wal 3:16 - Gabri Maja

¹⁶ Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:16 ပူးပေါင်းရင်းမြစ်များ

Matɨyo 9:13

Ɨragɨŋ tɨrabe duroy kɔl gɨ da Kumu gɨ ye hɨn̰: “Hɨnga ga ɨŋ gey gusɨgɨŋ le, na sɔlɛ cɨn̰-n̰age wala na bɔgɛ kɨbar naŋ.” Kɨya wa ɨŋ ɨrga na kɨya tɔgɛ kalaŋ ga ɨrɨmge kuduroyge gɨ ke naa kalaŋ ga dan̰ durɔ ɗɨngar naŋ. Ama ɨŋ ɨrga na kɨya tɔgɛ kalaŋ ga ɨrɨmge gɨ ke naa ka-lɔɔ ɨsɨna.»

Marg 12:6

Bayi na ungo pɨna ƴɔbɨ gusi, na kurondi gɨ ban lee-toyi tɔgɨ. Lee gɨ kɨɗɨn̰ ga kan kagage nɔm coŋ ɨni na, na ban ma ban gɨygii gusɨge. Kɨya wa ban ye hɨn̰: “Kan kɨya bogɨn̰ kuronɨ kɔl nee.”

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 3:15

ɗe gɨ waŋ waŋ gɨ na bɨga kuduroy cayi na, na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:18

Waŋ waŋ gɨ na bɨga kuduroyi cayi na, bɔyɛ kɔl unɔ cayi. Ama waŋ waŋ gɨ na bɨga kuduroyi cayi naŋ na, boyge kɔl cayi ɨni, kɨya wa ban bɨga kuduroyi a cay Kurɨn̰-Kumu gɨ pɨna hayi kəɗ kəɗ le naŋ.

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Magtubu di Pol wal bɨn̰ kalaŋ ga Rɔm 5:8

Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

Epɛs 2:4

Ama sɔlɛ cɨn̰-n̰age di da Kumu ɗɨn̰ hɨnga nɔm bɨ, ban geyna dan̰ wandɨ di gumu tɔgɨ bɨ.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

Titɨ 3:4

Ama kɨɗɨn̰ ga ɗarwa di da Kumu ba-poɗɨnagɨŋ bɨ, geye koyi gɨ ojɨn̰ cay kalaŋ bɨ gɨl gusi doŋ ɨni na,

Əbɨro 2:9

Ama hɨnga ga na sol haw kɛ ba kɛ: Jesu le Kumu jɨgan̰ danayi dugo lee gɨ ka-ƴɔbɛ ga daa nii ɗiige gɨ ni tɨwa lam wo̰ bɨ kardi nee na, Kumu dobii jagɨwa ga ni gusoŋ-tɔgɛ bɨ, hurɔmɔ bɨ cayi, kɨya tɨma di gɨlii-cɨn̰. Na toy di hɨn̰ wo̰ ma, dan̰ gɨyəŋ gɨ da ɗarwa di da Kumu na, Jesu sol tɨma dan̰ tɨdi kol cay kalaŋ nɔm.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.

1 Ja̰ 4:19

Na-gandi na, na geygɨŋ Kumu bɨ kamdɨnagɨŋ bɨ, kɨya gɨ na ban ba geynagɨŋ cay wase.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.