Kɔl-gɨ-Ɗari gɨ Ja̰ wal 3:13 - Gabri Maja

¹³ Ungo pɨna wo̰ saa a cay gɨsəŋ gaŋ kɛ naa ɨra daa nii naŋ, ama na ɨŋ-bandi Kurɨn̰-ungo ƴɔbɨ ba sayga daa nii gɨsɨngɨ dugo cay gɨsəŋ gaŋ.

Kɔl-gɨ-Ɗari gɨ Ja̰ wal 3:13 ပူးပေါင်းရင်းမြစ်များ

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Kɔl-gɨ-Ɗari gɨ Ja̰ wal 3:12

Hɨn̰ gɨ kɨŋ na bɨga kuduroygɨŋ canɨ, kɨɗɨn̰ ga ɨŋ yəgɨŋ kɔl ojɨn̰ cay hɨnga nɔm ga cay gɨsəŋ gaŋ naŋ na, kɛ gɨ lɔɔ na mɨna ma, magɨŋ kɨya bɔgɛ kuduroygɨŋ canɨ, kɨɗɨn̰ ga ɨŋ yəgɨŋ kɔl ojɨn̰ cay hɨnga nɔm ga a daa nii ga?

Kɔl-gɨ-Ɗari gɨ Ja̰ wal 3:31

Ban gɨ sayga gɨɗɨgɨ-Kumu gɨŋ le, ban som cay hɨnga gaŋ nɔm. Ban gɨ na ungo gɨ a cay gɨsəŋ gaŋ le, ban na gɨ da cay gɨsəŋ, lee gɨ ban ye na kɔl gɨ a cay gɨsəŋ gaŋ.

Kɔl-gɨ-Ɗari gɨ Ja̰ wal 6:33

Kɨya wa mapa gɨ da Kumu le, na ban gɨ sayga a daa nii ɨrga cay gɨsəŋ gaŋ bɨ, lee gɨ kalaŋ ga cay gɨsəŋ gaŋ somɨn̰ge-bɨra dan̰ cɨndɨge.»

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 6:42

Kan dɨbige cay nee yeyige hɨn̰: «Kɛ, na Jesu Kurɨn̰ Jɨsɛb le naŋ ga? Na sɨla bayi dan̰ ƴoyi naŋ ga? Lee na mɨna ma, ban gɨ yɔ haw kɛ: “Ɨŋ sayga na daa nii gɨsɨn dugo ga”?»

Kɔl-gɨ-Ɗari gɨ Ja̰ wal 6:46

Ungo pɨna wo̰ gɨ sol Kɨye bayi dan̰ cɨndi le unɔ, ama na ban gɨ sayga gusi Kumu le ƴɔbɨ, na ban ba sɔlɛ Kuroŋ Bayi.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 6:62

Ma hɨn̰ gɨ kɨŋ na sɨla Kurɨn̰-ungo dan̰ cɨndɨgɨŋ, saa ɨra sɨma a kɨɗɨn̰ sɔmɛdi ga tumɔ gaŋ le kɛ, gɨ ƴomgɨŋ isi cɨla coŋ naŋ ga?

Kɔl-gɨ-Ɗari gɨ Ja̰ wal 8:42

Jesu jɨga dɨbɨge cay nee yege hɨn̰: «Hɨn̰ gɨ baygɨŋ ni naa Kumu na, kɨŋ ni kɨya geyəŋ, kɨya wa ɨŋ andɨgaŋ na gusi Kumu maŋ ɨrga. Ɨŋ ɨre na dan̰ cay gusɨnɨ hɨnge naŋ, na ban ba gɨyigəŋ.»

Gɨye-lɔɔ 2:34

Na cɨndi, Dabid le sa ɨra daa nii naŋ, ama ban ye hɨn̰: “Ba-gulɔŋ Kumu yen̰ Ba-gulonɨ hɨn̰: Sɨma a cay kɔbɔŋ gɨ bara gɨŋ,

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Magtubu di Pol wal bɨn̰ kalaŋ ga Rɔm 10:6

Ama Magtubu di da Kumu ye kɔl ojɨn̰ cay gɨyəŋ gɨ kalaŋ kɨya bɨlɨn̰ kalaŋ ga dan̰ durɔ ɗɨngar dan̰ gɨyəŋ gɨ da aye kudurɔ. Kɔl le ba kɛ: «Ji ɗɔɔ ba yɔ ɗugon̰: “Kɛ, na waŋ ba kɨya nɔɔ ɔrɛ gɨɗɨgɨ-Kumu gɨŋ ga”.» Duroy na nɔɔ ɔrɛ daa male Kɨris.

1 Korɛ̰t 15:47

Adam ungo gɨ cay wase gɨ leeyige dan̰ gɨsəŋ le, ban mana gɨ da gɨsəŋ. Ama Adam gɨ ni sɔɔdi na, sayga na gɨɗɨgɨ-Kumu gɨŋ ɨrga.

Epɛs 1:23

Ka-Daye na kuyoŋdi-gusi bɨ, dɔnɔ di da Kɨris wanɨn̰ gusɨge bɨ, dɔnɔ di da Kɨris ƴee gusi hɨnga nɔm bɨ.