Kɔl-gɨ-Ɗari gɨ Ja̰ wal 21:22 - Gabri Maja

²² Jesu dɨbi cay nee yey hɨn̰: «Hɨn̰ gɨ ɨŋ na gey gɨ ban na sɨma-bɨra bɨrɨŋ gɨsɨn̰ gɨ ɨŋ na jɨgen̰ kalɨn̰ ma, dolɨn̰ na wa nee ga? Ji-bandi, ji kɨba na karɨnɨ.»

Kɔl-gɨ-Ɗari gɨ Ja̰ wal 21:22 ပူးပေါင်းရင်းမြစ်များ

Matɨyo 16:24

Kardi nee na, Jesu yen̰ ka-aye-cay-tɨbayi hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ, ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cayi nee yanan̰ gusi kɨya dogɨn̰ nerɨn̰ bɨ, marɨn̰ bɨ.

Matɨyo 24:27

Hɨn̰ gɨ Kumu ba wɨlɨn̰ a te Kumu ma ba asɨn̰ kɨɗɨn̰ bɨrɨŋ andɨn̰ kɨɗɨn̰ tɨwa ɗɔbɛdo gɨŋ le, wɔlɛ caga hɨnge ɨŋ-bandi Kurɨn̰-ungo le kalɨn̰ ma, kɨya wɔyɛ na hɨn̰ wo̰ bɨ.

Matɨyo 24:3

Jesu or sɔmɛ a cay garma gɨ Olibɨye gɨŋ. Ɨni na, ka-aye-cay-tɨbayi ɨrgage gusi kan̰dɨge bɨ. Ɨngɨrige gɨ ban na yage wɔlɛ gɨ hɨnga ga nee le na kɨya loon̰ gusɨge bɨ, gɨ ban na yage hɨnga ga na kɨya gɨle tɨwadɨge bɨ, ojɨ cay kagadi wɔlɛ gɨŋ bɨ.

Matɨyo 24:44

Na toy di hɨn̰ wo̰ ma, kɨŋ-gandi kalɨn̰ ma, sɨmagɨŋ cay tɨbayigɨŋ dɨŋ, kɨya gɨ ɨŋ-bandi Kurɨn̰-ungo le, ɨŋ kɨya caga na boy tɨwa di kɨŋ sɨla naŋ dɨŋ.

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Matɨyo 8:22

Jesu jɨga dɨbii cay nee yey hɨn̰: «Kɨba karɨnɨ, bɨ ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmɨgege tɨma toge.»

Marg 9:1

Jesu yege ɗaŋ coŋ hɨn̰: «Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ba ɨrege kɛ le, kɨya sɔlɛge dɔɔ-ƴaa di da Kumu di kɨya ɨrga dan̰ dɔnɔ le pa dɨm ma kɨya marege ƴee.»

Kɔl-gɨ-Ɗari gɨ Ja̰ wal 21:19

Ban ye hɨn̰ wo̰ na kɨya gɨlɨn̰ tɨma di Pɨyɛr kɨya mare dɨbɨn̰ gusoŋ-tɔgɛ a cay Kumu. Kardi nee ɨni na, Jesu yeyi hɨn̰: «Kɨba karɨnɨ!»

Kɔl-gɨ-Ɗari gɨ Ja̰ wal 21:21

Kɨɗɨn̰ ga Pɨyɛr soli dan̰ cɨndi na, ban yen̰ Jesu ye hɨn̰: «Ba-gulɔŋ, kɛ ban le, na wa ba kɨya andaŋ cayi ga?»

1 Korɛ̰t 11:26

Kɨya wa a bon̰ tɨwa nɔm gɨ kɨŋ kɨya dɔɔ mapa di nee le bɨ, sɔ hɨnga ga a bon̰ kobo ga ni nare gɨ nee le bɨ na, kɨŋ kɨya tɔgɛ bɛrnɛdi tɨma da Ba-gulɔŋ bɨrɨŋ gɨsɨn̰ gɨ ban kɨya jɨgan̰.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

1 Tesalonigɨ 2:19

Na cɨndi, wɔlɛ gɨ Ba-gulondɨni Jesu-Kɨris kɨya caga le, hɨnga kani ga ni bee ɨrɨmedɨni cay nee, wala gusi-mɔwa toni, wala jagɨwa ga ni tɨrɨmbala kani le, na ga ani ga? Na kɨŋ-gandi naŋ ga?

Magtubu di Jag wal 5:7

Ɨni na, karmɨnɨ ga ban̰aŋ dan̰ ga kandɨ, dɨbɨgɨŋ ɗugoygɨŋ bɨrɨŋ gɨsɨn̰ wɔlɛ gɨ Ba-gulɔŋ kɨya bɨlgɨ jɨga. Sɨlagɨŋ! Ba yage le, dɨbɨ ɗugoy gamɨn̰ kaŋdi kumu ga cay wase bɨ, kaŋdi kumu ga karu bɨ, pa dɨm ma kɨya walɨn̰ gasa ga naa kuɗa, ga cay gɨsəŋ bii ga ban som gam le ƴee.

Magtubu di Jag wal 5:8

Kɨŋ kalɨn̰ ma dɨbɨgɨŋ ɗugoygɨŋ bɨ, hayagɨŋ-kuduroygɨŋ bɨ, kɨya wa wɔlɛ caga gɨ da Ba-gulɔŋ ba mɨnde.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.

Wasɨn̰a 2:25

Ama hɨnga ga kɨŋ ba orɨn̰ le, ƴɨmagɨŋ usa bɨrɨŋ gɨsɨn̰ gɨ ɨŋ kɨya cagan̰.

Wasɨn̰a 22:20

Jesu ba lɔɔ tɨmon̰ di da kɔl nɔm gɨ da hɨnga ga kɛ le ye hɨn̰: «Ho’o, ɨŋ tɨlga mɨnde nee.» Ɗa-ɗe-woy-hɨn̰-wo̰! Marana ta, Ba-gulɔŋ Jesu, ɨre.

Wasɨn̰a 22:7

Jesu ye hɨn̰: «Sɨlagɨŋ, ɨŋ tɨlga mɨnde nee. Tumoy wolwa woy kol cay ungo gɨ ba game kɔl gɨ Kumu ba-yɔɔ gɨ woy a duroy magtubu di kɛ dɨŋ le.»

Wasɨn̰a 3:11

Ɨŋ tɨlga nee mɨnde. Ƴɨmagɨŋ aye kudurɔ kogɨŋ gɨ kɨŋ orɨn̰ le usa, ɗe ungo wo̰ bɔɗɛ jagɨwa bɔyɛ kɨmbɨl kogɨŋ naŋ.