Kɔl-gɨ-Ɗari gɨ Ja̰ wal 21:16 - Gabri Maja

¹⁶ Jesu yeyi gɨ ni tɨba sɔɔdi yeyi hɨn̰: «Simo kurɨn̰ Ja̰, kɛ ji geyəŋ ga?» Ban jɨga dɨbi cay nee yeyi hɨn̰: «Əw Ba-gulɔŋ, ji sol gɨ ɨŋ geyɨn̰.» Ɨni na, Jesu yeyi hɨn̰: «Bɨl ba sɔlɛ kardi gamge kange.»

Kɔl-gɨ-Ɗari gɨ Ja̰ wal 21:16 ပူးပေါင်းရင်းမြစ်များ

Matɨyo 2:6

“Me-hɨndi Bɛdɨlɛhɛm cay ƴaa-di-gumu di a cay gɨsəŋ ga Jude gaŋ, Na me-hɨndi mana cay gulɔŋ gɨ dḛ ɗɨn̰ te cay ƴaan̰əŋ ga boy cay gɨsəŋ ga Jude gaŋ nɔm naŋ, Kɨya wa kɨlma gɨ kɨya abe te Wɨn̰je gɨ Ɨsɨrayɛl gɨ na te kalaŋ kange le, kɨya sɔ na guse me-hɨndi.”»

Matɨyo 25:32

Te wɔɔ gɨ da kalaŋ nɔm kɨya dayaŋge tumoyi. Ban kɨya dɔrɛ cɨndɨge hɨn̰ ba sɔlɛ kardi gamge ba dorɨn̰ cɨn̰ gamge dan̰ uye wo̰.

Matɨyo 26:72

Ɨni na, Pɨyɛr jogɨ man̰e kɨbi gɨ ni cay sɔɔdi coŋ, dorɨn̰ gusi yen̰ hɨn̰: «Ɨŋ sɨla ungo gɨ nee le naŋ!»

Kɔl-gɨ-Ɗari gɨ Lug wal 19:10

Kɨya wa ɨŋ-bandi Kurɨn̰-ungo le, ɨŋ ɨrga na kɨya male bɨ, ɨrgan̰ dan̰ kan ga kayaŋ bɨ, a boy pɔɗɛ gɨŋ.»

Kɔl-gɨ-Ɗari gɨ Ja̰ wal 18:17

Tama ɗe-gɨye, ɗe game kɨbɨ-ƴaa le, ɨngɨrɨn̰ Pɨyɛr yeyi hɨn̰: «Ji-bandi, ji na ba-aye-cay-tɨbay gɨlmi gɨ nee le bɨ naŋ ga?» Ɨni na, ban dɨboo cay nee yoo hɨn̰: «Cə cə!»

Kɔl-gɨ-Ɗari gɨ Ja̰ wal 18:25

Simo Pɨyɛr som kɨɗɨn̰ ga nee gaŋ mɨjagɨ ƴobɨ tɨwa. Ɨni na, ungo gɨ pɨna wo̰ yeyi hɨn̰: «Kɛ, ji-bandi kalɨn̰ ma ji na ba-aye-cay-tɨbay Jesu gɨ pɨna duroy ka-aye-cay-tɨbayi bɨ naŋ ga?» Pɨyɛr man̰ kɨbi coŋ ye hɨn̰: «Cə cə.»

Kɔl-gɨ-Ɗari gɨ Ja̰ wal 21:17

Jesu yey gɨ ni tɨba sɨbɨdi yeyi hɨn̰: «Simo kurɨn̰ Ja̰, kɛ ji geyəŋ ga?» Pɨyɛr gusi moyi naŋ, kɨya ɨngɨre gɨ Jesu ɨngɨri gɨ ni tɨba sɨbɨdi gɨŋ yeyi hɨn̰: «Kɛ ji geyəŋ ga le?» Bɨ ban jɨga dɨbi cay nee yeyi hɨn̰: «Ba-gulɔŋ, ji sol hɨnga nɔm, ji sol kuɗa gɨ ɨŋ geyɨn̰.» Ɨni na, Jesu yeyi hɨn̰: «Hɨn̰ wo̰ na, ji gama gamge kange.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

1 Pɨyɛr 2:25

Kɨya wa tumɔ kɨŋ woy na hɨn̰ gamge ga kayaŋ wo̰, ama haw kɛ kɨŋ jɨga gusi ba-abɨgɨŋ bɨ, ba-sɔlɛ kardɨgɨŋ bɨ.

1 Pɨyɛr 5:2

Te gamge ga da Kumu ga beegege kobɨgɨŋ le, dɨragɨŋ tumoyge kuɗa bɨ. Ɗagɨŋ cɨndɨgɨŋ kuɗa kardɨge bɨ. Ama ɗɔɔgɨŋ gɨ ɗe ungo san̰ danagɨŋ pa dɨm ma magɨŋ lee ƴee naŋ. Ama kɨŋ sa laa dan̰ kuduroy-geye bɨ, dan̰ gɨyəŋ gɨ da Kumu bɨ. Kɨŋ laa gɨye kogɨŋ na gɨ ni won̰ nare gɨ kɨya dɨbe dasi caygɨŋ naŋ. Ama na kɨya se gɨ kɨŋ si gusɨgɨŋ kɨbɨ nee.

Wasɨn̰a 7:17

Kɨya wa kurɨn̰-dɨmangɨ gɨ ɨre a duroy kali-tɨrɨmbala dɨŋ bɔb le, kɨya sɔlɛ kardɨge hɨn̰ ba-ame gamge gɨ sol kardi gamge wo̰ bɨ. Ban kɨya dɔrɛ tumoyge orɨn̰ danage a kɨɗɨn̰ ga kan kɨya ɓale sɨn̰ kaŋ ga bee sɔmɛ-bɨra gɨ leen̰ cɨndi. Ɗaŋ coŋ Kumu kɨya hande kaŋdi cɨndɨge a cɨndɨge pɨrɛd pɨrɛd coŋ bɨ.»