Kɔl-gɨ-Ɗari gɨ Ja̰ wal 20:19 - Gabri Maja

¹⁹ Borundo di da dɨmasɨ di nee le na, ka-aye-cay-tɨbay Jesu somge ƴen̰ lɨgɨge kɨbɨ-ƴaa cayge rɛj rɛj kɨya wa kan hɨndarge na Jubɨn̰əŋ. Ɨni na, Jesu ɨrga ɨre duroyge bɨ, leege lapɨya yege hɨn̰: «Gusi-dɔbɛ baa danagɨŋ.»

Kɔl-gɨ-Ɗari gɨ Ja̰ wal 20:19 ပူးပေါင်းရင်းမြစ်များ

Matɨyo 10:13

Hɨn̰ gɨ kalaŋ ga duroy ƴaa di nee le na kuɗudaŋge na, ɗa gɨ gusi-dɔbɛ togɨŋ baa danage, ama kan naa kalaŋ ga kuɗudaŋge naŋ na, ɗa gɨ gusi-dɔbɛ togɨŋ jɨga wayagɨŋ.

Matɨyo 18:20

Əw kɨɗɨn̰ ga kalaŋ sɔɔ naŋ le, sɨbɨ dayaŋge nee dan̰ gusoŋnɨ na, ɨŋ woy duroyge nee.»

Marg 16:14

Kardi nee ɨni na, ban andaŋ dus a cay kan ga mɔjɨ-cayge-pɨna, kɨɗɨn̰ ga somge kɨbɨ hɨnga ga ni dɔɔ gaŋ. Ban san̰ danage kɨya cay bɔgɛ kudurɔ koge cay kɔl gɨŋ naŋ bɨ, kɨya cay kuduroy-dɨmbɨrwa koge bɨ. Kɨya wa kan kan̰ bɔgɛ kuduroyge a cay kɔl gɨ da kalaŋ ga soliige kɨɗɨn̰ ga ban boy lɨbɨ.

Kɔl-gɨ-Ɗari gɨ Ja̰ wal 14:27

Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Kɔl-gɨ-Ɗari gɨ Ja̰ wal 16:22

Na hɨnga ga nee le ba ləgɨŋ haw kɛ. Ama ɨŋ kɨya jɔgɛ sɔlɛ cɨndɨgɨŋ coŋ, kɨɗɨn̰ ga nee le kɨŋ kɨya lɔɔ gusi-mɔwa bɨ, gusi-mɔwa di nee le ungo kɨya ɓale dɔrɛ naŋ.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Kɔl-gɨ-Ɗari gɨ Ja̰ wal 20:21

Ɨni na, ban yege ɗaŋ coŋ hɨn̰: «Gusi-dɔbɛ baa danagɨŋ. Ɨŋ-bandi ɨŋ kɨya gɨyigɨŋ cay gɨsəŋ gaŋ, hɨn̰ gɨ Banɨ ba gɨyigəŋ a cay gɨsəŋ gaŋ bɨ.»

Kɔl-gɨ-Ɗari gɨ Ja̰ wal 20:26

Dɨmasɨ di ɗaŋ dɨŋ na, ka-aye-cay-tɨbayi jɨgage dayaŋge ɗaŋ coŋ a duroy ƴaa gɨ nee gɨŋ le. Tomas woy danage boy wɔlɛdi gɨ nee le, kɨbɨ-ƴaa lugudoŋ gag gag daa. Naa hɨn̰ wo̰ kalɨn̰ ma, Jesu andaŋ ɨre duroyge, leege lapɨya yege hɨn̰: «Gusi-dɔbɛ baa danagɨŋ.»

Kɔl-gɨ-Ɗari gɨ Ja̰ wal 21:1

Kardi hɨnga nɔm ga nee le na, Jesu jɨga andaŋ ɗaŋ coŋ a cay ka-aye-cay-tɨbayi a kɨbɨ kuray gɨ gumu taa taa gɨŋ gɨ Tiberɨyadɨ. Gɨyəŋ gɨ ban ba andɨn̰ cayge ba kɛ.

Kɔl-gɨ-Ɗari gɨ Ja̰ wal 21:14

Na gɨ ni tɨba sɨbɨdi ɨni, gɨ Jesu gɨlɨn̰ ka-aye-cay-tɨbayi gusi, ayɨn̰ toy gɨ ban boy lɨbɨ duroy kalaŋ ga madɨrdaŋ gaŋ le.

Kɔl-gɨ-Ɗari gɨ Ja̰ wal 7:13

Naa hɨn̰ wo̰ kalɨn̰ ma, ungo pɨna gɨ ye kɔl gɨ ojɨ cayi daa waŋ a cɨn̰ kalaŋ unɔ, kɨya wa kan hɨndarge na cɨn̰ ka-sɔmɛ cay Jubɨn̰əŋ.

Gɨye-lɔɔ 1:3

Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Magtubu di Pol wal bɨn̰ kalaŋ ga Rɔm 15:33

Kuɗa gɨ Kumu gɨ ba-bee gusi-dɔbɛ baa danagɨŋ nɔm. Ɗa-ɗe-woy-hɨn̰-wo̰!

1 Korɛ̰t 15:5

Ban andaŋ dus a cay Kepas bɨ, kardi nee na andaŋ dus gusi ka-gɨre-gɨye ga mɔjɨ-cayge-sɔɔ bɨ.

Epɛs 2:14

Kɨya wa na Kɨris gusi gaŋ ba ɨrgan̰ dan̰ gusi-dɔbɛ bɨna. Ni-gandi ga ni Jubɨ bɨ, kɨŋ-gandi ga ni Jubɨ naŋ bɨ, ban dayna daa leen̰ te kalaŋ ga pɨna. Dan̰ gɨyəŋ gɨ da tɨmaydi na, hɨnga ga dɨbna sɨya bɨ poynagɨŋ duroy nee bɨ, lee gɨ na ƴomɨn̰ gusɨna dan̰ kuduroyna bɨ le, dusoŋ dugo.

Epɛs 6:23

Kuɗa gɨ Kumu Bayna bɨ Ba-gulondɨna Jesu-Kɨris bɨ, bɨn̰ karmɨni ga ban̰aŋ dan̰ ga kandɨ gusi-dɔbɛ bɨ, geye bɨ, aye kudurɔ bɨ.

Pilib 1:2

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

2 Tesalonigɨ 3:16

Kuɗa gɨ Ba-gulɔŋ gɨ ba gusi-dɔbɛ bɨgɨŋ gusi-dɔbɛ dan̰ tɨwa nɔm bɨ, boy hɨnga nɔm bɨ. Kuɗa gɨ Ba-gulɔŋ baa danagɨŋ nɔm.

Əbɨro 7:2

Ɨni na, Abɨraham dor kɨbɨ hɨnga pɨna duroy hɨnga ga mɔjɨ gɨ da hɨnga nɔm ga ban lobɨ a kɨmbɨl gɨŋ le bii. Gusoŋ gɨ ni Mɛlgisedɛg le, duroy gɨ cay wase na «kɨlma gɨ da hɨnga ga dan̰ durɔ ɗɨngar.» Bɨ kardi nee ban na kɨlma gɨ a cay ƴaa di Salɛm dɨŋ nee coŋ, duroy na «kɨlma gɨ da gusi-dɔbɛ.»

3 Ja̰ 1:14

Ɨŋ ojɨ gɨ ni ɔrɛ solgɨŋ mɨnde, ɗe ana na arɨn̰ kɔl wo̰ wo̰ dan̰ kɨbɨna.

Wasɨn̰a 1:4

Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ.