Kɔl-gɨ-Ɗari gɨ Ja̰ wal 20:17 - Gabri Maja

¹⁷ Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Kɔl-gɨ-Ɗari gɨ Ja̰ wal 20:17 ပူးပေါင်းရင်းမြစ်များ

Matɨyo 12:50

Kɨya wa waŋ waŋ gɨ na laa kuduroy-geye gɨ da Banɨ gɨ a daa nii na, ban gɨ nee le ma na kurɨnɨ bɨ, tɨmnɨ bɨ, ƴonɨ bɨ.»

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 28:7

Ɨragɨŋ haw yan̰gɨŋ ka-aye-cay-tɨbayi yagegɨŋ hɨn̰: “Ban boy lɨbɨ duroy kalaŋ ga madɨrdaŋ gaŋ ɨni, sɨlagɨŋ ban de tumoygɨŋ tol a Galile. Kɨŋ kɨya solii na a nee.” Sɨlagɨŋ na kɔl gɨ naa ɨŋ ba yəgɨŋ koldi le.»

Marg 12:26

Kɔl gɨ ojɨ cay kalaŋ ga kɨya bɔyɛ lɨbe le, kɛ kɨŋ hal gɨybəŋ a cay kɔl gɨ kɨŋ ɗongɨsɨ a duroy magtubu di da Moyis dɨŋ le ga? Ɨrɨmgɨŋ a cay kɔl gɨ ojɨ cay hɨya gɨ gɔju gɨ ƴee tɨwa le. A kɨɗɨn̰ ga nee gaŋ le, Kumu yeyi hɨn̰: “Ɨŋ-bandi ɨŋ na Kumu gɨ da Abɨraham bɨ, Kumu gɨ da Isag bɨ, Kumu gɨ da Jagob bɨ.”

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 10:4

Kɨɗɨn̰ ga kɨŋ kɨya bugoŋ gɨyəŋ ɔrɛ na, ayegɨŋ magɨla di gursu naŋ bɨ, sangɨ naŋ bɨ, gɨyabe naŋ bɨ, ɨregɨŋ dugo te gɨyəŋ gɨŋ naŋ bɨ.

Kɔl-gɨ-Ɗari gɨ Ja̰ wal 13:1

Tumoyi, wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ na, Jesu sol gɨ tɨwa toy ɓal. Na tɨwa di ban kɨya ɗen̰ cay gɨsəŋ bɨ, orɨn̰ gusi Bay le. Ban gɨ gey kalaŋ kayi ga a cay gɨsəŋ gaŋ le, geyge bɨrɨŋ dɨɗɨn̰ kɨbi.

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 14:2

Kɨɗɨn̰ sɔmɛ kondɨ woy a duroy ƴaa di da Banɨ dɨŋ. Tumɔ naa hɨn̰ wo̰ naŋ na, ɨŋ ni kɨya yəgɨŋ daa waŋ. Ɨŋ or na kɨya n̰ane kɨɗɨn̰ kɨya caygɨŋ.

Kɔl-gɨ-Ɗari gɨ Ja̰ wal 14:28

Kɨŋ je gɨ ɨŋ yəgɨŋ hɨn̰: «Ɨŋ kɨya ɔrɛ bɨ, ɨŋ kɨya bɨlgɨ jɨga gusɨgɨŋ bɨ.» Hɨn̰ gɨ kɨŋ na geyəŋ na, gusɨgɨŋ kɨya moogɨŋ kɨya ɔrɛ hɨnge gɨ gusi Banɨ, kɨya wa Banɨ na, gumu ɗəŋ coŋ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 16:28

Ɨŋ sayga na gusi Banɨ nii, ma maŋ ɨrga a cay gɨsəŋ gaŋ kɛ. Haw kɛ ɨŋ kɨya sɔ cay gɨsəŋ gaŋ kɛ, jɔgɛ gusi Banɨ.

Kɔl-gɨ-Ɗari gɨ Ja̰ wal 17:11

Haw kɛ na ɨŋ na gɨ cay gɨsəŋ gaŋ kɛ naŋ ɨni, ɨŋ kɨya jɔgɛ gusɨn̰, ama kan na, kɨya bɔɔge a cay gɨsəŋ gaŋ. Banɨ, ji gɨ ji woy dan̰ cɨndɨn̰, kalaŋ ga ji ba bəŋ danage le, ji gamage dan̰ dɔnɔ di da gusondɨn̰. Ɗe kan bugoŋge pɨna hɨn̰ gɨ na-gandi na ba bugoŋ pɨna wo̰ bɨ.

Kɔl-gɨ-Ɗari gɨ Ja̰ wal 17:25

Ay Banɨ, ji gɨ dan̰ durɔ ɗɨngar. Kalaŋ ga cay gɨsəŋ gaŋ sɨlan̰ge naŋ. Ama ɨŋ-bandi ɨŋ solɨn̰ bɨ, kan ga ba kɛ solge gɨ ji na ba gɨyigəŋ bɨ.

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Kɔl-gɨ-Ɗari gɨ Ja̰ wal 20:27

Kardi nee ɨni na, ban jɨga yen̰ Tomas hɨn̰: «Ɗa kobɨn̰ kɛ ban̰di ɨyadi kɔbɔŋ gɨŋ. Bɨ ɨrɨn̰ dan̰ tɨbɨnen̰ tumɔ kɛ dɨba gasɨbɨnɨ bɨ. Bɔgɛ kudurɔ kon̰ cay nee naŋ le ɗa ba, ama bɨga kuduron̰ cay bɔyɛ lɨbe hɨnge gɨŋ.»

Kɔl-gɨ-Ɗari gɨ Ja̰ wal 7:33

Ɨni na, Jesu yege hɨn̰: «Ɨŋ ba danagɨŋ kɨya lɔɔ wɔlɛ lam ƴee, bɨ kardi nee na ɨŋ kɨya jɔgɛ gusi ban gɨ ba gɨyigəŋ.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

2 Korɛ̰t 6:18

«Ɨŋ kɨya bɨle baygɨŋ bɨ, kɨŋ-gandi kalɨn̰ ma kɨŋ kɨya bɨle karɨnɨ ga ban̰aŋ dan̰ kandɨ bɨ. Ba-gulɔŋ gɨ dɔnɔdi ɗɨn̰ dɔnɔ nɔm ba yɔ hɨn̰ wo̰.»

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Əbɨro 11:16

Leen̰ cɨndi na, kan geyge na cay gɨsəŋ ga kuɗa ɗɨn̰ kan ga kan ba say ɗe coŋ orɨn̰ge a gɨɗɨgɨ-Kumu gɨŋ. Na toy di hɨn̰ wo̰ ma, hɨn̰ gɨ kan na tɨga Kumu naa Kumu koge na, Kumu dasi dayi naŋ. Kɨya wa ban ƴom cay tɨbay cay ƴaa-di-gumu kol cayge.

Əbɨro 8:10

Ba-gulɔŋ ye ɗaŋ coŋ ye hɨn̰: “Kardi wɔlɛn̰əŋ ga nee le na, Saɗe kɨbɨ pɨna ɓɨse gusu Gɨ ɨŋ kɨya saɗe dan̰ te wɨn̰je, Gɨ da Ɨsɨrayɛln̰əŋ le ba kɛ: Ɨŋ kɨya ɗɔɔ gasɨn̰-kɔl hɨnge, Na boy ɨrɨmedɨge gɨŋ bɨ, Ɨŋ kɨya wale gasɨn̰-kɔl hɨnge, Na a ɗugoyge bɨ, Ɨŋ kɨya wɔyɛ Kumu koge bɨ Kan kɨya wɔyɛ te kalaŋ kange bɨ.

1 Pɨyɛr 1:3

Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 21:3

Ɨni na, ɨŋ je noy ungo gɨ ye dan̰ togi sayga a cay kali-tɨrɨmbala dɨŋ ye hɨn̰: «Sɨlagɨŋ! Kɨɗɨn̰ sɔmɛ ga da Kumu kɨya wɔyɛ duroy kalaŋ ga ɨndəŋ! Ban kɨya sɔmɛ duroyge bɨ, kan kɨya bɨləŋ te kalaŋ kayi bɨ. Ho’o, Kumu gusi koyi kalɨn̰ ma kɨya sɔmɛ danage bɨ, ban kɨya wɔyɛ na Kumu koge bɨ.

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.