Kɔl-gɨ-Ɗari gɨ Ja̰ wal 20:13 - Gabri Maja

¹³ Marɨne ga sɔɔ le, ɨngɨrɨn̰ge Mari kɔl yege hɨn̰: «Tama, kɛ na kɨya wa ma me ɨle ga?» Hɨndi dɨbɨge cay nee hɨn̰: «Ɨŋ ɨle na kɨya gɨ kan dorge Ba-gulonɨ boy umboŋ kamɨn̰aŋ gaŋ coŋ. Bɨ ɨŋ sɨla kɨɗɨn̰ ga kan orɨn̰ge danayi dɨbii nee naŋ.»

Kɔl-gɨ-Ɗari gɨ Ja̰ wal 20:13 ပူးပေါင်းရင်းမြစ်များ

Kɔl-gɨ-Ɗari gɨ Lug wal 24:17

Jesu yege hɨn̰: «Na koldi wa ma magɨŋ ar dan̰ gusɨgɨŋ orɨn̰ daa daa wo̰ ga?» Ɨni na, kan jɨbɨge ɨrege dugo dan̰ cɨn̰-n̰age.

Kɔl-gɨ-Ɗari gɨ Ja̰ wal 19:26

Kɨɗɨn̰ ga Jesu sol ƴoyi bɨ, ba-aye-cay-tɨbayi gɨ ban geyi tɔgɨ ɨre mɨnde durdo bɨ na, ban yen̰ ƴoyi hɨn̰: «Tama, sɨla kurɔndɛɛ ba kɔ.»

Kɔl-gɨ-Ɗari gɨ Ja̰ wal 2:4

Ama Jesu jɨga dɨboo cay nee yo hɨn̰: «Tama, me gey na wa gusɨnɨ ga? Tɨwa tɨnge cege naŋ ƴee.»

Kɔl-gɨ-Ɗari gɨ Ja̰ wal 20:15

Jesu yoo hɨn̰: «Tama, kɛ na kɨya wa ma me ɨle ga? Me mal na waŋ ga?» Hɨndi sol Jesu leen̰ na marɨna ba-lɔɔ gɨye busɔnɛ hɨya kalɨn̰ wo̰ ƴɔbɨ. Na toy di hɨn̰ wo̰ ma, hɨndi yeyi hɨn̰: «Ba-gulɔŋ, hɨn̰ gɨ ji na ba dɨray na, gɨləŋ kɨɗɨn̰ ga ji dɨbii nee le bɨ, ɨŋ kɨya ɔrɛ ayi.»

Kɔl-gɨ-Ɗari gɨ Ja̰ wal 20:2

Hɨndi gɨre or wan̰ Simo Pɨyɛr dan̰ ba-aye-cay-tɨbayi gɨ ɗaŋ, gɨ Jesu geyi tɔgɨ le bɨ, yege hɨn̰: «Dorge gundi Ba-gulɔŋ boy umboŋ kamɨn̰aŋ gaŋ coŋ. Ama ni sɨla kɨɗɨn̰ ga kan dɨbiige boy nee naŋ.»

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»