Kɔl-gɨ-Ɗari gɨ Ja̰ wal 20:1 - Gabri Maja

¹ Dan̰ wɔlɛ gɨ ni dɨmasɨ dan̰ te kɨɗɨn̰ cururu, gɨ kɨɗɨn̰ ba ɨndi ƴee na, Mari di cay ƴaado na Magɨdala or a cay kamɨn̰aŋ gaŋ. Bɨ hɨndi sol garma gɨ kan lɨgɨn̰ge kɨbɨ kamɨn̰aŋ le yawɨraŋ walaŋ.

Kɔl-gɨ-Ɗari gɨ Ja̰ wal 20:1 ပူးပေါင်းရင်းမြစ်များ

Matɨyo 27:56

Mari di cay gulondo na Magɨdala bɨ, Mari da Jag dan̰ Jɨsɛb ƴoyge bɨ, karɨn̰ Jebede ƴoyge bɨ woyge duroy kandɨ ga nee le.

Matɨyo 27:60

Jɨsɛb orɨn̰ dan̰ umboŋ kamɨn̰aŋ ga hɨrɨwa ga kan hɨrɨmge gasɨbi garma gɨŋ kol cay gusi koyi. Ban orɨn̰ dan̰ gundi Jesu dɨbe nee. Kardi nee ɨni na, ban nɨngɨle garma gɨ gumu ɗe kɨbɨ umboŋ kamɨn̰aŋ gaŋ le lɨgɨn̰ kɨbɨge daa, bɨ ɗen̰ gusi or.

Matɨyo 27:64

Na toy di hɨn̰ wo̰ ma aya noy bɨn̰ asɨgar kan̰ ɗe gamge kɨbɨ kamɨn̰aŋ kuɗa bɨrɨŋ gɨsɨn̰ wɔlɛ sɨbɨdi gɨŋ, ɗe ka-aye-cay-tɨbayi hasɨn̰ge gundi naŋ bɨ, yon̰ge kalaŋ ban na boy lɨbɨ duroy kalaŋ ga madɨrdaŋ gaŋ naŋ bɨ. Kan na laa hɨn̰ wo̰ na, poy di cay sɔɔdo kɨya bɨle osɨwa ɗɨn̰ poy di cay wase.

Matɨyo 27:66

Kan orge lɨge kɨbɨ kamɨn̰aŋ le daa kuɗa bɨ sɨlɨn̰ge kɨbɨge kɨrɛɗ kɨrɛɗ daa bɨ ɗege ka-game kɨɗɨn̰ ga da Jubɨn̰əŋ kɨbɨ nee.

Matɨyo 28:1

Kardi wɔlɛ gɨ ni dorɨn̰ gɨlale gɨ da Jubɨ gɨ na dɨmasɨ le, Mari di cay gulondo na Magɨdala bɨ, Mari di ɗaŋ bɨ, orge sɔlɛge cay kamɨn̰aŋ dan̰ te kɨɗɨn̰ cururu.

Matɨyo 28:2

Bɨ ga ma cay gɨsəŋ sayde jɨg jɨg dan̰ togɨyge. Ba-ƴɔbɛ gɨ daa gɨ pɨna wo̰ gɨ da Ba-gulɔŋ sayga daa gɨsɨngɨ dugo. Ban nɨngɨle garma gɨ kan lɨgɨn̰ge kɨbɨ kamɨn̰aŋ le coŋ, bɨ somɨn̰ cay nee.

Marg 15:46

Jɨsɛb kɨl bagɨda bɨ, gɨsɨn gundi Jesu a cay sɨya-gɨ-dagɨli gɨŋ dugo bɨ, nongɨrii dan̰ bagɨda bɨ, dibii boy umboŋ kamɨn̰aŋ gɨ kan hɨrɨmge gasɨbi garma gɨŋ bɨ, ban nongɨl garma gɨ gumu ɗe kɨbɨ kamɨn̰aŋ gaŋ le lɨgɨn̰ kɨbɨge daa.

Marg 16:9

[Jesu boy lɨbɨ dan̰ te jogɗu cururu dan̰ wɔlɛ gɨ ni dɨmasɨ. Kalaŋ ga soliige cay wase le na Mari di cay gulondo na Magɨdala di Jesu tay turnɔ ga ɨsɨni won̰ jurgum a gusoo coŋ le.

Kɔl-gɨ-Ɗari gɨ Ja̰ wal 11:38

Ɨni na, kuduroy-hɔmɛ jɨb Jesu gɔb gɔb ɗaŋ coŋ bɨ, ban or a kɨbɨ umboŋ kamɨn̰aŋ gaŋ. Na umboŋdi garma gɨ lɨgɨge kɨbi dan̰ garma.

Kɔl-gɨ-Ɗari gɨ Ja̰ wal 11:41

Kɨɗɨn̰ ga nee le, kan nongɨlge garma le coŋ. Ɨni na, Jesu ay cɨndi daa bɨ, ye hɨn̰: «Banɨ, ɨŋ leen̰ ho’o, kɨya gɨ ji je ɔlɛ hɨnge.

Kɔl-gɨ-Ɗari gɨ Ja̰ wal 19:25

Jesu ƴoyi bɨ, tɨm ƴoyi bɨ, Mari di ni tam Kɨlopas bɨ, Mari di cay gulɔŋdo na Magɨdala bɨ, ɨrege mɨnde dan̰ sɨya-gɨ-dagɨli le.

Kɔl-gɨ-Ɗari gɨ Ja̰ wal 20:26

Dɨmasɨ di ɗaŋ dɨŋ na, ka-aye-cay-tɨbayi jɨgage dayaŋge ɗaŋ coŋ a duroy ƴaa gɨ nee gɨŋ le. Tomas woy danage boy wɔlɛdi gɨ nee le, kɨbɨ-ƴaa lugudoŋ gag gag daa. Naa hɨn̰ wo̰ kalɨn̰ ma, Jesu andaŋ ɨre duroyge, leege lapɨya yege hɨn̰: «Gusi-dɔbɛ baa danagɨŋ.»

Gɨye-lɔɔ 20:7

Ni dayaŋ dan̰ wɔlɛ gɨ ni dɨmasɨ kɨbɨ hɨnga ga ni dɔɔ ga da Ba-gulɔŋ gaŋ, kɨya doon̰ mapa pɨna ɨni na, Pol say dor kɔl bɨn̰ kalaŋ ga dayaŋ le bɨrɨŋ andɨn̰ duroy kɨɗɨn̰, kɨya wa ban gey ɔrɛ tɨrga dan̰ jogɨɗɨ.

1 Korɛ̰t 16:2

Dan̰ wɔlɛ gɨ ni dɨmasɨ dɨmasɨ nɔm le, ojɨ gɨ waŋ waŋ kalɨn̰ ma duroygɨŋ gɨsɨ dan̰ gɨyəŋ gɨ da hɨnga ga ban orɨn̰ gɨ ni dorɨn̰ kɨbɨ gursu toy ɗɔ a tayi. Hɨn̰ wo̰ na kɨɗɨn̰ ga ɨŋ na bugoŋ na kɨŋ kɨya orɨn̰ dan̰ n̰agedi hɔgɛ hɨnga naŋ ɨni.

Wasɨn̰a 1:10

Turnɔ di da Kumu naa gɨsɨngɨ canɨ a boy wɔlɛ gɨ da Ba-gulɔŋ gɨŋ, ƴɔmɔŋ lee gɨ ɨŋ je noy ungo gɨ ye dan̰ dɔnɔ hɨn̰ burun̰ji wo̰ a karɨnɨ.