Kɔl-gɨ-Ɗari gɨ Ja̰ wal 2:6 - Gabri Maja

⁶ Kan ɗege ɨmbɨlɨn̰n̰əŋ ga gɨmdəŋ gɨmdəŋ won̰ jii ga ni bogɨn̰ kaŋ, a kɨɗɨn̰ ga nee gaŋ. Ɨmbɨlɨn̰ le kan leege na dan̰ garma bɨ, kan beege na kaŋ ga Jubɨn̰əŋ dorɨn̰ gusɨge mɨra nee. Ɨmbɨlɨn̰ pɨna na kuduroy ɓal ƴɔɔ litɨr toy-margɨm naŋ le aru.

Kɔl-gɨ-Ɗari gɨ Ja̰ wal 2:6 ပူးပေါင်းရင်းမြစ်များ

Kɔl-gɨ-Ɗari gɨ Lug wal 16:6

Ban dɨbii cay nee ye hɨn̰: “Tagɨlɨn̰ ga gɨmdəŋ da sɔŋdi Olibɨye aru.” Ba game hɨnga le yeyi hɨn̰: “Sɨla, magtubu tugɨla ton̰ ba kɛ, sɨma dugo haw bɨ mɨnda gɨ tumɔ le coŋ bɨ, ɗa tɔɔ bay ban̰di nee.”

Kɔl-gɨ-Ɗari gɨ Ja̰ wal 2:7

Jesu yen̰ marɨne ka-lɔɔ gɨye le yege hɨn̰: «Talagɨŋ kaŋ bɨgagɨŋ ɗe walɨn̰dɨn̰ ɨmbɨlɨn̰n̰əŋ le.» Kan beege kaŋ le boy nee bɨrɨŋ ɗe walɨn̰dɨn̰ pɨl pɨl.

Kɔl-gɨ-Ɗari gɨ Ja̰ wal 3:25

Ɨni na, ka-aye-cay-tɨbayi Ja̰ man̰ge kɔl dan̰ Jubɨ gɨ pɨna wo̰, ojɨn̰ cay gɨyəŋ di dorɨn̰ gusu mɨra gɨ da Jubɨn̰əŋ.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 6:2

hɨnga ga ni gɨle ga ojɨ cay batɛm ga toyge kan̰dɨge kan̰dɨge bɨ, cay dɨbe-kɔbɔ cay kalaŋ bɨ, cay kalaŋ ga ma ga kɨya bɔyɛge lɨbe bɨ, cay bɔyɛ kɔl gɨ dan̰ tumoyi yɔd bɨ.

Əbɨro 9:10

Gɨyəŋdi n̰ɨre gɨ nee le, ojɨ na cay hɨnga ga ni dɔɔ bɨ, hɨnga ga ni sɔɔ bɨ, pɨle gusɨn̰ gɨ toyi kan̰di kan̰di gɨ dorɨn̰ kalaŋ mɨra ƴɔbɨ bɨ. Hada di nee le ojɨ na cay hɨnga ga ni kuyoŋdi-gusi ungo doŋ kɛ ƴɔbɨ bɨ, kan kɨya loon̰ gɨye bɨrɨŋ gɨsɨn̰ tɨwa di Kumu kɨya bɨle te hɨnga ga nee le.

Əbɨro 9:19

Kɨɗɨn̰ ga Moyis dor te tumɔ pɨna pɨna nɔm di woy duroy magtubu gasɨn̰-kɔl dɨŋ, bɨn̰ karɨn̰ Ɨsɨrayɛln̰əŋ ɨni na, ban ay kɨbar gɨ da karɨn̰ sɨn̰əŋ bɨ, gɨ da kugan̰əŋ bɨ, pol dan̰ kaŋ bɨ, teɗi gamge ga yɨle bɨ, kabɨn̰ hɨnga ga teegege ijopɨ bɨ, wɨjɨde a cay magtubu di nee le bɨ, cay karɨn̰ Ɨsɨrayɛl bɨ.