Kɔl-gɨ-Ɗari gɨ Ja̰ wal 2:16 - Gabri Maja

¹⁶ ban yen̰ ka-lɔɔ gɨyaw da guu di bɛdɨrdɛŋ dan̰ togi ye hɨn̰: «Dɨnagɨŋ hɨnga ga nee le nɔm coŋ bɨ, dɨle gɨŋ bɨle ƴaa di da Banɨ Kumu loon̰ ƴaa gɨyaw.»

Kɔl-gɨ-Ɗari gɨ Ja̰ wal 2:16 ပူးပေါင်းရင်းမြစ်များ

Matɨyo 21:12

Kardi nee ɨni na, Jesu andaŋ a duroy gulɔŋ ƴaa-di-da-Kumu dɨŋ bɨ, tay ka-lɔɔ gɨyaw bɨ, ka-kɨle hɨnga bɨ, ga woyge boy nee nɔm coŋ. Tabɨl da ka-kɨlange gursu bɨ, sɨya sɔmɛ gɨ da ka-lɔɔ gɨyaw gɨ da guun̰əŋ ga bɛdɨrdɛŋ bɨ le, ban nɔngɨldɛ layde coŋ.

Matɨyo 21:13

Bɨ ban yege hɨn̰: «Kumu ye a duroy magtubu toy dɨŋ hɨn̰: “Kɨya tɔgɛge ƴaanɨ, na ƴaa di kalaŋ kɨya olɨn̰ Kumu nee.” Ama kɨŋ-gandi, kɨŋ bɨloo leen̰ kɨɗɨn̰ wɔsɛ ga da ka-hase.»

Matɨyo 22:5

Ama kalaŋ ga kan molge le, dɨlage dḛ wo̰ cay nee naŋ bɨrɨŋ, lee gɨ orge kɨɗɨn̰ ɔrɛdɨge gaŋ. Ga pɨna orge kɨɗɨn̰ yage kage gaŋ bɨ, ga ɗaŋ orge kɨɗɨn̰ gɨyaw kage gaŋ bɨ.

Marg 11:17

Ɨni na, ban gɨlge hɨnga yen̰ hɨn̰: «Kumu ye a duroy magtubu toy dɨŋ hɨn̰: “Kɨya tɔgɛge ƴaanɨ, na ƴaa di kalaŋ kɨya olɨn̰ge Kumu nee di da te wɔɔ gɨ da kalaŋ nɔm.” Ama kɨŋ-gandi kɨŋ bɨloo leen̰ kɨɗɨn̰ wɔsɛ ga da ka-hase.»

Kɔl-gɨ-Ɗari gɨ Lug wal 2:49

Jesu dɨbɨge cay nee yege hɨn̰: «Kɨŋ daraŋ na kɨya wa ga? Kɨŋ sɨla hɨn̰ gɨ ɨŋ kɨya sɔmɛ na duroy ƴaa di da Banɨ dɨŋ naŋ ga?»

Kɔl-gɨ-Ɗari gɨ Ja̰ wal 10:29

Banɨ gɨ ba bəŋ danage le gumu ɗɨn̰ hɨnga nɔm bɨ, ungo wo̰ ɨran̰ dan̰ dɔnɔ di ni dorɨn̰ hɨnga kobɨ Banɨ naŋ bɨ.

Kɔl-gɨ-Ɗari gɨ Ja̰ wal 2:15

Ɨni na, ban don gangɨ ga pɨna wo̰, leen̰ suroy bɨ, tayge nɔm coŋ duroy ƴaa-di-da-Kumu dɨŋ, dan̰ gamge bɨ, sɨn̰əŋ nee bɨ. Ban sugude gursu da ka-kɨlange gursu coŋ bɨ, nongɨlde tabɨl kage ga kan kɨlangɨn̰ge gursu cay nee le layde coŋ bɨ,

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Kɔl-gɨ-Ɗari gɨ Ja̰ wal 5:17

Ama Jesu dɨbɨge cay nee yege hɨn̰: «Bɨrɨŋ gɨsɨn̰ labɨde, Banɨ som na kɨbɨ gɨye gɨŋ, lee gɨ ɨŋ-bandi kalɨn̰ ma, ɨŋ som na kɨbɨ gɨye gɨŋ bɨ.»

Kɔl-gɨ-Ɗari gɨ Ja̰ wal 8:49

Jesu jɨga dɨbɨge cay nee yege hɨn̰: «Turnɔ di ɨsɨni unɔ kuduronɨ. Ama ɨŋ ay na cayi Banɨ daa, ama kɨŋ-gandi na, kɨŋ dɨbɨ na dasi canɨ.

1 Timote 6:5

dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.