Kɔl-gɨ-Ɗari gɨ Ja̰ wal 2:11 - Gabri Maja

¹¹ Hɨnga ga nee le, ma na hɨnga ga ɗɨn̰ cɨn̰-kɨɗɨn̰ ga cay wase ga Jesu lee. Ban lee na a Kana a cay gɨsəŋ ga Galile gaŋ. Ban gɨl gusoŋ-tɔgɛ koyi cɨn̰ kalaŋ, lee gɨ ka-aye-cay-tɨbayi beege kuduroyge cayi.

Kɔl-gɨ-Ɗari gɨ Ja̰ wal 2:11 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 1:43

Wan̰dodo dɨŋ ɨni na, Jesu ojɨ kuduroy gɨ ni ɔrɛ a cay gɨsəŋ ga Galile gaŋ. Ban wayi Pilib a te gɨyəŋ gɨŋ, bɨ ban yeyi hɨn̰: «Ɨre, kɨba karɨnɨ.»

Kɔl-gɨ-Ɗari gɨ Ja̰ wal 1:50

Jesu jɨga dɨbi cay nee yey hɨn̰: «Na kɨya yɔ gɨ ɨŋ yen̰ gɨ ɨŋ na solɨn̰ te tuguyɔŋ dɨŋ le ma, mɨn̰ been̰ kuduron̰ canɨ ga? Ayɨn̰ toy haw kɛ na, ji kɨya sɔlɛ-hɨnga ga gɨmdəŋ ɗɨn̰ ga nee le ƴee.»

Kɔl-gɨ-Ɗari gɨ Ja̰ wal 10:41

Kalaŋ kondɨ ɨrgage gusi bɨ, yege duroyge hɨn̰: «Ja̰ laa hɨnga ga ɗɨn̰ cɨn̰-kɨɗɨn̰ pɨna naŋ, ama kɔl nɔm gɨ ban ye ojɨn̰ cay ungo gɨ nee le, na kɔl gɨ cɨndi.»

Kɔl-gɨ-Ɗari gɨ Ja̰ wal 11:15

Bɨ gusɨnɨ mɔŋ kol caygɨŋ kɨya wa ɨŋ wɨya a cay tɨma da Lajar dɨŋ le naŋ, ɗe agɨŋ na been̰ kuduroygɨŋ canɨ. Ama haw kɛ na ɨranagɨŋ gusi.»

Kɔl-gɨ-Ɗari gɨ Ja̰ wal 11:47

Ɨni na, ka-cay ka-bɔgɛ kɨbar ga gɨmdəŋ bɨ, Parɨsɨn̰an̰əŋ bɨ, dayge cay ka-cay ka-bɔyɛ kɔl kage ga gɨmdəŋ daa bɨ, yege hɨn̰: «Kɛ, na kɨya lɔɔgɨŋ na mɨna ga? Kɨya wa ungo gɨ nee le, lee hɨnga ga ɗɨn̰ cɨn̰-kɨɗɨn̰ dan̰ kondiige.

Kɔl-gɨ-Ɗari gɨ Ja̰ wal 12:18

Dɨmdɨrdi kalaŋ ga ba ɨrgage a cay ƴaa-di-gumu di Jerusalɛm dɨŋ le, jege kol hɨnga ga ɗɨn̰ cɨn̰-kɨɗɨn̰ ga nee le bɨ sayge orge yale cɨndi.

Kɔl-gɨ-Ɗari gɨ Ja̰ wal 12:37

Jesu lee hɨnga ga ɗɨn̰ cɨn̰-kɨɗɨn̰ gɨɗaŋ duroy kalaŋ ga ni Jubɨn̰əŋ, ama naa hɨn̰ wo̰ kalɨn̰ ma, kan bɨgage kuduroyge cayi naŋ.

Kɔl-gɨ-Ɗari gɨ Ja̰ wal 12:41

Ijay ye kɔl gɨ nee le, kɨya gɨ ban sol gusoŋ-tɔgɛ gɨ da Jesu, lee gɨ ban ye koldi.

Kɔl-gɨ-Ɗari gɨ Ja̰ wal 14:13

Hɨnga nɔm ga kɨŋ ba kɨya ɨngɨre dan̰ gusoŋnɨ le, ɨŋ kɨya lɔɔ ɗe gɨ Kuroŋ Bayi wan̰ gusoŋ-tɔgɛ gusi kurondi.

Kɔl-gɨ-Ɗari gɨ Ja̰ wal 16:27

Kɨya wa Banɨ dan̰ gusi koyi gaŋ geygɨŋ. Kɨya wa kɨŋ-gandi kalɨn̰ ma kɨŋ geyəŋ bɨ, kɨŋ bee kuduroygɨŋ cay kɔl gɨ nee le, gɨ ɨŋ na sayga naa gusi Banɨ bɨ.

Kɔl-gɨ-Ɗari gɨ Ja̰ wal 16:30

Haw kɛ ni sol gɨ, ji sol hɨnga nɔm. Bɨ kɔl gɨ ungo ba ɨngɨrɨn̰ naŋ ƴee kalɨn̰ ma, ji sol ɨni bɨ. Na toy di hɨn̰ wo̰ ma, ni bee kuduroyni cay kɔl gɨ nee le gɨ ji na sayga naa gusi Kumu le.»

Kɔl-gɨ-Ɗari gɨ Ja̰ wal 2:1

Lee wɔlɛ sɨbɨ kardi nee ɨni na, gɔrɛ woy a cay ƴaa di Kana di woy a cay gɨsəŋ ga Galile gaŋ. Jesu ƴoyi woy danage nee bɨ.

Kɔl-gɨ-Ɗari gɨ Ja̰ wal 2:23

Duroy wɔlɛn̰əŋ ga ban somɨn̰ a cay ƴaa-di-gumu di Jerusalɛm dɨŋ kɨya loon̰ kɨdɨrɛ gɨ ni Pakɨ gɨ da Jubɨ le, kalaŋ kondɨ beege kuduroyge cay gusondi, kɨɗɨn̰ ga kan solge hɨnga ga ɗɨn̰ cɨn̰-kɨɗɨn̰ nɔm ga ban lee le.

Kɔl-gɨ-Ɗari gɨ Ja̰ wal 3:2

Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Kɔl-gɨ-Ɗari gɨ Ja̰ wal 4:3

Kɨɗɨn̰ ga Jesu sol gɨ Parɨsɨn̰an̰əŋ jege kɔl gɨ nee le na, ban sayi ɗe cay gɨsəŋ ga Jude bɨ, bɨlgɨ jɨga a cay gɨsəŋ ga Galile gaŋ.

Kɔl-gɨ-Ɗari gɨ Ja̰ wal 4:46

Kɨɗɨn̰di ga nee gaŋ le, Jesu bɨle jogɨ a cay ƴaa-di-gumu di Kana di woy a cay gɨsəŋ ga Galile gaŋ. Na a cay ƴaa-di-gumu di Kana le ma, Jesu lee gɨ kaŋ bɨləŋ cɛrɛ di suru le. Ba-gɨye gɨ gumu gɨ da kɨlma gɨ pɨna wo̰, som a cay ƴaa-di-gumu di Kapɛrnɔm dɨŋ. Kurondi gusi leeyi.

Kɔl-gɨ-Ɗari gɨ Ja̰ wal 4:54

Na ban ma na hɨnga ga ɗɨn̰ cɨn̰-kɨɗɨn̰ ga ni sɔɔdɨge ga Jesu lee. Ban lee na a cay gɨsəŋ ga Galile gaŋ, kɨɗɨn̰ ga ban san̰ a te cay gɨsəŋ ga Jude gaŋ le.

Kɔl-gɨ-Ɗari gɨ Ja̰ wal 5:23

ɗe gɨ kalaŋ nɔm been̰ge hurɔmɔ cay kuroŋ hɨn̰ gɨ kan ba been̰ge Kumu hurɔmɔ le. Ungo gɨ na dɨbɨn̰ kuroŋ hurɔmɔ naŋ na, kɨya dɨbɨn̰ Kɨye bayi gɨ gɨygɨn̰ dan̰ kuroŋ le hurɔmɔ naŋ bɨ.

Kɔl-gɨ-Ɗari gɨ Ja̰ wal 6:14

Kɨɗɨn̰ ga kalaŋ solge hɨnga ga ɗɨn̰ cɨn̰-kɨɗɨn̰ ga Jesu lee ɨni na, kan yege hɨn̰: «Leen̰ cɨndi ungo gɨ kɛ le, na ba-yɔɔ-kɔl-gɨ-Kumu-ba-yɔɔ, gɨ ba kɨya caga a cay gɨsəŋ gaŋ le.»

Kɔl-gɨ-Ɗari gɨ Ja̰ wal 6:2

Dɨmdɨrdi kalaŋ dan̰ kondiige kobɨge kardi, kɨya gɨ kan solge hɨnga ga ɗɨn̰ cɨn̰-kɨɗɨn̰ nɔm ga ban lee a cay ka-hɔmɨn̰ɛn̰əŋ.

Kɔl-gɨ-Ɗari gɨ Ja̰ wal 6:26

Jesu dɨbɨge cay nee yege hɨn̰: «Jagɨŋ ɨŋ yəgɨŋ na kɔl gɨ cɨndi, kɨŋ malaŋ na kɨya hɨnga ga ɗɨn̰ cɨn̰-kɨɗɨn̰ ga kɨŋ sol le naŋ, ama na kɨya cay mapa gɨ kɨŋ di sɨdɨldəŋ.

Kɔl-gɨ-Ɗari gɨ Ja̰ wal 6:30

Ɨni na, kan jɨgage dɨbiige cay nee yeyige hɨn̰: «Na wa ma na hɨnga ga ɗɨn̰ cɨn̰-kɨɗɨn̰ ga gɨl gɨ ji na waŋ ɗe ani sol pa dɨm ma, mani been̰ kuduroyni can̰ le ga? Kɛ na gɨye di wa ma mɨn̰ kɨya lɔɔ ga?

Kɔl-gɨ-Ɗari gɨ Ja̰ wal 7:31

Duroy dɨmdɨrdi kalaŋ le, kalaŋ kondɨwadɨge beege kuduroyge cayi, lee gɨ kan yege hɨn̰: «Kɛ kɨɗɨn̰ ga Kɨris ban gɨ Kumu dorii le kɨya caga na, ban kɨya lɔɔ hɨnga ga ɗɨn̰ cɨn̰-kɨɗɨn̰, ɗɨn̰ ga da ban gɨ ba lee kɛ le ga?»

Kɔl-gɨ-Ɗari gɨ Ja̰ wal 9:16

Duroy Parɨsɨn̰an̰əŋ le, ga pɨna say yege hɨn̰: «Ungo gɨ ba lee hɨnga ga nee le ban se na gusi Kumu naŋ. Kɨya wa ban bɨga kɔl a cay wɔlɛ kona gɨ ni dorɨn̰ gɨlale gɨ da Jubɨn̰əŋ gɨŋ naŋ.» Ama ga ɗaŋ yege hɨn̰: «Kɛ na mɨna ma ungo naa ba lɔɔ ɨsɨna na, gɨ orɨn̰ dan̰ dɔnɔ di ni leen̰ hɨnga ga ɗɨn̰ cɨn̰-kɨɗɨn̰ nɔm ga hɨn̰ wo̰ ga?» Na toyi di hɨn̰ wo̰ ma, say bɨle na te cuduroŋdɨge duroyge.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

1 Ja̰ 5:13

Ɨŋ wal kɔl nɔm gɨ kɛ le duroy magtubu dɨŋ bɨgɨŋ kɨŋ-gandi ga kɨŋ bee kuduroygɨŋ a cay Kurɨn̰-Kumu, ɗe agɨŋ na solɨn̰ gɨ kɨŋ na orɨn̰ dan̰ sɔmɛ-bɨra gɨ dan̰ tumoyi ɨni.