Kɔl-gɨ-Ɗari gɨ Ja̰ wal 18:4 - Gabri Maja

⁴ Jesu sol hɨnga nɔm ga ba kɨya andaŋ cayi le. Ban or ojɨge bɨ, ɨngɨrge yege hɨn̰: «Kɛ kɨŋ mal na waŋ ga?»

Kɔl-gɨ-Ɗari gɨ Ja̰ wal 18:4 ပူးပေါင်းရင်းမြစ်များ

Matɨyo 16:21

Jesu ay te yon̰ ka-aye-cay-tɨbayi boy tɨwado di nee dɨŋ le waŋ daa ye hɨn̰: «Na wa wa kalɨn̰ ma ɨŋ kɨya ɔrɛ Jerusalɛm, ɗe aŋ wan̰ cɨn̰-n̰age tɔgɨ kobɨ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kan kɨya dɨɗəŋge bɨ. Ama wɔlɛ sɨbɨdi gɨŋ na, ɨŋ kɨya bɔyɛ lɨbe.»

Matɨyo 26:2

Bɨ kan kɨya dɔbɛ Kurɨn̰-ungo kobɨ kalaŋ ɗe kan na gagɨliige a cay sɨya-gɨ-dagɨli gɨŋ.»

Matɨyo 26:21

Kɨɗɨn̰ ga kan somge diige dɔɔ na, Jesu yege hɨn̰: «Aŋ yəgɨŋ daa waŋ na cɨndi: Ungo pɨna duroygɨŋ kɨya aye canɨ bɨge.»

Matɨyo 26:31

Ɨni na, Jesu yen̰ ka-aye-cay-tɨbayi yege hɨn̰: «Duroy son̰do di labɨde dɨŋ kɛ le, kɨŋ-gandi nɔm hundɔrɔ kɨya bɔɔ toygɨŋ bɨ kɨŋ kɨya ɗɔŋ coŋ, kɨya wa walge duroy Magtubu di da Kumu dɨŋ yege hɨn̰: “Ɨŋ kɨya dɨɗe ba sɔlɛ kardi gamge, Ɨni na, kondɨwa gɨ da gamge kɨya busdoŋge pɨna pɨna daa.”

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 13:1

Tumoyi, wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ na, Jesu sol gɨ tɨwa toy ɓal. Na tɨwa di ban kɨya ɗen̰ cay gɨsəŋ bɨ, orɨn̰ gusi Bay le. Ban gɨ gey kalaŋ kayi ga a cay gɨsəŋ gaŋ le, geyge bɨrɨŋ dɨɗɨn̰ kɨbi.

Kɔl-gɨ-Ɗari gɨ Ja̰ wal 13:11

Kɨya wa ban sol ungo gɨ ba kɨya aye cayi bɨn̰ kalaŋ le. Na toy di hɨn̰ wo̰ ma, ban ye hɨn̰: «Kɨŋ arɨn̰a nɔm naŋ.»

Kɔl-gɨ-Ɗari gɨ Ja̰ wal 18:5

Kan dɨbiige cay nee yeyige hɨn̰: «Ni mal na Jesu gɨ Najarɛt.» Ban yege hɨn̰: «Na ɨŋ-bandi ba ɨre kɛ.» Judasɨ ba-aye cay Jesu le, ɨre danage nee bɨ.

Kɔl-gɨ-Ɗari gɨ Ja̰ wal 18:7

Ban ɨngɨrge ɗaŋ coŋ yege hɨn̰: «Kɨŋ mal na waŋ ga?» Kan dɨbiige cay nee yeyige hɨn̰: «Ni mal na Jesu gɨ Najarɛt.»

Kɔl-gɨ-Ɗari gɨ Ja̰ wal 19:28

Kardi nee, Jesu sol gɨ te hɨnga nɔm ayaŋ ɨni na, ban ye kɔl ɗe gɨ hɨnga ga kan ba walge duroy Magtubu di da Kumu dɨŋ le, na or kɨɗɨn̰dɨge gaŋ. Ban ye hɨn̰: «Gamase dəŋ.»

Kɔl-gɨ-Ɗari gɨ Ja̰ wal 6:64

Ama kan ga pɨna duroygɨŋ bɨgage kuduroyge canɨ naŋ.» Jesu yege hɨn̰ wo̰, na kɨya gɨ ayɨn̰ toy a te gɨye koyi gɨŋ le, ban sol kuduroyi ɨni, kan ga kɨya bɔgɛ kuduroyge cayi naŋ bɨ, sol ungo gɨ ba kɨya aye cayi bɨ.

Gɨye-lɔɔ 2:28

Ji gɨləŋ gɨyəŋ gɨ ni somɨn̰-bɨra dan̰ cɨnɨ bɨ, A tumon̰ le gusi-mɔwa kɨya ƴɔɔ gusɨnɨ nɔm nɔm nee bɨ.”

1 Pɨyɛr 4:1

Cɨn̰-n̰age di Kɨris way a kuyoŋdi-gusi gɨŋ le kɨŋ sol kuɗa. Na toy di hɨn̰ wo̰ ma kɨŋ-gandi kalɨn̰ ma, kɨŋ ɗa gɨ ɨrɨme gɨ hɨn̰ wo̰ woy caygɨŋ bɨ. Kɨya wa ungo gɨ way cɨn̰-gɨle-cɨn̰ a kuyoŋdi-gusi gɨŋ le, kan puyonge coŋ dan̰ ɨsɨna.