Kɔl-gɨ-Ɗari gɨ Ja̰ wal 18:37 - Gabri Maja

³⁷ Ɨni na, Piladɨ yeyi hɨn̰: «Hɨnga le, ji na kɨlma ga?» Jesu dɨbi cay nee yeyi hɨn̰: «Ji ba yɔ, ɨŋ na kɨlma. Wɔɔŋge bɨ, ɨŋ ɨrga a cay gɨsəŋ gaŋ bɨ, na kɨya lɔɔ tɨmon̰ a cay kɔl gɨ ɨŋ ba ye le.» Waŋ waŋ gɨ na gey kɔl gɨ cɨndi na, kɨya jɔɔ kɔl hɨnge.

Kɔl-gɨ-Ɗari gɨ Ja̰ wal 18:37 ပူးပေါင်းရင်းမြစ်များ

Matɨyo 26:64

Jesu dɨbii cay nee yeyi hɨn̰: «Ji-bandi ba yɔ dan̰ kɨbɨn̰ han̰. Ama aŋ yəgɨŋ kɔl gɨ ɗaŋ coŋ, ayɨn̰ toy haw kɛ na kɨŋ kɨya sɔlɛ Kurɨn̰-ungo le kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ di gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Matɨyo 27:11

Orɨn̰ge dan̰ Jesu tumoy ba-kɨbɨ kɨlma gɨ gumu. Ɨni na, ban ɨngɨrii ye hɨn̰: «Kɛ, ji na kɨlma gɨ da Jubɨn̰əŋ ga?» Ɨni na, Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Marg 14:62

Jesu dɨbii cay nee yeyi hɨn̰: «Əw, ɨŋ na ban, bɨ kɨŋ nɔm kɨŋ kɨya sɔlɛ Kurɨn̰-ungo sɔmɛ a cay kali di ni tɨrɨmbala dɨŋ kɨway Kumu ba dɔnɔ gɨ gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Marg 15:2

Ɨni na, Piladɨ ɨngɨrii hɨn̰: «Kɛ ji na kɨlma gɨ da Jubɨn̰əŋ le ga?» Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Kɔl-gɨ-Ɗari gɨ Lug wal 22:70

Kan nɔm yege hɨn̰: «Hɨn̰ wo̰ na, ji na Kurɨn̰-Kumu rɛ!» Ban dɨbɨge cay nee yege hɨn̰: «Kɨŋ gaŋ, ba yɔ dan̰ kɨbɨgɨŋ kogɨŋ hagɨŋ.»

Kɔl-gɨ-Ɗari gɨ Lug wal 23:3

Ɨni na, Piladɨ ɨngɨrii ye hɨn̰: «Kɛ, ji na kɨlma gɨ da Jubɨn̰əŋ le ga?» Jesu dɨbii cay nee yeyi hɨn̰: «Na ji-bandi ba yɔ dan̰ kɨbɨn̰ han̰.»

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 3:32

Ungo gɨ sayga gɨɗɨgɨ-Kumu gɨŋ gɨsɨngɨ dugo le, lee na tɨmon̰ di da hɨnga ga ban sol bɨ, je bɨ, ama ungo pɨna wo̰ ƴa kɔl-tɨmon̰ toyi di ban lee le naŋ.

Kɔl-gɨ-Ɗari gɨ Ja̰ wal 7:17

Hɨn̰ gɨ ungo gɨ ani ani gɨ na gey lɔɔ hɨnga ga kuduroy Kumu gey na, ban kɨya sɔlɛ kɛ hɨnga ga ɨŋ ba gɨlɨn̰ kalaŋ le, sayga na gusi Kumu wala, na gusɨnɨ ɨŋ-bandi ƴɔbɨ ga.

Kɔl-gɨ-Ɗari gɨ Ja̰ wal 8:14

Jesu jɨga dɨbɨge cay nee yege hɨn̰: «Hɨn̰ gɨ ɨŋ na laa tɨmon̰ dan̰ canɨ tɨnge kalɨn̰ ma, tɨmon̰ tɨnge di ɨŋ lee le, na gɨyəŋdo gɨŋ. Kɨya wa ɨŋ sol kɨɗɨn̰ ga ɨŋ saygan̰ nee bɨ, kɨɗɨn̰ ga ɨŋ kɨya orɨn̰ nee bɨ. Ama kɨŋ-gandi na, kɨŋ sɨla kɨɗɨn̰ ga ɨŋ saygan̰ nee gaŋ naŋ bɨ, kɨɗɨn̰ ga ɨŋ kɨya orɨn̰ nee gaŋ naŋ bɨ.

Kɔl-gɨ-Ɗari gɨ Ja̰ wal 8:45

Ama ɨŋ-bandi, ɨŋ ye na kɔl gɨ cɨndi. Na toy di hɨn̰ wo̰ ma, kɨŋ bɨga kuduroyigɨŋ canɨ naŋ.

Kɔl-gɨ-Ɗari gɨ Ja̰ wal 8:46

Na waŋ duroygɨŋ ba kɨya ɓale gɨləŋ ɨsɨna gɨ ɨŋ lee le ga? Hɨn̰ gɨ ɨŋ na yagɨŋ naa kɔl gɨ cɨndi na, na kɨya wa ma magɨŋ bɨga kuduroyigɨŋ canɨ naŋ ga?

Kɔl-gɨ-Ɗari gɨ Ja̰ wal 8:47

Ungo gɨ da Kumu le, je na kɔl gɨ da Kumu nɔm. Ama kɨŋ-gandi kɨŋ ja naŋ kɨya wa kɨŋ na ga da Kumu naŋ.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Ja̰ 2:21

Ɨŋ wal kɔl gɨ kɛ le bɨgɨŋ na kɨya sɔlɛ gɨ kɨŋ sɨla kɔl gɨ cɨndi le naŋ, naŋ. Ama ɨŋ wal kɔl bɨgɨŋ na kɨya gɨ kɨŋ sol kɔl gɨ cɨndi bɨ, kɨŋ sol duroyi hɨn̰ gɨ kɔl poy pɨna wo̰ na saa a gusi kɔl gɨ cɨndi gɨŋ naŋ bɨ.

1 Ja̰ 3:14

Na-gandi na solgɨŋ gɨ na andaŋgɨŋ a kobɨ tɨma dɨŋ coŋ, andɨn̰ a sɔmɛ-bɨra gɨŋ kɨya gɨ na gey karmiinagɨŋ ga ban̰aŋ dan̰ ga kandɨ. Waŋ waŋ gɨ na gey karmii ga ban̰aŋ dan̰ ga kandɨ naŋ na, ban baa na a te dɔnɔ di da tɨma dɨŋ ƴee.

1 Ja̰ 3:19

Hɨn̰ gɨ nana geygɨŋ karmiinagɨŋ ga ban̰aŋ dan̰ ga kandɨ na, na hɨn̰ wo̰ dɨm ma mana kɨya sɔlɛgɨŋ gɨ na naa kalaŋ ga da kɔl gɨ cɨndi. Dan̰ gɨyəŋ gɨ da ɨrɨme gɨ nee le na, ɗugoynagɨŋ kɨya bɔɔ po̰ dugo tumoy Kumu.

1 Ja̰ 4:6

Na-gandi na, nana ga da Kumu. Waŋ waŋ gɨ na sɨla Kumu na, kɨya jɔɔ kɔl kɨbɨnagɨŋ. Ama waŋ waŋ gɨ naa gɨ da Kumu naŋ na, kɨya jɔɔ kɔl kɨbɨnagɨŋ naŋ. Na dan̰ gɨyəŋ gɨ nee le ma mana kɨya solɨn̰gɨŋ turnɔ di da kɔl gɨ cɨndi bɨ, turnɔ di da kɔl gɨ ni poy bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 1:4

Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ.

Wasɨn̰a 3:14

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Lawdise. «Ban gɨ na Amɛn bɨ, ban gɨ na tɨmon̰ gɨ ɨre a cay tɨbayidɨŋ bɨ, ban gɨ na ungo gɨ hɨnde bɨ, ban gɨ danayi le Kumu ɗen̰ hɨnga nɔm bɨ, ye hɨn̰: