Kɔl-gɨ-Ɗari gɨ Ja̰ wal 18:36 - Gabri Maja

³⁶ Jesu dɨbi cay nee yeyi hɨn̰: «Dɔɔ-ƴaa tɨnge na dɔɔ-ƴaa di cay gɨsəŋ gaŋ kɛ naŋ. Hɨn̰ gɨ dɔɔ-ƴaa tɨnge ni naa dɔɔ-ƴaa di a cay gɨsəŋ gaŋ kɛ na, kalaŋ kange ni kɨya sɔge dɨbege wɔrɨn̰ɛ kol canɨ, narɨn̰ Jubɨn̰əŋ ƴɔmɔŋ coŋ. Ama haw kɛ dɔɔ-ƴaa tɨnge na dɔɔ-ƴaa di a cay gɨsəŋ gaŋ kɛ naŋ.»

Kɔl-gɨ-Ɗari gɨ Ja̰ wal 18:36 ပူးပေါင်းရင်းမြစ်များ

Matɨyo 26:53

Ji ɨrɨm gɨ ɨŋ na ɓala gɨ ni ɨngɨre Banɨ ɗe na gɨrəŋ daa naŋ ga? Hɨn̰ gɨ ɨŋ na ɨngɨrii na, kɔl gɨ kɨbɨna kɛ bɨ, ban kɨya gɨygɨn̰ dan̰ ka-ƴɔbɛ ga daa nii dubu-dubu dan̰ kondiige bɨ, toyge kɨya ɓale mɔjɨ-cayge-sɔɔ bɨ, kol canɨ.

Kɔl-gɨ-Ɗari gɨ Lug wal 12:14

Jesu dɨbii nee yeyi hɨn̰: «Ba-pogɨnɨ, na waŋ ba seŋ gɨ ɨŋ na ba-bɔyɛ duroy kɔl kogɨŋ wala, ba-gɔsɨnɛ hɨnga wɔɔdɨgɨŋ bɨ ga?»

Kɔl-gɨ-Ɗari gɨ Ja̰ wal 18:35

Piladɨ dɨbii cay nee yeyi hɨn̰: «Kɛ ɨŋ-bandi ɨŋ na Jubɨ ga? Na kan ga a te wɔɔ gɨ da kalaŋ kan̰ gaŋ bɨ, ka-cay ka-bɔgɛ kɨbar bɨ, ba dobɨn̰ge kɔbɔŋ. Kɛ ji laaga na wa ga?»

Kɔl-gɨ-Ɗari gɨ Ja̰ wal 6:15

Kɨɗɨn̰ ga Jesu sol gɨ kalaŋ malge-gɨyəŋ kɨya ƴomii dan̰ tɔgɨ si cay kali-tɨrɨmbala dɨŋ ɨni na, ban say dor gusi kan̰di hayi ɗaŋ coŋ a cay garma gɨŋ.

Kɔl-gɨ-Ɗari gɨ Ja̰ wal 8:15

Kɨŋ-gandi, kɨŋ boy kɔl na dan̰ gɨyəŋ gɨ da ɨrɨme gɨ da ungo. Ama Ɨŋ-bandi na, ɨŋ bɨya kɔl cay ungo pɨna naŋ

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee: