Kɔl-gɨ-Ɗari gɨ Ja̰ wal 18:20 - Gabri Maja

²⁰ Jesu dɨbi cay nee yeyi hɨn̰: «Ɨŋ ye kɔl hɨnge na cɨn̰ kalaŋ nɔm. Tumɔ, ɨŋ gɨlɨn̰ kalaŋ hɨnga daa daa na a duroy ƴaa-daye-di-da-Jubɨn̰əŋ nɔm bɨ, duroy gulɔŋ ƴaa-di-da-Kumu, di Jubɨn̰əŋ nɔm dayaŋge nee bɨ. Ɨŋ ya kɔl pɨna kɨɗɨn̰ wɔsɛ gaŋ naŋ.

Kɔl-gɨ-Ɗari gɨ Ja̰ wal 18:20 ပူးပေါင်းရင်းမြစ်များ

Matɨyo 24:26

«Hɨn̰ gɨ kan na yagɨŋge hɨn̰: “Sɨlagɨŋ ban gɨ Kumu dorii le, na caga ɨre duroy daldɨŋ” na, ɔrɛgɨŋ nee naŋ. Naŋ le kan na yagɨŋge hɨn̰: “Sɨlagɨŋ ban na caga wosɨ gusi ƴen̰” nee na, bɔgɛgɨŋ kuduroygɨŋ cay kɔl koge gɨŋ le naŋ.

Matɨyo 26:55

Kardi nee ɨni na, Jesu yen̰ dɨmdɨrdi kalaŋ yege hɨn̰: «Kɛ na kɨya wa ma, magɨŋ ɨrgan̰ dan̰ pəlɨmn̰əŋ bɨ dan̰ kɨlɛŋn̰əŋ kagɨŋ bɨ, kɨya ƴɔmɔŋ hɨn̰ gɨ ɨŋ naa ba-lɔɔ ɨsɨna wo̰ ga? Dan̰ wɔlɛ pɨna pɨna ɨŋ ɨre danagɨŋ duroy ƴaa-di-da-Kumu dɨŋ gɨlɨn̰ kalaŋ hɨnga, magɨŋ ƴɨmaŋ naŋ.

Matɨyo 26:65

Kɨɗɨn̰ ga nee le na, mangɨl gɨ da ka-cay ka-bɔgɛ kɨbar ƴom badɨge ga ni gusi sagɨ kḛḛw, bɨ ye hɨn̰: «Ban yagɨde na Kumu won̰ kɔ ɨni bɨ gaa! Kɛ, ni kɨya male na tɨmon̰ di mɨna coŋ ga? Yagɨde gɨ ban yagɨde Kumu le, kɨŋ je haw kɛ ɨni.»

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Matɨyo 9:35

Jesu gor a cay ƴaa ga gɨmdəŋ gɨmdəŋ gaŋ bɨ, cay karɨn̰ ƴaa ƴaa gaŋ bɨ. Ban gɨlɨn̰ kalaŋ hɨnga duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ da dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, ka-modoŋ nɔm bɨ.

Marg 8:32

Ban yege kɔl gɨ nee le pɨraŋ daa. Ɨni na, Pɨyɛr corii kan̰di bɨ ɗalii.

Kɔl-gɨ-Ɗari gɨ Lug wal 21:37

Dan̰ tɨwa di ɨni na, Jesu gɨlɨn̰ kalaŋ kɔl a duroy gulɔŋ ƴaa-di-da-Kumu dɨŋ, ama dan̰ borundo na, ban ordɨrde a cay garma gɨ kan teege Olibɨye gɨŋ sɔmɛ nee bɨrɨŋ jogɨɗu.

Kɔl-gɨ-Ɗari gɨ Lug wal 4:15

Ban gɨlɨn̰ kalaŋ hɨnga ga da Kumu a duroy ƴaa-daye-di-da-Jubɨn̰əŋ dɨŋ bɨ, kan nɔm hɨramiige bɨ.

Kɔl-gɨ-Ɗari gɨ Ja̰ wal 18:21

Kɛ ji ɨngɨrəŋ ɨŋ-bandi na kɨya wa ga? Kɔl gɨ ɨŋ ba ye le ɨngɨrɨn̰ kalaŋ ga ba jege kɔl hɨnge le: Kɔl gɨ ɨŋ ba ye le kan solge kuɗa.»

Kɔl-gɨ-Ɗari gɨ Ja̰ wal 6:59

Jesu ye kɔl gɨ nee le, na duroy ƴaa-daye-di-da-Jubɨn̰əŋ gaŋ a Kapɛrnɔm, kɨɗɨn̰ ga ban ɨre gɨlɨn̰ kalaŋ hɨnga nee.

Kɔl-gɨ-Ɗari gɨ Ja̰ wal 7:14

Kɨɗɨn̰ ga kan lee kɨdɨrɛ gɨ da dabaŋ gɨ da gur ɨrga duroy nee bɔb bɨ na, Jesu or duroy ƴaa-di-da-Kumu dɨŋ bɨ, ay te gɨlɨn̰ kalaŋ hɨnga.

Kɔl-gɨ-Ɗari gɨ Ja̰ wal 7:26

Sɨlagɨŋ, ban ɨre ye kɔl cɨn̰-tɨwa dɨŋ duroy kalaŋ, ama kan yage kɔl naŋ. Kɛ kan ka-dɔɔ cayna le solge leen̰ cɨndi gɨ ban na, Kɨris ban gɨ Kumu dorii le hay ga?

Kɔl-gɨ-Ɗari gɨ Ja̰ wal 7:28

Na toy di hɨn̰ wo̰ ma, kɨɗɨn̰ ga Jesu ɨre gɨlɨn̰ kalaŋ hɨnga a duroy ƴaa-di-da-Kumu dɨŋ na, ban ye dan̰ tumoyi di daa pəŋ pəŋ ye hɨn̰: «Kɨŋ sɔlɔŋ bɨ! Kɨɗɨn̰ ga ɨŋ saygan̰ nee le, kɨŋ sol nee bɨ ga? Naŋ! Na ɨŋ-bandi ba ɨrga dan̰ cay gusɨnɨ hɨnge naŋ. Ama ban gɨ ba gɨygɨŋ le, na ungo gɨ ba-yɔɔ kɔl gɨ cɨndi, kɨŋ sɨlayi naŋ.

Kɔl-gɨ-Ɗari gɨ Ja̰ wal 7:4

Hɨn̰ gɨ ungo na gey gɨ gusondi na ya na, ban kɨya lɔɔ hɨnga na kɨɗɨn̰ wɔsɛ gaŋ naŋ. Ji na gey lɔɔ gɨye nɔm gɨ hɨn̰ wo̰ na, kuɗa gɨ Ji ɨra gɨle gusɨn̰ kon̰ ɗe kalaŋ nɔm solɨn̰ge.»

Kɔl-gɨ-Ɗari gɨ Ja̰ wal 8:2

Ɗaŋdo dan̰ te jogɨɗu cururu na, ban jogɨ duroy ƴaa-di-da-Kumu dɨŋ. Bɨ kalaŋ nɔm ɨrgage gusi ɨni na, ban som dugo bɨ ay te gɨlge hɨnga.

Kɔl-gɨ-Ɗari gɨ Ja̰ wal 8:26

Gɨ ojɨ caygɨŋ kɨŋ-gandi na, ɨŋ orɨn̰ dan̰ kɔl kondɨ gɨ ni yɔ bɨ, bɔyɛ nee bɨ. Ama ban gɨ ba gɨyigəŋ le, na ba yɔ kɔl gɨ cɨndi bɨ, na hɨnga ga ɨŋ ba je koldɨge a gusii le ma maŋ yen̰ kalaŋ ga a cay gɨsəŋ gaŋ.

Gɨye-lɔɔ 26:26

Kɨlma Agɨripa sol hɨnga ga nee le, lee gɨ ɨŋ ɓal dɔrɛ koldi tumon̰ dɨle hundɔrɔ. Bɨ ɨŋ sol leen̰ cɨndi gɨ hɨnga ga nee le nɔm ban sol. Kɨya wa na hɨnga ga laa gusɨge a kɨɗɨn̰ ga wosi gaŋ naŋ.