Kɔl-gɨ-Ɗari gɨ Ja̰ wal 17:6 - Gabri Maja

⁶ Kalaŋ ga ji ba torge duroy kalaŋ ga cay gɨsəŋ gaŋ bəŋ le, ɨŋ lee gɨ kan solge gusondɨn̰. Kan na kan̰ tumɔ ma man̰ bəŋ danage: Kɔl kon̰ le kan ayge leen̰ge gɨye.

Kɔl-gɨ-Ɗari gɨ Ja̰ wal 17:6 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 12:28

Golgo gɨ ni yɔ hɨn̰: Banɨ, dɨbɨ gusoŋ-tɔgɛ a cay gusondɨn̰.» Ɨni na, noy ungo sayga daa nii ye hɨn̰: «Ɨŋ dɨbɨ gusoŋ-tɔgɛ cay gusoŋnɨ ɨni bɨ, ɨŋ kɨya dɨbe cay gusoŋnɨ nee coŋ.»

Kɔl-gɨ-Ɗari gɨ Ja̰ wal 15:19

Tumɔ kɨŋ ni naa kalaŋ kage na, kan ni kɨya geygɨŋge, kɨya wa kɨŋ na kage. Ama kɨŋ na kalaŋ kage naŋ, kɨya wa ɨŋ torgɨŋ na duroyge. Na toy di hɨn̰ wo̰ ma, kan ƴomgɨŋge dan̰ kuduroyge.

Kɔl-gɨ-Ɗari gɨ Ja̰ wal 15:3

Ama haw kɛ na, kɔl gɨ ɨŋ ba yəgɨŋ le n̰angɨŋ ɨni.

Kɔl-gɨ-Ɗari gɨ Ja̰ wal 15:7

Hɨn̰ gɨ kɨŋ na bugoŋ pɨna danaŋ bɨ, kɔl hɨnge nɔm na bugoŋ pɨna danagɨŋ bɨ na, ɨngɨrgɨŋ hɨnga ga kuduroygɨŋ gey ƴɔbɨ, kɨŋ kɨya wɔɔ.

Kɔl-gɨ-Ɗari gɨ Ja̰ wal 17:12

Kɨɗɨn̰ ga ɨŋ baa danage le, ɨŋ gamge dan̰ dɔnɔ di da gusondɨn̰ di ji bəŋ. Ɨŋ gɨre cayge bɨ, ungo pɨna duroyge kayaŋ naŋ bɨ. Ama na ban gɨ gaɗ gaɗ kɨya kayaŋ le ƴɔbɨ. Ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰di gaŋ.

Kɔl-gɨ-Ɗari gɨ Ja̰ wal 17:14

Ɨŋ bɨge kɔl kon̰, ama kalaŋ ga cay gɨsəŋ gaŋ ƴomgege dan̰ kuduroyge. Kɨya wa kan na kalaŋ kage naŋ, hɨn̰ gɨ ɨŋ-bandi kalɨn̰ ma ɨŋ na koge naŋ bɨ.

Kɔl-gɨ-Ɗari gɨ Ja̰ wal 17:16

Kan na kalaŋ ga a cay gɨsəŋ gaŋ naŋ, hɨn̰ gɨ ɨŋ-bandi kalɨn̰ ma, ɨŋ na ungo koge gɨ a cay gɨsəŋ gaŋ naŋ bɨ.

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Kɔl-gɨ-Ɗari gɨ Ja̰ wal 17:26

Ɨŋ lee gɨ kan solɨn̰ge bɨ, ɨŋ kɨya jɔgɛ lɔɔ ɗe kan solɨn̰ge gɨɗaŋ nee coŋ. Ɗe gɨ geye gɨ ji ba geyəŋ le, kan kalɨn̰ ma na geyge kamdɨge hɨn̰ wo̰ bɨ, ɗe gɨ aŋ woy kuduroyge bɨ.

Kɔl-gɨ-Ɗari gɨ Ja̰ wal 17:7

Haw kɛ, kan solge gɨ hɨnga nɔm ga ji bəŋ le, na sayga naa gusɨn̰.

Kɔl-gɨ-Ɗari gɨ Ja̰ wal 18:9

Jesu ye hɨn̰ wo̰, na ɗe kɔl gɨ ban ba ye tumɔ hɨn̰: «Kan ga Banɨ ba bəŋ danage le, ungo pɨna nɛŋ kalɨn̰ ma kayaŋ naŋ» le, ɗe na or kɨɗɨn̰di gaŋ.

Kɔl-gɨ-Ɗari gɨ Ja̰ wal 6:37

Kalaŋ nɔm ga Banɨ ba bəŋ danage le, kɨya ɨrgage gusɨnɨ. Bɨ ungo gɨ na ɨre gusɨnɨ le, ɨŋ kɨya jibi sɛdɨ coŋ naŋ bɨrɨŋ.

Kɔl-gɨ-Ɗari gɨ Ja̰ wal 6:39

Kuduroy-geye gɨ da ban gɨ ba gɨyigəŋ le, na gɨ ɨŋ na gɨ kaye ungo pɨna duroy kan ga ban ba bəŋ danage le naŋ. Ama na gɨ ɨŋ na bɨyage lɨbɨ a wɔlɛ kagadi gɨŋ.

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Kɔl-gɨ-Ɗari gɨ Ja̰ wal 8:52

Ɨni na, Jubɨn̰əŋ yeyige hɨn̰: «Haw kɛ na, ni sol gɨ turnɔ di ɨsɨni woy a kuduron̰. Abɨraham ma bɨ, ka-yɔɔ-kɔl-gɨ-Kumu-ba-yɔɔ kalɨn̰ ma mage bɨ, ama ji-bandi ji ye haw kɛ hɨn̰: “Hɨn̰ gɨ ungo na aya kɔl hɨnge laan̰ gɨye na, tɨma na kɨya cɨlii naŋ bɨrɨŋ”.

Gɨye-lɔɔ 13:48

Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Magtubu di Pol wal bɨn̰ kalaŋ ga Rɔm 11:2

Kumu ɗa te kalaŋ kayi ga ban torge tumɔ ɓɨrag hayi le coŋ naŋ. Kɛ kɔl gɨ walge a duroy Magtubu di da Kumu dɨŋ ojɨn̰ cay ba-yɔɔ-kɔl-gɨ-Kumu-ba-yɔɔ Eli le, kɨŋ hal gɨybəŋ cay nee ga? A kɨɗɨn̰di ga pɨna gaŋ na, ban yen̰ kɔl Kumu bɨ, ɨlɨn̰ gusi a cay te wɨn̰je gɨ da Ɨsɨrayɛl tumoy Kumu. Eli ɨle gusi ye hɨn̰:

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

2 Timote 1:13

Ji je kɔl gɨ cɨndi danaŋ: Aya laan̰ hɨnga ga ni dɔrɛ an̰ leen̰ gɨye, dan̰ aye kudurɔ bɨ, geye bɨ, gɨ ni ba orɨn̰ dan̰ gɨyəŋ gɨ da bugoŋ pɨna dan̰ Jesu-Kɨris le.

Əbɨro 2:12

Na cɨndi, Jesu ye hɨn̰: «Ɨŋ kɨya andɨn̰ dan̰ gusondɨn̰ tumoy karmɨnɨ bɨ, Ɨŋ kɨya hɨramɨn̰ duroy Ka-Daye gaŋ bɨ.»

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.