Kɔl-gɨ-Ɗari gɨ Ja̰ wal 17:26 - Gabri Maja

²⁶ Ɨŋ lee gɨ kan solɨn̰ge bɨ, ɨŋ kɨya jɔgɛ lɔɔ ɗe kan solɨn̰ge gɨɗaŋ nee coŋ. Ɗe gɨ geye gɨ ji ba geyəŋ le, kan kalɨn̰ ma na geyge kamdɨge hɨn̰ wo̰ bɨ, ɗe gɨ aŋ woy kuduroyge bɨ.

Kɔl-gɨ-Ɗari gɨ Ja̰ wal 17:26 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 14:20

A boy wɔlɛdi gɨ nee gɨŋ le, kɨŋ kɨya sɔlɛ gɨ ɨŋ na woy a kuduroy Banɨ bɨ, kɨŋ kalɨn̰ ma kɨŋ na woy a kuduronɨ bɨ, ɨŋ na woy a kuduroygɨŋ bɨ.

Kɔl-gɨ-Ɗari gɨ Ja̰ wal 14:23

Jesu dɨbi cay nee yeyi hɨn̰: «Hɨn̰ gɨ ungo na geyəŋ na, ban kɨya aye kɔl hɨnge leen̰ gɨye bɨ. Banɨ kɨya geyi bɨ, ni kɨya ɨrga gusi, Banɨ bɨ ɨŋ-bandi bɨ, ni kɨya sɔmɛ ƴaa danayi bɨ.»

Kɔl-gɨ-Ɗari gɨ Ja̰ wal 15:15

Ɨŋ kɨya togɨgɨŋ marɨne ka-gɨye naŋ bɨrɨŋ ɨni. Kɨya wa marɨna ba gɨye le, sɨla gɨye-lɔɔ gɨ da ba-gulondi naŋ. Ama ɨŋ tegɨŋ na ka-pogɨn̰ɨnɨ, kɨya gɨ hɨnga nɔm ga ɨŋ je koldɨge gusi Banɨ le, ɨŋ wɨsa cayge dugo danagɨŋ naŋ.

Kɔl-gɨ-Ɗari gɨ Ja̰ wal 15:4

Bugoŋgɨŋ pɨna danaŋ hɨn̰ gɨ ɨŋ ba bugoŋ pɨna danagɨŋ wo̰ bɨ. Kobɨ hɨyadi suru kɨya wɔɔ karɨndi cay gusi naŋ. Ama kɨya wɔɔ karɨndi na kɨɗɨn̰ ga ban na bugoŋ pɨna dan̰ hɨyadi suru dɨm. Hɨn̰ wo̰ na kɨŋ kalɨn̰ ma, kɨŋ na bugoŋ pɨna danaŋ naŋ na, kɨŋ kɨya wɔyɛ na hɨn̰ hɨyadi suru gɨ ɓala wɔɔ karɨndi cay gusi naŋ wo̰ bɨ.

Kɔl-gɨ-Ɗari gɨ Ja̰ wal 15:9

Hɨn̰ gɨ Banɨ ba geyəŋ ɓɨragɨ ɓɨragɨ le, ɨŋ-bandi kalɨn̰ ma ɨŋ geygɨŋ bɨ. Sɨmagɨŋ duroy geye hɨnge gɨŋ.

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Kɔl-gɨ-Ɗari gɨ Ja̰ wal 17:6

Kalaŋ ga ji ba torge duroy kalaŋ ga cay gɨsəŋ gaŋ bəŋ le, ɨŋ lee gɨ kan solge gusondɨn̰. Kan na kan̰ tumɔ ma man̰ bəŋ danage: Kɔl kon̰ le kan ayge leen̰ge gɨye.

Kɔl-gɨ-Ɗari gɨ Ja̰ wal 17:8

Kɨya wa ɨŋ-bandi, ɨŋ bɨge kɔl nɔm gɨ ji ba bəŋ le, kan ƴeege bɨ, solge leen̰ cɨndi gɨ ɨŋ na sayga naa gusɨn̰ bɨ. Kan beege kuduroyge cay kɔl gɨ nee le, gɨ ji na ba gɨyigəŋ.

Kɔl-gɨ-Ɗari gɨ Ja̰ wal 6:56

Ungo gɨ na da kuyoŋnɨ bɨ, sa kɨbarnɨ bɨ na, ban bugoŋ pɨna danaŋ bɨ, ɨŋ bugoŋ pɨna danayi bɨ.

Kɔl-gɨ-Ɗari gɨ Ja̰ wal 8:50

Ɨŋ mala na mɨlawe gɨ ojɨ canɨ naŋ. Ama ungo gɨ pɨna wo̰ woy nee gɨ malii kol canɨ, ban kɨya bɔyɛ kɔl bɨ.

Magtubu di Pol wal bɨn̰ kalaŋ ga Rɔm 8:10

Ama hɨn̰ gɨ Kɨris na wɨya a ɗugoygɨŋ na, kuyoŋdi-gusɨgɨŋ na hɨnga ga da tɨma kɨya cay ɨsɨna, ama Turnɔ di da Kumu bɨgɨŋ sɔmɛ-bɨra kɨya wa kɨŋ na kalaŋ ga Kumu bɨlgɨŋ leen̰ kalaŋ ga dan̰ durɔ ɗɨngar.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 12:12

Kɨŋ sol gɨ kuyoŋdi-gusɨna na pɨna hayi ama kɨway kondɨ. Bɨ kɨway gusɨna ga kondi na dayaŋge daa na bɨləŋge na kuyoŋdi-gusu gɨ pɨna ƴɔbɨ. Woy gɨlɨn̰ na hɨn̰ wo̰ bɨ kɨya cay Kɨris.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Epɛs 1:6

Ɗe gɨ ana na hɨramii kɨya cay gusoŋ-tɔgɛ koyi bɨ, kɨya cay ɗarwa di gumu di ban lee danana kɨya cay bugoŋ gɨ na bugoŋ pɨna dan̰ kurondi, ungo gɨ ban lee-toy tɔgɨ.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Epɛs 5:30

Waŋ waŋ kalɨn̰ ma a duroyna na kɨway kuyoŋdi-gusi.

Epɛs 5:32

Kɔl gɨ kɛ le na kɔl gɨ gumu gɨ woy kɨɗɨn̰ wɔsɛdi gaŋ. Bɨ ɨŋ sol gɨ kɔl gɨ nee le yege ojɨ na cay Kɨris dan̰ Ka-Daye.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 2:10

Kɨŋ way hɨnga ga nee le ɓadɨldɨn̰ a gusi Kɨris, hɨnga ga wɨygɨŋ unɔ. Kɨris na ba cay ka-dɔɔ-ƴaa nɔm bɨ, na ba cay ka-dɔnɔn̰əŋ nɔm bɨ.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

Əbɨro 2:12

Na cɨndi, Jesu ye hɨn̰: «Ɨŋ kɨya andɨn̰ dan̰ gusondɨn̰ tumoy karmɨnɨ bɨ, Ɨŋ kɨya hɨramɨn̰ duroy Ka-Daye gaŋ bɨ.»

1 Ja̰ 3:24

Waŋ waŋ gɨ na gama te tumɔn̰əŋ kayi na, ban bugoŋ pɨna dan̰ Kumu dan̰ wɔlɛ pɨna pɨna bɨ, Kumu bugoŋ pɨna danayi bɨ. Hɨnga ga gɨl gɨ Kumu na bugoŋ pɨna dananagɨŋ dan̰ wɔlɛ pɨna pɨna le, na Turnoyi di ban ɗoo som kuduroynagɨŋ.