Kɔl-gɨ-Ɗari gɨ Ja̰ wal 17:25 - Gabri Maja

²⁵ Ay Banɨ, ji gɨ dan̰ durɔ ɗɨngar. Kalaŋ ga cay gɨsəŋ gaŋ sɨlan̰ge naŋ. Ama ɨŋ-bandi ɨŋ solɨn̰ bɨ, kan ga ba kɛ solge gɨ ji na ba gɨyigəŋ bɨ.

Kɔl-gɨ-Ɗari gɨ Ja̰ wal 17:25 ပူးပေါင်းရင်းမြစ်များ

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 16:16

Simo Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii, Kurɨn̰-Kumu gɨ som dan̰ cɨndi le.»

Kɔl-gɨ-Ɗari gɨ Lug wal 10:22

Ɨni na, ban yen̰ kalaŋ ga ba ɨrege nee le, yege hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ Ɨŋ dorii pa dɨm ma maŋ kɨya gɨlii Banɨ, ɗe ban na solii ƴee.»

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 10:15

Hɨn̰ gɨ Banɨ ba sɔlɔŋ bɨ, ɨŋ-bandi, ɨŋ ba solii bɨ le, lee gɨ ɨŋ ay gusɨnɨ dɨbɨ coŋ kɨya gamge kange.

Kɔl-gɨ-Ɗari gɨ Ja̰ wal 15:21

Ama hɨnga ga nee le nɔm, kan kɨya ləgɨŋge na kɨya cay gusoŋnɨ. Kɨya wa kan sɨlage ban gɨ ba gɨyigəŋ le naŋ.

Kɔl-gɨ-Ɗari gɨ Ja̰ wal 16:27

Kɨya wa Banɨ dan̰ gusi koyi gaŋ geygɨŋ. Kɨya wa kɨŋ-gandi kalɨn̰ ma kɨŋ geyəŋ bɨ, kɨŋ bee kuduroygɨŋ cay kɔl gɨ nee le, gɨ ɨŋ na sayga naa gusi Banɨ bɨ.

Kɔl-gɨ-Ɗari gɨ Ja̰ wal 16:3

Kan kɨya lɔɔ hɨn̰ wo̰, na kɨya gɨ kan sɨlage Banɨ naŋ bɨ, sɨlaŋge ɨŋ-bandi naŋ bɨ.

Kɔl-gɨ-Ɗari gɨ Ja̰ wal 16:30

Haw kɛ ni sol gɨ, ji sol hɨnga nɔm. Bɨ kɔl gɨ ungo ba ɨngɨrɨn̰ naŋ ƴee kalɨn̰ ma, ji sol ɨni bɨ. Na toy di hɨn̰ wo̰ ma, ni bee kuduroyni cay kɔl gɨ nee le gɨ ji na sayga naa gusi Kumu le.»

Kɔl-gɨ-Ɗari gɨ Ja̰ wal 17:11

Haw kɛ na ɨŋ na gɨ cay gɨsəŋ gaŋ kɛ naŋ ɨni, ɨŋ kɨya jɔgɛ gusɨn̰, ama kan na, kɨya bɔɔge a cay gɨsəŋ gaŋ. Banɨ, ji gɨ ji woy dan̰ cɨndɨn̰, kalaŋ ga ji ba bəŋ danage le, ji gamage dan̰ dɔnɔ di da gusondɨn̰. Ɗe kan bugoŋge pɨna hɨn̰ gɨ na-gandi na ba bugoŋ pɨna wo̰ bɨ.

Kɔl-gɨ-Ɗari gɨ Ja̰ wal 17:18

Ɨŋ gɨyge duroy kalaŋ ga a cay gɨsəŋ gaŋ, hɨn̰ gɨ ji ba gɨyigəŋ tumɔ duroy kalaŋ ga a cay gɨsəŋ gaŋ bɨ.

Kɔl-gɨ-Ɗari gɨ Ja̰ wal 17:21

Ɗe kan nɔm bugoŋge pɨna. Hɨn̰ gɨ ji-bandi Banɨ, ji ba woy kuduronɨ bɨ, ɨŋ ba woy kuduron̰ bɨ le. Ɗe kan kalɨn̰ ma woyge kuduroyna bɨ. Ɗe kalaŋ ga cay gɨsəŋ gaŋ been̰ge kuduroyge cay kɔl gɨ nee le, gɨ ji naa ba gɨyigəŋ.

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 17:8

Kɨya wa ɨŋ-bandi, ɨŋ bɨge kɔl nɔm gɨ ji ba bəŋ le, kan ƴeege bɨ, solge leen̰ cɨndi gɨ ɨŋ na sayga naa gusɨn̰ bɨ. Kan beege kuduroyge cay kɔl gɨ nee le, gɨ ji na ba gɨyigəŋ.

Kɔl-gɨ-Ɗari gɨ Ja̰ wal 3:17

Kumu gɨygɨn̰ dan̰ kurondi a cay gɨsəŋ gaŋ, na kɨya bɔyɛ kɔl cay kalaŋ naŋ, ama na ɗe gɨ kalaŋ na wayan̰ pɔɗɛ kol cayi.

Kɔl-gɨ-Ɗari gɨ Ja̰ wal 6:19

Kan haɗɨge kaŋ ɓal kɨlomɛdɨr bay naŋ le jii pa dɨm ma, kan solge Jesu te ɔrɛ cay kaŋdi kuray gɨ gumu taa taa gɨŋ, ɨrgan̰ mɨnde gusi koburo gɨ gumu gɨŋ. Lee gɨ hundɔrɔ leege.

Kɔl-gɨ-Ɗari gɨ Ja̰ wal 7:29

Ɨŋ-bandi na, ɨŋ solii kɨya gɨ ɨŋ sayga na gusi bɨ, na ban ba gɨyigəŋ bɨ.»

Kɔl-gɨ-Ɗari gɨ Ja̰ wal 8:19

Kan sayge yeyige hɨn̰: «Kɛ, Ban̰i kon̰ le woy na a ani ga?» Jesu jɨga dɨbɨge cay nee yege hɨn̰: «Kɨŋ sɨlaŋ naŋ bɨ, kɨŋ sɨla Banɨ naŋ nee bɨ. Hɨn̰ gɨ kɨŋ ni na sɨlaŋ na, kɨŋ ni kɨya sɔlɛ Banɨ bɨ.»

Kɔl-gɨ-Ɗari gɨ Ja̰ wal 8:55

Kɨŋ na, kɨŋ sɨlayi naŋ, ama ɨŋ-bandi na, ɨŋ solii. Hɨn̰ gɨ ɨŋ na ya gɨ ɨŋ na sɨlayi naŋ na, ɨŋ na ba-poyi hɨn̰ kɨŋ wo̰ bɨ. Ama ɨŋ solii bɨ, ɨŋ ay kɔl koyi leen̰ gɨye bɨ.

Gɨye-lɔɔ 17:23

Kɨya wa kɨɗɨn̰ ga ɨŋ gor a cay ƴaa togɨŋ di gumu dɨŋ na, ɨŋ sol kɨɗɨn̰ ga kɨŋ n̰ɨrɨn̰ hɨnga nee bɨ, ɨŋ or bɨrɨŋ wɔɔ kɨɗɨn̰ n̰ɨre hɨnga kagɨŋ ga pɨna wo̰, ga kan walge kɔl gɨ kɛ le cay nee yege hɨn̰: “Na kɨya cay kumu gɨ pɨna wo̰, gɨ ni sɨlay naŋ.” Kuɗa! Hɨnga ga kɨŋ n̰ɨrge dɨle solge le, na ban ma maŋ ɨrga kɨya tɔgɛ bɛrnɛdɨge bɨgɨŋ.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 3:11

«Ungo pɨna wo̰ gɨ ba sɔlɛ-hɨnga unɔ, Ungo pɨna wo̰ gɨ ba male Kumu unɔ.

Magtubu di Pol wal bɨn̰ kalaŋ ga Rɔm 3:26

ban dɨbɨ ɗugoyi. Ama haw kɛ na, dan̰ gɨyəŋ gɨ da bɔgɛ kɨbar gɨ nee le, ban gɨl gɨ ɗi na lee hɨnga naa dan̰ gɨyəŋdɨge bɨ, ban gusi kalɨn̰ ma ban naa ungo gɨ dan̰ durɔ ɗɨngar bɨ, ba bɨle kalaŋ nɔm ga beege kuduroyge a cay Jesu, leen̰ kalaŋ ga dan̰ durɔ ɗɨngar a cɨndi bɨ.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 15:34

Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

Əbɨro 8:11

Ungo pɨna duroyge gɨ kɨya gɨlɨn̰ mɨgayi Gɨ a cay gɨsəŋ kay gaŋ wala kurɨndi yon̰ hɨn̰: Tɨraba sɔlɛ Ba-gulɔŋ kɨya unɔ, Kɨya wa kan nɔm kɨya sɔlɔŋge, Ayɨn̰ toy a cay karɨn̰aŋ ga n̰ən̰əŋ bɨrɨŋ, Andɨn̰ a cay kalaŋ ga gɨmdəŋ.

1 Ja̰ 1:9

Kumu na ungo gɨ ɨre a cay gasɨndi gaŋ bɨ, na ungo gɨ dan̰ durɔ ɗɨngar bɨ. Hɨn̰ gɨ na na yagɨŋ te ɨsɨna konagɨŋ daa pɨraŋ na, ban kɨya ɗɔɔ kuduroy jalɨwa cay ɨsɨna konagɨŋ gɨŋ bɨ, kɨya dornagɨŋ mɨra te ɨsɨna konagɨŋ gɨŋ nɔm bɨ.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 16:5

Ɨni na, ɨŋ je noy ba-ƴɔbɛ gɨ daa nii gɨ orɨn̰ dan̰ dɔnɔ a cay kaŋ gaŋ le ye hɨn̰: «Ay ji-bandi Kumu ba-wɔyɛ dan̰ cɨndɨn̰, ji som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ. Ji gɨl gɨ ji naa ba bɔyɛ kɔl gɨ dan̰ durɔ ɗɨngar bɨ.