Kɔl-gɨ-Ɗari gɨ Ja̰ wal 17:22 - Gabri Maja

²² Ɨŋ-bandi ɨŋ bɨge gusoŋ-tɔgɛ gɨ ji ba bəŋ. Ɗe kan na bugoŋge pɨna hɨn̰ gɨ na ba bugoŋ pɨna bɨ le.

Kɔl-gɨ-Ɗari gɨ Ja̰ wal 17:22 ပူးပေါင်းရင်းမြစ်များ

Marg 6:7

Jesu te ka-aye-cay-tɨbayi ga mɔjɨ-cayge-sɔɔ gusii bɨ gɨyge sɔɔ sɔɔ. Ban bɨge dɔnɔ a cay turnɔ ga ɨsɨndəŋ.

Kɔl-gɨ-Ɗari gɨ Lug wal 22:30

Na toy di hɨn̰ wo̰ ma, kɨŋ kɨya dɔɔ bɨ, sɔɔ bɨ a kɨbɨ hɨnga ga ni dɔɔ gɨŋ a boy dɔɔ-ƴaa tɨnge dɨŋ. Bɨ kɨŋ kɨya somɨn̰ a cay kali-tɨrɨmbala dɨŋ bon̰ kɔl a cay te wɨn̰je ga mɔjɨ-cayge-sɔɔ ga Ɨsɨrayɛl.»

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:16

Hɨnga wɔɔdi ga ɗɨn̰ cɨn̰-kɨɗɨn̰ le, ni-gandi nɔm ni way kani ga ojɨ cayni, na kɨya cay ɗarwa toyi di say cay mɨga dɨŋ nee nee bɨ.

Kɔl-gɨ-Ɗari gɨ Ja̰ wal 14:20

A boy wɔlɛdi gɨ nee gɨŋ le, kɨŋ kɨya sɔlɛ gɨ ɨŋ na woy a kuduroy Banɨ bɨ, kɨŋ kalɨn̰ ma kɨŋ na woy a kuduronɨ bɨ, ɨŋ na woy a kuduroygɨŋ bɨ.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

Magtubu di Pol wal bɨn̰ kalaŋ ga Rɔm 8:30

Kalaŋ ga Kumu ojɨ ɗe na gɨlɨn̰ge dan̰ Kurondi wo̰ le, ban teege bɨ. Kalaŋ ga ban teege le, ban bɨlge leen̰ ga dan̰ durɔ ɗɨngar bɨ. Kalaŋ ga ban bɨlge leen̰ ga dan̰ durɔ ɗɨngar le, ban bɨge gusoŋ-tɔgɛ koyi bɨ.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Epɛs 2:20

Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

1 Ja̰ 3:24

Waŋ waŋ gɨ na gama te tumɔn̰əŋ kayi na, ban bugoŋ pɨna dan̰ Kumu dan̰ wɔlɛ pɨna pɨna bɨ, Kumu bugoŋ pɨna danayi bɨ. Hɨnga ga gɨl gɨ Kumu na bugoŋ pɨna dananagɨŋ dan̰ wɔlɛ pɨna pɨna le, na Turnoyi di ban ɗoo som kuduroynagɨŋ.

1 Ja̰ 4:17

Na hɨn̰ wo̰ ma, a wɔlɛ gɨ ni bon̰ kɔl gɨŋ le, na kɨya hundɔrɔgɨŋ naŋ. Kɨya wa geye gɨ da Kumu duroŋ dan̰ durɔ cɨrɛɗ gusɨnagɨŋ bɨ, na orgɨŋ a cay gɨsəŋ gaŋ kɛ, gɨlɨn̰ na hɨn̰ gɨ da Jesu-Kɨris wo̰ bɨ.

Wasɨn̰a 21:14

Bɨrɨm gɨ da cay ƴaa-di-gumu le, orɨn̰ dan̰ tɨbayi mɔjɨ-cayge-sɔɔ. Walge guson̰ ka-gɨre-gɨye ga mɔjɨ-cayge-sɔɔ ga da Kurɨn̰-dɨmangɨ le cay nee pɨna pɨna nɔm.