Kɔl-gɨ-Ɗari gɨ Ja̰ wal 17:19 - Gabri Maja

¹⁹ Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Kɔl-gɨ-Ɗari gɨ Ja̰ wal 17:19 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 10:36

Banɨ ba dɔrɔŋ gɨyigəŋ a cay gɨsəŋ gaŋ. Na mɨna ma magɨŋ yəŋ gɨ ɨŋ na yagɨde naa Kumu, kɨya gɨ ɨŋ ye gɨ ɨŋ naa Kurɨn̰-Kumu le ga?

Kɔl-gɨ-Ɗari gɨ Ja̰ wal 15:13

Geye gɨ gumu ɗɨn̰ geye gɨ ungo gey ka-pogɨn̰ii bɨrɨŋ ɗen̰ gusi bɨn̰ tɨma le unɔ.

Kɔl-gɨ-Ɗari gɨ Ja̰ wal 15:3

Ama haw kɛ na, kɔl gɨ ɨŋ ba yəgɨŋ le n̰angɨŋ ɨni.

Kɔl-gɨ-Ɗari gɨ Ja̰ wal 17:17

Dɨrage sige dan̰ cɨndɨge, dan̰ gɨyəŋ gɨ da kɔl gɨ cɨndi. Kɔl kon̰ na kɔl gɨ cɨndi.

Kɔl-gɨ-Ɗari gɨ Ja̰ wal 17:20

Ɨŋ olɨn̰ na kɨya cayge kan ɗɔ ƴɔbɨ naŋ, ama na kɨya cay kan ga ba kɨya bɔgɛge kuduroyge canɨ dan̰ gɨyəŋ gɨ da kɔl gɨ kan kɨya yɔɔ ojɨn̰ canɨ bɨ.

1 Korɛ̰t 1:2

Ni wal magtubu di kɛ le gɨyɨn̰ bɨn̰ na Ka-Daye ga da Kumu ga somge a cay ƴaa di Korɛ̰t bɨ, bɨn̰ kan ga woyge dan̰ cɨndɨge dan̰ bugoŋ pɨna dan̰ Jesu-Kɨris bɨ, bɨn̰ kalaŋ nɔm ga Kumu teege te gɨyəŋ koyi gɨŋ ɗe na bɨləŋge kalaŋ ga woyge dan̰ cɨndɨge dan̰ kalaŋ nɔm ga olge Kumu a kɨɗɨn̰ gaŋ nɔm dan̰ guson̰ Ba-gulɔŋ Jesu-Kɨris, ban gɨ na Ba-gulondɨge bɨ, Ba-gulondɨna bɨ le.

2 Korɛ̰t 4:15

Hɨnga nɔm ga ba andaŋ cayni le na kol caygɨŋ, ɗe ɗarwa di da Kumu andaŋ gusi kondɨwadi kalaŋ jɨn̰ tumɔ tumɔ. Hɨn̰ wo̰ na kondɨwadi kalaŋ kɨya loon̰ge Kumu ho’o bɨ, dɨbege gusoŋ-tɔgɛ cayi bɨ.

2 Korɛ̰t 7:14

Kɨŋ lee gɨ canɨ ayaŋ daa kɨɗɨn̰ ga ɨŋ ba yen̰ Titɨ kɔldɨgɨŋ, kɔl hɨnge gɨ nee le daŋ dasi naŋ. Hɨn̰ gɨ kɔl nɔm gɨ ni ba yəgɨŋ naa cɨndi na, kɔl nɔm gɨ ɨŋ ba ye kol caygɨŋ tumoy Titɨ kalɨn̰ ma bɨle na gɨ cɨndi bɨ.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

1 Tesalonigɨ 4:7

Na cɨndi, Kumu tɨgani na gɨ ni na laa naa hɨnga ga ni dasi naŋ, ama ɗe gɨ ni na wɨya naa kalaŋ ga gɨye-lɔɔdɨge woy dan̰ cɨndi.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

Əbɨro 2:11

Jesu ba dorɨn̰ kalaŋ mɨra te ɨsɨna koge gɨŋ bɨ, kan ga ban dorge mɨra te ɨsɨna koge gɨŋ bɨ le, kan nɔm toge dɨŋ bayge na pɨna. Na toy di hɨn̰ wo̰ ma, dasi dayi di ni togɨge karmii ga ban̰aŋ dan̰ ga kandɨ naŋ.

Əbɨro 9:13

Tumɔ kalaŋ ga mɨdagɨdaŋge tumoyi Kumu le, kan dorge mɨra na dan̰ wɨje gɨ da kɨbardi kuga bɨ, si gɨ bara bɨ, bundudi si di tama di ulge bɨ.

Əbɨro 9:18

Na toy di hɨn̰ wo̰ ma, saɗe kɨbɨ pɨna ɓɨse gusu gɨ cay wase le, beege kɨbar dugo pa dɨm ma ayge te loon̰ gɨye ƴee.

Əbɨro 9:26

Hɨn̰ gɨ na wɨya naa hɨn̰ wo̰ na, ayɨn̰ toy gɨ Kumu ɗen̰ gɨɗɨgɨ-Kumu bɨ, cay gɨsəŋ bɨ bɨrɨŋ gɨsɨn̰ haw kɛ le, ojɨ gɨ Kɨris ni kɨya sɔlɛ cɨn̰-gɨle-cɨn̰ tɨba nee nee. Ama haw kɛ gɨ na kagadi wɔlɛ le, ban ɨrga gɨl-cɨn̰ na cay pɨna ƴɔbɨ. Kɨya mondɨn̰ ɨsɨna coŋ dan̰ gɨyəŋ gɨ da gusi koyi gɨ ban ay been̰ kɨbar le.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.