Kɔl-gɨ-Ɗari gɨ Ja̰ wal 17:17 - Gabri Maja

¹⁷ Dɨrage sige dan̰ cɨndɨge, dan̰ gɨyəŋ gɨ da kɔl gɨ cɨndi. Kɔl kon̰ na kɔl gɨ cɨndi.

Kɔl-gɨ-Ɗari gɨ Ja̰ wal 17:17 ပူးပေါင်းရင်းမြစ်များ

Kɔl-gɨ-Ɗari gɨ Lug wal 8:11

«Sɨlagɨŋ te kɨradi-kɔl le ba kɛ: Gasi gɨse le na kɔl gɨ da Kumu.

Kɔl-gɨ-Ɗari gɨ Lug wal 8:15

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

Kɔl-gɨ-Ɗari gɨ Ja̰ wal 15:3

Ama haw kɛ na, kɔl gɨ ɨŋ ba yəgɨŋ le n̰angɨŋ ɨni.

Kɔl-gɨ-Ɗari gɨ Ja̰ wal 17:19

Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Kɔl-gɨ-Ɗari gɨ Ja̰ wal 8:32

Hɨn̰ wo̰ na, kɨŋ kɨya sɔlɛ kɔl gɨ cɨndi gɨ ojɨ cay Kumu bɨ, kɔl gɨ cɨndi kɨya lɔɔ gɨ kɨŋ kɨya bɨləŋ kalaŋ ga ka-sɔmɛ cayge kalɨn̰ bɨ.»

Kɔl-gɨ-Ɗari gɨ Ja̰ wal 8:40

Sɨlagɨŋ haw kɛ, kɨŋ mal gɨyəŋ gɨ ni dɨɗəŋ, ɨŋ-bandi gɨ ba yəgɨŋ kɔl gɨ cɨndi gɨ ɨŋ je gusi Kumu le. Hɨnga ga nee le Abɨraham laa naŋ.

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

Epɛs 4:21

Na cɨndi, kɔl gɨ da Kɨris lee kɨŋ je bɨ, dan̰ te bugoŋ pɨna kogɨŋ danayi le, kɨŋ tɨrabɨ kɔl gɨ cɨndi, kɨya gɨ kɔl gɨ cɨndi woy na gusi Jesu.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

2 Tesalonigɨ 2:13

Ama, kɨŋ-gandi karmɨni ga ban̰aŋ dan̰ ga kandɨ ga Ba-gulɔŋ geygɨŋ le, ojɨ gɨ ni na laan̰ Kumu ho’o jɨn̰ tumɔ tumɔ kol caygɨŋ. Kɨya wa Kumu torgɨŋ na tumɔ pa dɨm ma sɨn̰ cay gɨsəŋ ƴee ɗe gɨ ay na poɗɨgɨŋ dan̰ gɨyəŋ gɨ da Turnoyi di sɨgɨŋ dan̰ cɨndɨgɨŋ bɨ, dan̰ gɨyəŋ gɨ da aye kudurɔ bɨn̰ kɔl gɨ cɨndi bɨ.

Magtubu di Jag wal 1:21

Na toy di hɨn̰ wo̰ ma, ɗagɨŋ hɨnga ga lee kɨni nɔm coŋ bɨ, hɨnga ga ni kuduroy-ɨndɨwa nɔm coŋ bɨ. Ama kɔl gɨ Kumu ba gɨsɨ kuduroygɨŋ le, ƴaygɨŋ dan̰ kaledɨgɨŋ ga jali. Kɨya wa kɔl gɨ nee le, orɨn̰ dan̰ dɔnɔ di ni poɗɨn̰ turnoygɨŋ.