Kɔl-gɨ-Ɗari gɨ Ja̰ wal 16:7 - Gabri Maja

⁷ Ama ɨŋ yəgɨŋ na kɔl gɨ cɨndi: Hɨn̰ gɨ ɨŋ na ɨra na, kɨya kuɗa kol caygɨŋ. Kɨya wa ɨŋ na ɨra naŋ na, Ba-ƴɔɔ caygɨŋ kɨya ɨrga waygɨŋ naŋ. Ama hɨn̰ gɨ ɨŋ na ɨra na, ɨŋ kɨya gɨygɨn̰ danayi bɨgɨŋ.

Kɔl-gɨ-Ɗari gɨ Ja̰ wal 16:7 ပူးပေါင်းရင်းမြစ်များ

Kɔl-gɨ-Ɗari gɨ Lug wal 24:49

Sɨlagɨŋ! Ɨŋ-bandi, ɨŋ kɨya gɨygɨn̰ dan̰ hɨnga ga Banɨ ba ye gɨ ɗi na kɨya lɔɔ bɨgɨŋ le. Ama kɨŋ-gandi na, kɨŋ sɨma cay ƴaa-di-gumu dɨŋ kɛ, bɨrɨŋ gɨ ɗe dɔnɔ di da Kumu gɨsɨn caygɨŋ.»

Kɔl-gɨ-Ɗari gɨ Lug wal 4:25

Ho’o! Jɨne a boy wɔlɛ gɨ da ba-yɔɔ-kɔl-gɨ-Kumu-ba-yɔɔ Eli ban̰ nee le, Kumu unga naŋ a Ɨsɨrayɛl ɓal ɨlge sɨbɨ-dan̰-kɨdɨrɛ-jii ɗe badɨra baa. A boy wɔlɛdi gɨ nee gɨŋ le, kandɨ ga kodɨn̰ige ma kondɨge a Ɨsɨrayɛl, geyge ungo gɨ ba jɨbe toyge,

Kɔl-gɨ-Ɗari gɨ Lug wal 9:27

Aŋ yəgɨŋ na cɨndi: Kalaŋ ga pɨna duroy kalaŋ ga ba ɨrege kɛ le, ga pɨna kɨya sɔlɛge dɔɔ-ƴaa di da Kumu dan̰ tɨdɨge pa dɨm ma kɨya marege ƴee.»

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 14:28

Kɨŋ je gɨ ɨŋ yəgɨŋ hɨn̰: «Ɨŋ kɨya ɔrɛ bɨ, ɨŋ kɨya bɨlgɨ jɨga gusɨgɨŋ bɨ.» Hɨn̰ gɨ kɨŋ na geyəŋ na, gusɨgɨŋ kɨya moogɨŋ kɨya ɔrɛ hɨnge gɨ gusi Banɨ, kɨya wa Banɨ na, gumu ɗəŋ coŋ.

Kɔl-gɨ-Ɗari gɨ Ja̰ wal 14:3

Kɨɗɨn̰ ga ɨŋ na ɨra n̰ana kɨɗɨn̰ kɨya caygɨŋ ɨni na, ɨŋ kɨya bɨlgɨ jɨga kɨya lobgɨŋ gusɨnɨ, ɗe agɨŋ somɨn̰ kɨɗɨn̰ ga ɨŋ somɨn̰ nee gaŋ bɨ.

Kɔl-gɨ-Ɗari gɨ Ja̰ wal 15:26

«Kɨɗɨn̰ ga ɨŋ kɨya bugoŋ gusi Banɨ na, ɨŋ kɨya gɨygɨn̰ dan̰ Ba-ƴɔɔ caygɨŋ gɨ kɨya sayga na gusi Banɨ. Turnɔ di da kɔl gɨ cɨndi le, andɨgaŋ na gusi Banɨ. Kɨɗɨn̰ ga Ban kɨya bugoŋ na, Ban kɨya lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 16:8

Kɨɗɨn̰ ga ban na bugoŋ ɨni na, ban kɨya lɔɔ gɨ cɨn̰ kalaŋ ga cay gɨsəŋ gaŋ kɨya hangaŋ cay ɨsɨna gɨŋ bɨ, cay gɨye-lɔɔ gɨ dan̰ durɔ ɗɨngar bɨ, cay bɔyɛ kɔl gɨ da Kumu bɨ.

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

Gɨye-lɔɔ 10:34

Ɨni na, Pɨyɛr haŋgɨ kɨbi bɨ ye hɨn̰: «Haw kɛ na, ɨŋ sol leen̰ cɨndi gɨ Kumu dɨra cɨn̰ ungo naŋ ɨni.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.