Kɔl-gɨ-Ɗari gɨ Ja̰ wal 16:33 - Gabri Maja

³³ Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Kɔl-gɨ-Ɗari gɨ Ja̰ wal 16:33 ပူးပေါင်းရင်းမြစ်များ

Matɨyo 9:2

Bɨ ga ma, kalaŋ ga pɨna wo̰, ɨrgan̰ge dan̰ ba-mɨraye gɨ pɨna wo̰, gɨ dɨbiige a cay gasɨlaŋ-jala gaŋ. Kɨɗɨn̰ ga Jesu sol aye kudurɔ koge na, yen̰ ba-mɨraye le hɨn̰: «Kuronɨ, haya kuduron̰, ɨsɨnan̰əŋ kan̰ duroŋ can̰ coŋ ɨni.»

Kɔl-gɨ-Ɗari gɨ Lug wal 19:38

Kan yege hɨn̰: «Tɔrɛ-kɨbɨ wɨya kɨya cay kɨlma, Gɨ ɨrga dan̰ guson̰ Ba-gulɔŋ. Gusi-dɔbɛ wɨya kɨya cay kalaŋ ga a daa nii bɨ, Gusoŋ-tɔgɛ na gɨ da Kumu gɨ a daa gɨɗɨgɨ-Kumu gɨŋ bɨ.»

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 14:1

Jesu yen̰ ka-aye-cay-tɨbayi hɨn̰: «Ɗɔɔgɨŋ ɗugoygɨŋ algɨŋ naŋ, bɨgagɨŋ kuduroygɨŋ cay Kumu bɨ, bɨgagɨŋ kuduroygɨŋ canɨ nee bɨ.

Kɔl-gɨ-Ɗari gɨ Ja̰ wal 14:27

Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Kɔl-gɨ-Ɗari gɨ Ja̰ wal 16:11

Ama gɨ ojɨ cay bɔyɛ kɔl na, na kɨya gɨ boyge kɔl cay kɨlma gɨ a cay gɨsəŋ gaŋ ɨni bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 23:11

Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»

Gɨye-lɔɔ 27:22

Ama haw kɛ na, ɨŋ olgɨŋ gɨ kɨŋ ƴɨma kuduroygɨŋ usa, kɨya wa ungo pɨna duroygɨŋ kɨya mare naŋ bɨ, na koburo gɨ gumu taa taa le ba kɨya mundoŋ kan̰di hayi ƴɔbɨ.

Gɨye-lɔɔ 27:25

Ƴɨmagɨŋ kuduroygɨŋ usa! Ka-pogɨn̰ɨnɨ, ɨŋ bee kuduronɨ cay Kumu: Kɨya wɔyɛ na hɨn̰ gɨ Kumu ba yəŋ le.

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

2 Korɛ̰t 1:3

Kuɗa gɨ na hɨram Kumu, Ba-gulondɨna Jesu-Kɨris Bayi, ban na kɨye Bayi gɨ ba sɔlɛ cɨn̰-n̰age bɨ, ban na Kumu gɨ ba jale ɗugoy kalaŋ duroy hɨnga nɔm gaŋ bɨ.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

2 Korɛ̰t 2:14

Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

2 Korɛ̰t 4:7

Ama na-gandi ga na kojɨ kandi-wɔɔ ga nee le, na woy gɨlɨn̰ na hɨn̰ pɨray gun̰u wo̰, ɗe kalaŋ solɨn̰ gɨ dɔnɔ di ɗɨn̰ cɨn̰-kɨɗɨn̰ di ni ba leen̰ gɨye le, na sayga na gusi Kumu wala naa gusɨni ni-gandi naŋ.

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

2 Korɛ̰t 7:4

Ɨŋ ye kɔldɨgɨŋ daa daa dan̰ gusi-mɔwa. Gusɨnɨ mɔŋ kol caygɨŋ gɨɗaŋ. Kɨŋ dobɨ bandɨ kuduronɨ dan̰ bandɨ di ɗɨn̰ cɨn̰-kɨɗɨn̰. Ɨŋ orɨn̰ dan̰ gusi-mɔwa a duroy hɨnga ga ni dɔsɛ-ɗugɔ kani nɔm ga ni ba way le.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Pilib 4:7

Ɨni na, Kumu kɨya bɨgɨŋ gusi-dɔbɛ gɨ ɗɨn̰ ɨrɨme kɔl gɨ da kalaŋ. Gusi-dɔbɛ gɨ nee le ba kɨya game ɗugoygɨŋ bɨ, ɨrɨmedɨgɨŋ bɨ, a te bugoŋ pɨna dan̰ Jesu-Kɨris.

Kɔlɔs 1:20

Ɗe hɨnga nɔm ga gɨɗɨgɨ-Kumu gaŋ bɨ, Ga cay gɨsəŋ gaŋ bɨ, Jɨga bugoŋge pɨna danayi, Dan̰ gɨyəŋ gɨ da kurondi bɨ. Na dan̰ gɨyəŋ gɨ da kɨbardi kurondi, Gɨ bugoŋ dugo a cay sɨya-gɨ-dagɨli gɨŋ, Le ma gusi-dɔbɛ woy.

1 Tesalonigɨ 3:4

Lee gɨ kɨɗɨn̰ ga ni ba ban̰ duroygɨŋ ƴee le, ni ni yəgɨŋ tumɔ gɨ hɨnga ga ni gɨle-cɨn̰ na kɨya loogɨŋ. Na hɨnga ga nee le ba lɔɔ gusɨge, lee gɨ kɨŋ sol kuɗa.

1 Tesalonigɨ 3:7

Lee gɨ, karmɨnɨ ga ban̰aŋ dan̰ ga kandɨ, aye kudurɔ kogɨŋ dobɨ bandɨ kuduroyni duroy hɨnga ga bɨrɨn̰e cayni gaŋ bɨ, hɨnga ga ni gɨwase kani gaŋ bɨ.

2 Tesalonigɨ 3:16

Kuɗa gɨ Ba-gulɔŋ gɨ ba gusi-dɔbɛ bɨgɨŋ gusi-dɔbɛ dan̰ tɨwa nɔm bɨ, boy hɨnga nɔm bɨ. Kuɗa gɨ Ba-gulɔŋ baa danagɨŋ nɔm.

2 Timote 3:12

Na cɨndi, kalaŋ nɔm ga geyge lɔɔ hɨnga ga bugoŋ pɨna dan̰ ga Kumu gey le, dan̰ te bugoŋ koge dan̰ Jesu-Kɨris na, kan kɨya dɨbɨge cɨn̰-gɨle-cɨn̰ bɨ.

Əbɨro 11:25

Ama ban ojɨ gɨ ni wɔɔ tabɨ dan̰ te kalaŋ ga da Kumu, ɗɨn̰ gɨ ni lɔɔ gusi-mɔwa di kardo sɨngɨɗɨ naŋ duroy sɔmɛ-bɨra duroy ɨsɨna gɨŋ.

Əbɨro 7:2

Ɨni na, Abɨraham dor kɨbɨ hɨnga pɨna duroy hɨnga ga mɔjɨ gɨ da hɨnga nɔm ga ban lobɨ a kɨmbɨl gɨŋ le bii. Gusoŋ gɨ ni Mɛlgisedɛg le, duroy gɨ cay wase na «kɨlma gɨ da hɨnga ga dan̰ durɔ ɗɨngar.» Bɨ kardi nee ban na kɨlma gɨ a cay ƴaa di Salɛm dɨŋ nee coŋ, duroy na «kɨlma gɨ da gusi-dɔbɛ.»

1 Pɨyɛr 5:9

Ɨrgɨŋ usa a te aye kudurɔ gɨŋ bɨ, dɨrsɨdɨgɨŋ toygɨŋ dugo ɨrɨn̰ cɨn̰ haban̰. Sɨlagɨŋ hɨn̰ gɨ karmɨgɨŋ ga ban̰aŋ dan̰ ga kandɨ ga sugudoŋge a cay gɨsəŋ gaŋ le, somge na a duroy tabɨ di pɨnaa dɨŋ hɨn̰ togɨŋ wo̰ bɨ.

1 Ja̰ 2:13

Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag. Ay, marɨne, ɨŋ wal kɔl gɨ kɛ le bɨgɨŋ: Kɨŋ boy-kɨmbɨl cay Haban̰ Ba-lɔɔ ɨsɨna.»

1 Ja̰ 4:4

Ay, karɨnɨ kange, kɨŋ na ga da Kumu, kɨŋ boy-kɨmbɨl a cay ka-yɔɔ-kɔl-gɨ-Kumu-ba-yɔɔ ga cɨndi naŋ le ɨni, kɨya gɨ ban gɨ som a kuduroygɨŋ le, gumu ɗɨn̰ ban gɨ som a cay gɨsəŋ gaŋ.

1 Ja̰ 5:4

Ho’o, waŋ waŋ gɨ naa kurɨn̰ Kumu na, orɨn̰ dan̰ dɔnɔ di ni bon̰-kɨmbɨl a cay dɔnɔ di a cay gɨsəŋ gaŋ. Bɨ dɔnɔ di na ba bon̰ kɨmbɨl a cay dɔnɔ ga cay gɨsəŋ gaŋ le, sayga na gusi aye kudurɔ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.