Kɔl-gɨ-Ɗari gɨ Ja̰ wal 16:23 - Gabri Maja

²³ «Wɔlɛdi gɨ nee le, kɨŋ kɨya jɔgɛ ɨngɨrəŋ duroy kɔl pɨna wo̰ naŋ ɨni. Jagɨŋ, aŋ yəgɨŋ daa waŋ na cɨndi, hɨn̰ gɨ kɨŋ na ɨngɨrɨn̰ Banɨ hɨnga dan̰ gusoŋnɨ na, ban kɨya bɨgɨŋ.

Kɔl-gɨ-Ɗari gɨ Ja̰ wal 16:23 ပူးပေါင်းရင်းမြစ်များ

Matɨyo 21:22

Hɨnga nɔm ga kɨŋ olɨn̰ Kumu le, naa dan̰ aye kudurɔ na kɨŋ kɨya wɔɔ hagɨŋ.»

Matɨyo 7:7

«Ɨngɨrgɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kan kɨya bɨgɨŋ, malagɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kɨŋ kɨya wɔɔ, dɨgagɨŋ kɨbɨ-ƴaa cɨndɨgɨŋ tumɔ tumɔ na, kan kɨya hangege bɨgɨŋ.

Kɔl-gɨ-Ɗari gɨ Ja̰ wal 14:20

A boy wɔlɛdi gɨ nee gɨŋ le, kɨŋ kɨya sɔlɛ gɨ ɨŋ na woy a kuduroy Banɨ bɨ, kɨŋ kalɨn̰ ma kɨŋ na woy a kuduronɨ bɨ, ɨŋ na woy a kuduroygɨŋ bɨ.

Kɔl-gɨ-Ɗari gɨ Ja̰ wal 14:22

Judasɨ, gɨ na Judasɨ Isikarɨyɔt naŋ, yeyi hɨn̰: «Ba-gulɔŋ, lee na mɨna ma ji kɨya gɨlni gusɨn̰ bɨ, ji kɨya gɨlɨn̰ kalaŋ ga a cay gɨsəŋ gaŋ gusɨn̰ naŋ ga?»

Kɔl-gɨ-Ɗari gɨ Ja̰ wal 14:5

Tomas yeyi hɨn̰: «Ba-gulɔŋ, ni sɨla kɨɗɨn̰ ga ji orɨn̰ jɨn̰ nee gaŋ le naŋ. Na mɨna ma mani kɨya sɔlɛ gɨyəŋdɨge ga?»

Kɔl-gɨ-Ɗari gɨ Ja̰ wal 15:7

Hɨn̰ gɨ kɨŋ na bugoŋ pɨna danaŋ bɨ, kɔl hɨnge nɔm na bugoŋ pɨna danagɨŋ bɨ na, ɨngɨrgɨŋ hɨnga ga kuduroygɨŋ gey ƴɔbɨ, kɨŋ kɨya wɔɔ.

Kɔl-gɨ-Ɗari gɨ Ja̰ wal 16:19

Jesu ba sol gɨ kan geyge ɨngɨri kɔl ɨni na, ban yege hɨn̰: «Kɛ kɨŋ mal na gɨ ni sɔlɛ duroy kɔl gɨ ɨŋ ba yəgɨŋ hɨn̰: Lam wo̰ nee na kɨŋ kɨya sɔlɔŋ dan̰ cɨndɨgɨŋ naŋ ɨni bɨ, lam wo̰ kardi nee na kɨŋ kɨya jɔgɛ sɔlɔŋ dan̰ cɨndɨgɨŋ le ga?

Kɔl-gɨ-Ɗari gɨ Ja̰ wal 16:26

Boy wɔlɛdi gɨ nee le, kɨŋ kɨya ɨngɨre hɨnga na dan̰ gusoŋnɨ. Ama ɨŋ-bandi ɨŋ yagɨŋ gɨ ɨŋ na kɨya olɨn̰ Banɨ hɨnga kɔl caygɨŋ naŋ ɨni.

Kɔl-gɨ-Ɗari gɨ Ja̰ wal 16:30

Haw kɛ ni sol gɨ, ji sol hɨnga nɔm. Bɨ kɔl gɨ ungo ba ɨngɨrɨn̰ naŋ ƴee kalɨn̰ ma, ji sol ɨni bɨ. Na toy di hɨn̰ wo̰ ma, ni bee kuduroyni cay kɔl gɨ nee le gɨ ji na sayga naa gusi Kumu le.»

Epɛs 2:18

Kɨya cay hɨnga ga Kɨris lee le, na-gandi ga toyna na Jubɨ bɨ, ga toyna na Jubɨ naŋ bɨ, na orɨn̰gɨŋ dan̰ gɨyəŋ gɨ ni ɨrga mɨnde gusi Bayna Kumu, dan̰ gɨyəŋ gɨ da Turnoyi.

1 Ja̰ 2:1

Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.