Kɔl-gɨ-Ɗari gɨ Ja̰ wal 16:20 - Gabri Maja

²⁰ Jagɨŋ, aŋ yəgɨŋ daa waŋ na cɨndi, kɨŋ kɨya ɨle bɨ, kɨŋ kɨya ɨle gusɨgɨŋ bɨ. Ama kalaŋ ga a cay gɨsəŋ gaŋ na kɨya sɔmɛge na duroy gusi-mɔwa dɨŋ. Kɨŋ-gandi, kɨŋ kɨya gɨle-cɨn̰ ama gɨle-cɨn̰ togɨŋ kɨya bɨle gusi-mɔwa.

Kɔl-gɨ-Ɗari gɨ Ja̰ wal 16:20 ပူးပေါင်းရင်းမြစ်များ

Matɨyo 21:38

Ama, kɨɗɨn̰ ga ka-yage suru le solge kurondi le ɨni na, kan yen̰ge gusɨge kɔl duroyge yen̰ge hɨn̰: “Ban gɨ kɛ le, na ba bɨle ba-gulɔŋ yagedi suru le wɔlɛ gɨ ɗaŋ gɨŋ! Ɨrenagɨŋ, ana dɨɗiigɨŋ coŋ, ana boɗɨn̰gɨŋ hɨnga ga ni ban̰di-gulɔŋ le.”

Matɨyo 5:4

Tumoy wolwa woy kol caygɨŋ, kɨŋ ga kaledɨgɨŋ jal, Kɨya wa ban kɨya bɨgɨŋ cay gɨsəŋ!

Marg 14:72

Kɨɗɨn̰di ga nee gaŋ le bɨ kuɗa al kokorɨyo ko gɨ ni cay sɔɔdi. Bɨ Pɨyɛr kuduroy hɨn a cay kɔl gɨ tumɔ Jesu ba yeyi hɨn̰: «Ji kɨya man̰e kɨbɨn̰ yɔɔ gɨ ji na sɨlaŋ naŋ can̰ sɨbɨ pa dɨm ma kuɗa kɨya ale cayi sɔɔ kokorɨyo ko ƴee.» Ɨni na, Pɨyɛr say andaŋ pɨla doŋ bɨ ɨle.

Marg 16:10

Mari or dɔrɛ koldi bɨn̰ kan ga tumɔ somge dan̰ Jesu. Kan somge duroy n̰age dɨŋ bɨ, ɨle gɨŋ bɨ kol cayi.

Kɔl-gɨ-Ɗari gɨ Lug wal 22:45

Kɨɗɨn̰ ga Jesu ol Kumu ɨni na, Ban say or gusi ka-aye-cay-tɨbayi. Bɨ wayge cay kuŋ gaŋ. Kɨya wa na cɨn̰-kula ba ɗɨn̰ cayge.

Kɔl-gɨ-Ɗari gɨ Lug wal 22:62

Pɨyɛr andaŋ doŋ bɨ ɨle sudɔb sudɔb.

Kɔl-gɨ-Ɗari gɨ Lug wal 23:27

Dɨmdɨrdi kalaŋ ga somge cay ƴaa di nee dɨŋ le, kobɨge kardi Jesu. A duroyge kandɨ ga pɨna, ɨlege kol cayi ten̰ge kuduroyge.

Kɔl-gɨ-Ɗari gɨ Lug wal 24:17

Jesu yege hɨn̰: «Na koldi wa ma magɨŋ ar dan̰ gusɨgɨŋ orɨn̰ daa daa wo̰ ga?» Ɨni na, kan jɨbɨge ɨrege dugo dan̰ cɨn̰-n̰age.

Kɔl-gɨ-Ɗari gɨ Lug wal 24:21

Ni-gandi tumɔ ni ɨrɨm hɨn̰ gɨ ban naa ungo gɨ ba-dɔrɛ te wɨn̰je gɨ da Ɨsɨrayɛl dɨboo daa wo̰. Ama wɨya hɨn̰ wo̰ naŋ. Bɨ haw kɛ, ɓal wɔlɛ sɨbɨ gɨ hɨnga ga nee le lee gusɨge.

Kɔl-gɨ-Ɗari gɨ Lug wal 6:21

Tumoy wolwa woy kol caygɨŋ, kɨŋ ga kurɔŋ ləgɨŋ haw kɛ, kɨya wa kɨŋ kɨya sɨdɨldəŋ jɨŋ jɨŋ ƴee! Tumoy wolwa woy kol caygɨŋ, kɨŋ ga ka-ɨle haw kɛ, kɨya wa wɔlɛdi gɨ kɨŋ kɨya ase dan̰ gusi-mɔwa le kɨya caga ƴee!

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Kɔl-gɨ-Ɗari gɨ Ja̰ wal 16:6

Ama na kɨya yɔ gɨ ɨŋ yəgɨŋ kɔl gɨ nee le ma cɨn̰-n̰age ƴee gusɨgɨŋ.

Kɔl-gɨ-Ɗari gɨ Ja̰ wal 20:20

Kɨɗɨn̰ ga ban ɨre ye kɔl gɨ nee le na, ban gɨlge kobɨn̰i bɨ, gasɨbi bɨ. Kɨɗɨn̰ ga ka-aye-cay-tɨbayi solge Ba-gulondɨge na, kan leege gusi-mɔwa tɔgɨ.

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

Magtubu di Pol wal bɨn̰ kalaŋ ga Rɔm 5:11

Ɗɨn̰ gɨ nee le na, haw kɛ na, na ɨre lee gusi-mɔwa kɨya cay Kumu dan̰ gɨyəŋ gɨ da Ba-gulondɨna Jesu-Kɨris, kɨya wa na ban ba hangɨna gɨyəŋ gɨ da bugoŋ pɨna dan̰ Kumu.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

1 Tesalonigɨ 1:6

Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.

Magtubu di Jag wal 1:2

Karmɨnɨ ga ban̰aŋ dan̰ ga kandɨ, hɨnga ga ni gɨwase ga dan̰ cɨndɨge cɨndɨge ga ba andɨdaŋ caygɨŋ le, kuɗa gɨ kɨŋ sɨlagegɨŋ hɨn̰ hɨnga ga ni gusi-mɔwa wo̰.

Magtubu di Jud wal 1:24

Na cɨndi Kumu na ba tɔgɨ bɨ, ban ɓal gamgɨŋ ɗe agɨŋ cangɨn̰ daa te gɨyəŋ gɨŋ coŋ naŋ bɨ. Ban ba kɨya orɨn̰ danagɨŋ a kɨɗɨn̰ ga masadɨge unɔ ga ban ɨre nee gaŋ ga orɨn̰ dan̰ gusoŋ-tɔgɛ cɨrab, dan̰ gusi-mɔwa di gumu tɔgɨ.

Wasɨn̰a 11:10

Kalaŋ ga cay gɨsəŋ gaŋ kɨya lɔɔge gusi-mɔwa kol cayge bɨ, lɔɔge kɨdɨrɛ togɨn̰ pɨre bɨ, gɨyɨn̰ge dan̰ hɨnga ga ni bee-kalɨn̰ bɨn̰ gusɨge bɨ, kɨya wa ka-yɔɔ-kɔl-gɨ-Kumu-ba-yɔɔ ga sɔɔ ga nee le, gɨlɨn̰ge kalaŋ ga a cay gɨsəŋ gaŋ, hɨnga ga ni mɨrɨn̰tɨn̰i gɨɗaŋ.

Wasɨn̰a 18:7

Laagɨŋ hɨnga ga ni mɨrɨn̰tɨn̰i bɨ, Laagɨŋ ɗe hɨndi som duroy n̰age tɨma dɨŋ bɨ, Ɗe ɓalɨn̰ dan̰ gɨle gɨ hɨndi gɨl guso bɨ, Ɗe ɓalɨn̰ dan̰ se gɨ hɨndi si kandi-wɔɔ kaa, Ga kuɗudaŋ kɨbɨ gusɨge gaŋ doŋ bɨ. Kɨya wa hɨndi ye kudurɔ hɨn̰: “Ɨŋ som cay kali tɨrɨmbali dɨŋ bɨ, Kuduronɨ mara naŋ bɨ, Ɨŋ sɨma duroy n̰age tɨma dɨŋ naŋ bɨrɨŋ bɨ.”