Kɔl-gɨ-Ɗari gɨ Ja̰ wal 16:2 - Gabri Maja

² Kan kɨya taygɨŋge a duroy ƴaa-daye-di-da-Jubɨn̰əŋ gaŋ coŋ. Na cɨndi, wɔlɛ kɨya caga gɨ waŋ waŋ gɨ na dɨɗɨgɨŋ na, kɨya ɨrɨme gɨ ɗi naa lee na gɨye bɨn̰ Kumu.

Kɔl-gɨ-Ɗari gɨ Ja̰ wal 16:2 ပူးပေါင်းရင်းမြစ်များ

Matɨyo 10:28

Kalaŋ ga ɓalge dɨɗege kuyoŋdi-gusɨgɨŋ, ama kɨya ɓalege dɨɗe turnoygɨŋ naŋ le, kɨŋ hundorge naŋ. Ungo gɨ ojɨ gɨ kɨŋ kɨya hɨndari le, na Kumu. Ban ba ɓale lɔɔ gɨ ɗe kuyoŋdi-gusu ungo bɨ, turnoyi bɨ, na mundoŋ ɗəndəŋ duroy tɨwa di ƴee dan̰ tumɔɔ di ni gehɛn dɨŋ.

Matɨyo 24:9

«Boy wɔlɛdi gɨ nee le, kan kɨya ɗɔɔ gɨ kalaŋ na dɨsa ɗugoygɨŋ bɨ, na dɨɗɨgɨŋge bɨ. Te wɔɔ gɨ da kalaŋ nɔm kɨya ƴomgɨŋge dan̰ kuduroyge kɨya cay gusonɨ bɨ.

Kɔl-gɨ-Ɗari gɨ Lug wal 6:22

Tumoy wolwa woy kol caygɨŋ, kɨŋ ga kalaŋ ƴomgɨŋge dan̰ kuduroyge bɨ, kɨŋ ga kalaŋ kan̰gɨŋge bɨ, kɨŋ ga kalaŋ yagɨdɨgɨŋge bɨ, kɨŋ ga kalaŋ solgɨŋge leen̰ kalaŋ ga ɨsɨndəŋ kɨya canɨ ɨŋ-bandi Kurɨn̰-ungo bɨ.

Kɔl-gɨ-Ɗari gɨ Ja̰ wal 12:42

Naa hɨn̰ wo̰ kalɨn̰ ma, duroy kalaŋ ka-dɔrɛ tumoyi kalaŋ ga ni Jubɨn̰əŋ kondɨ beege kuduroyge cay Jesu. Ama kol cay Parɨsɨn̰an̰əŋ na, kan yage kɔl gɨ da aye kudurɔ koge daa waŋ naŋ. Kɨya wa kan hɨndarge gɨ kan na kɨya da taygege coŋ a duroy ƴaa-daye-di-da-Jubɨn̰əŋ dɨŋ.

Kɔl-gɨ-Ɗari gɨ Ja̰ wal 16:25

Ɨŋ yəgɨŋ hɨnga ga nee le nɔm na dan̰ kɨradɨge. Ama a boy tɨwa di ba kɨya caga le, Ɨŋ kɨya yogɨŋ kɔl na dan̰ kɨradi naŋ ɨni. Ama ɨŋ kɨya yogɨŋ kɔl gɨ ojɨ cay Banɨ le pɨraŋ daa.

Kɔl-gɨ-Ɗari gɨ Ja̰ wal 16:32

Sɨlagɨŋ, tɨwadi kɨya caga bɨ, hɨndi caga ɨni bɨ. A boy tɨwadi di nee le, kan kɨya sugudɨgɨŋge pɨna pɨna. Waŋ waŋ kalɨn̰ ma kɨya ɔrɛ a kɨɗɨn̰di gaŋ kɨɗɨn̰di gaŋ. Kɨŋ kɨya ɗɔŋ ɨŋ-bandi kan̰nɨ haŋge. Ama ɨŋ na kan̰nɨ naŋ, kɨya wa Banɨ woy danaŋ.

Kɔl-gɨ-Ɗari gɨ Ja̰ wal 4:21

Jesu dɨboo cay nee yoo hɨn̰: «Tama, bɨga kudurɛɛ a cay kɔl hɨnge gɨŋ. Wɔlɛ caga gɨ kɨŋ kɨya n̰ɨre Bayna Kumu na a cay garma gɨ kɛ gɨŋ naŋ bɨ, a cay ƴaa-di-gumu di Jerusalɛm dɨŋ naŋ bɨ.

Kɔl-gɨ-Ɗari gɨ Ja̰ wal 4:23

Ama wɔlɛ gɨ hɨrɨwa tɨlga nee bɨ, wɔlɛdi le ay toy ɨni bɨ. Boy wɔlɛdi gɨ nee le, ka-n̰ɨre Bayna Kumu ga cɨndi le kɨya n̰ɨriige dan̰ gɨyəŋ gɨ da Turnɔ bɨ, kɔl gɨ cɨndi bɨ. Kɨya wa na ka-n̰ɨre ga hɨn̰ wo̰ le ma Bayge Kumu geyge.

Kɔl-gɨ-Ɗari gɨ Ja̰ wal 9:22

Ka-wɔɔdi yege kɔl gɨ nee le hɨn̰ wo̰, na kɨya gɨ kan hɨndarge na ka-cay Jubɨn̰əŋ. Kan ga nee le beege noyge pɨna, kɨya taan̰ waŋ waŋ gɨ na ya gɨ Jesu naa Kɨris ban gɨ Kumu dorii le, a duroy ƴaa-daye-di-da-Jubɨn̰əŋ dɨŋ coŋ.

Kɔl-gɨ-Ɗari gɨ Ja̰ wal 9:34

Kan dege kɔl kɨbi coŋ, yeyige hɨn̰: «Woon̰ge na boy ɨsɨna gɨŋ cɨrɔb, ma man̰ ba gɨ gɨlni hɨnga ga!» Ɨni na, kan tayige doŋ coŋ.

Gɨye-lɔɔ 5:33

Kɨɗɨn̰ ga kan jege kɔl gɨ nee le ɨni na, kuduroyge homge gɨɗaŋ, lee gɨ kan gey dɨɗe ka-gɨre-gɨye le coŋ.

Gɨye-lɔɔ 7:56

Etɛn ye hɨn̰: «Sɨlagɨŋ, ɨŋ sol gɨɗɨgɨ-Kumu hangaŋ pɨraŋ bɨ, Kurɨn̰-ungo ɨre dan̰ tɨbayi daa a cay kobɨ Kumu gɨ bara gɨŋ bɨ.»

1 Korɛ̰t 4:13

Hɨn̰ gɨ kalaŋ na pɨya kɔl si cayni na, ni dɨbɨge kɔl cay nee dan̰ te tumɔ di jali. Bɨrɨŋ gɨsɨn̰ labɨde kalɨn̰ ma, ni woy gɨlɨn̰ na hɨn̰ cay gubu gɨ da kalaŋ ga cay gɨsəŋ gaŋ wo̰. Ni woy gɨlɨn̰ na hɨn̰ hɨnga ga beege coŋ wo̰ bɨ.

Pilib 3:6

Gɨ ojɨ cay gusi-hɨmbalwa na, ɨŋ lun̰doŋ kardi gasɨn̰-kɔl osu bɨrɨŋ gɨ ɨŋ gɨlɨn̰ Ka-Daye cɨn̰-gɨle-cɨn̰ gɨɗaŋ. Ungo wo̰ kɨya ɓale dɨbe kɔl canɨ gɨ ɨŋ na hangɨɗɨ cay gasɨn̰-kɔl naŋ, kɨya wa ɨŋ bee kɔl cay nee ɗəndəŋ.

Wasɨn̰a 6:9

Kɨɗɨn̰ ga Kurɨn̰-dɨmangɨ le haŋgɨ tambo di ni baydo na, a te kɨɗɨn̰ ga kan gaɗɨge kɨya bogɨn̰ kɨbar nee le ɨŋ sol turnoy kalaŋ ga kan wadɨlde tumoyge kol cay Kɔl gɨ da Kumu bɨ kol cay tɨmon̰ di kan lee a cay Kumu bɨ.