Kɔl-gɨ-Ɗari gɨ Ja̰ wal 16:14 - Gabri Maja

¹⁴ Hɨndi kɨya dɨbe gusoŋ-tɔgɛ canɨ ɨŋ-bandi kɨya wa na kɔl gɨ hɨndi je kɨbɨnɨ ma hɨndi kɨya aye yəgɨŋ.

Kɔl-gɨ-Ɗari gɨ Ja̰ wal 16:14 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 14:21

«Waŋ waŋ gɨ na gama te tumɔ bɨ, laa hɨnga ga te tumɔ ye bɨ le, ban na ungo gɨ geyəŋ. Banɨ kɨya geye dan̰ ungo gɨ geyəŋ. Ɨŋ kɨya geyi bɨ, ɨŋ kɨya lɔɔ ɗe gɨ ban sɔlɔŋ bɨ.»

Kɔl-gɨ-Ɗari gɨ Ja̰ wal 15:26

«Kɨɗɨn̰ ga ɨŋ kɨya bugoŋ gusi Banɨ na, ɨŋ kɨya gɨygɨn̰ dan̰ Ba-ƴɔɔ caygɨŋ gɨ kɨya sayga na gusi Banɨ. Turnɔ di da kɔl gɨ cɨndi le, andɨgaŋ na gusi Banɨ. Kɨɗɨn̰ ga Ban kɨya bugoŋ na, Ban kɨya lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 7:39

Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.

1 Korɛ̰t 12:3

Na toy di hɨn̰ wo̰ ma ɨŋ gey gɨ kɨŋ na sɨla duroy kuɗa gɨ ungo gɨ na ya kɔl dan̰ gɨyəŋ gɨ da Turnɔ di da Kumu le, kɨya yɔ gɨ: «Ɓɨse na ƴɨma cay Jesu» naŋ bɨrɨŋ. Bɨ ungo gɨ ɓale yɔ hɨn̰: «Jesu naa Ba-gulɔŋ» dɨle gɨ Turnɔ ɗe-kuduroy-bɛrɛ naa ba ɗa kɨbi bɨ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Galad 5:5

Kona na-gandi ga na ba bee ɨrɨmedɨna a cay Kumu le, na sol gɨ ban bɨlna leen̰ kalaŋ ga dan̰ durɔ ɗɨngar. Bɨ na kɨya cay Turnɔ di da Kumu di lee gɨye dan̰ gɨyəŋ gɨ da aye kudurɔ konagɨŋ le ma, mana somɨn̰gɨŋ amɨn̰gɨŋ wɔlɛ gɨ nee le.

1 Pɨyɛr 2:7

Kogɨŋ kɨŋ-gandi ka-aye kudurɔ na, Kɨris na oru gɨ ƴee cɨndɨgɨŋ tɔgɨ. Ama ojɨn̰ cay kalaŋ ga na ka-aye kudurɔ naŋ na, «Oru gɨ tumɔ ka-gaɗe ƴaa tumɔ dɨbɨge pɨrɨŋ coŋ le, Say bɨle na oru gɨ kuɗa tɔgɨ ɗɨn̰ kamdi, Gɨ kan ɗege tɨbɨn̰ ƴaa dɨŋ.»

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

1 Ja̰ 5:6

Na Jesu-Kɨris ba sɔ gɨɗɨgɨ-Kumu gɨŋ ɨrga cay gɨsəŋ gaŋ bɨ lee batɛm dan̰ kaŋ bɨ, bee kɨbardi dugo dan̰ gɨyəŋ gɨ da tɨmaydi bɨ. Ban ɨrga na dan̰ kaŋ ƴɔbɨ naŋ, ama dan̰ kaŋ bɨ kɨbar bɨ. Turnɔ di da Kumu na kɔl gɨ cɨndi. Na hɨndi ba lɔɔ tɨmon̰ hɨn̰ wo̰ le kɔ.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»