Kɔl-gɨ-Ɗari gɨ Ja̰ wal 16:13 - Gabri Maja

¹³ Kɨɗɨn̰ ga Turnɔ di da kɔl gɨ cɨndi kɨya caga na, hɨndi kɨya gɨlgɨŋ kɔl gɨ cɨndi nɔm. Kɨya wa hɨndi kɨya yɔɔ kɔl wo̰ dan̰ cay gusoo naŋ, ama hɨndi kɨya yɔ na kɔl gɨ hɨndi je bɨ, hɨndi kɨya yəgɨŋ kol hɨnga nɔm ga kɨya caga bɨ.

Kɔl-gɨ-Ɗari gɨ Ja̰ wal 16:13 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 12:49

Kɨya wa ɨŋ ya kɔl na dan̰ canɨ naŋ. Ama na Banɨ gɨ gɨyigəŋ le ba aye noy bəŋ ojɨn̰ cay hɨnga nɔm ga ɨŋ na ya koldɨge bɨ, hɨnga ga ɨŋ kɨya gɨlɨn̰ kalaŋ bɨ.

Kɔl-gɨ-Ɗari gɨ Ja̰ wal 14:17

Ban na Turnɔ di da kɔl gɨ cɨndi. Kalaŋ ga a cay gɨsəŋ gaŋ kɨya ɓale ƴomiige gusɨge naŋ. Kɨya wa kan sɨlayige naŋ bɨ, sɨlayige dan̰ cɨndɨge naŋ bɨ. Ama kɨŋ-gandi na, kɨŋ solii kɨya gɨ ban som danagɨŋ bɨ, som kuduroygɨŋ nee bɨ.

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 15:26

«Kɨɗɨn̰ ga ɨŋ kɨya bugoŋ gusi Banɨ na, ɨŋ kɨya gɨygɨn̰ dan̰ Ba-ƴɔɔ caygɨŋ gɨ kɨya sayga na gusi Banɨ. Turnɔ di da kɔl gɨ cɨndi le, andɨgaŋ na gusi Banɨ. Kɨɗɨn̰ ga Ban kɨya bugoŋ na, Ban kɨya lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 16:12

«Ɨŋ orɨn̰ dan̰ hɨnga gɨɗaŋ aŋ na yəgɨŋ ƴee. Ama haw kɛ na ɨŋ sol gɨ kɨya ɗɨn̰ caygɨŋ.

Kɔl-gɨ-Ɗari gɨ Ja̰ wal 3:32

Ungo gɨ sayga gɨɗɨgɨ-Kumu gɨŋ gɨsɨngɨ dugo le, lee na tɨmon̰ di da hɨnga ga ban sol bɨ, je bɨ, ama ungo pɨna wo̰ ƴa kɔl-tɨmon̰ toyi di ban lee le naŋ.

Kɔl-gɨ-Ɗari gɨ Ja̰ wal 8:38

Ɨŋ-bandi, ɨŋ ye na kol hɨnga ga ɨŋ sol a gusi Banɨ bɨ, kɨŋ-gandi kalɨn̰ ma, kɨŋ lee na hɨnga ga kɨŋ je koldɨge a gusi baygɨŋ bɨ.

Gɨye-lɔɔ 11:28

Ungo gɨ pɨna wo̰ duroyge gɨ gusondi na Agabus le, Turnɔ di da Kumu gɨlii gɨ badɨra na kɨya bɔɔ a cay gɨsəŋ gaŋ nɔm. Lee gɨ ban say daa yen̰ kalaŋ. Badɨra le baa leen̰ cɨndi boy ɨlge gɨ Kɨlod diin̰ cay ƴaa.

Gɨye-lɔɔ 20:23

Ama boy cay ƴaa ga gɨmdəŋ gɨmdəŋ nɔm le, Turnɔ ɗe-kuduroy-bɛrɛ dɨbəŋ sɨmanɨ gɨ: Dangay bɨ, dɔsɛ-ɗugɔ bɨ, na woyge amaŋge nee.

Gɨye-lɔɔ 27:24

bɨ yəŋ hɨn̰: “Hundɔrɔ naŋ Pol, ojɨ gɨ naa wa wa kalɨn̰ ma, ji kɨya ɨre tumoy kɨlma gɨ gumu Sejar. Bɨ Kumu kɨya pɔɗɛ kalaŋ nɔm ga ba haɗɨge danan̰ le na kɔl can̰.”

2 Tesalonigɨ 2:12

Ɗe kan na bɨyan̰ge kɔl a cay kalaŋ nɔm ga bɨgage kuduroyge a cay kɔl gɨ cɨndi gɨŋ naŋ, ama ga hɨnga ga dan̰ durɔ ɗɨngar naŋ ba mooge.

2 Tesalonigɨ 2:3

Ɗɔɔ gɨ ungo dan̰ jɨba toy nare cɨndɨgɨŋ naŋ pa pa. Kɨya wa tumɔ pa dɨm ma ɗe wɔlɛ gɨ da Ba-gulɔŋ na bugoŋ na, naa wa wa kalɨn̰ ma, kalaŋ kɨya jɨbe kɔl gɨ da Kumu sɛdɨ coŋ pa dɨm ma kardi nee, Ba-Kuduroy-Ɨndɨwa gɨ ba kɨya mundoŋ yɔd coŋ le, kɨya gɨle gusi doŋ ƴee.

Əbɨro 1:1

A boy ɨlge ga jɨne jɨne gaŋ, Kumu yen̰ mon̰ina kɔl dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ tɨbaa kondɨ bɨ, dan̰ gɨyəŋ gɨ toyge kan̰dɨge kan̰dɨge bɨ.

1 Ja̰ 2:20

Ama kɨŋ-gandi na, kɨŋ gɨlɨn̰ hɨn̰ kan wo̰ naŋ. Kɨris n̰ɨgɨ Turnɔ ɗe-kuduroy-bɛrɛ caygɨŋ hɨn̰ gɨ kan n̰ɨgɨn̰ sɔŋ a cay ungo wo̰, lee gɨ kɨŋ-gandi nɔm kɨŋ orɨn̰ dan̰ hɨnga-sɔlɛ.

1 Ja̰ 2:27

Ama kogɨŋ kɨŋ-gandi na, Turnɔ ɗe-kuduroy-bɛrɛ di Kɨris n̰ɨgɨ caygɨŋ hɨn̰ sɔŋ wo̰ le som danagɨŋ dan̰ wɔlɛ pɨna pɨna. Na toy di hɨn̰ wo̰ ma, kɨŋ ɨran̰ dan̰ n̰age gɨ ungo na gɨlgɨŋ hɨnga naŋ ɨni. Ama Turnɔ ɗe-kuduroy-bɛrɛ di Kɨris bɨgɨŋ le, gɨlgɨŋ hɨnga nɔm. Turnɔ ɗe-kuduroy-bɛrɛ le, kɔl kɔɔ na hɨnde bɨ, ya poy naŋ bɨ. Bugoŋgɨŋ pɨna dan̰ Kɨris hɨn̰ gɨ Turnɔ ɗe-kuduroy-bɛrɛ ba gɨlgɨŋ wo̰.

1 Ja̰ 4:6

Na-gandi na, nana ga da Kumu. Waŋ waŋ gɨ na sɨla Kumu na, kɨya jɔɔ kɔl kɨbɨnagɨŋ. Ama waŋ waŋ gɨ naa gɨ da Kumu naŋ na, kɨya jɔɔ kɔl kɨbɨnagɨŋ naŋ. Na dan̰ gɨyəŋ gɨ nee le ma mana kɨya solɨn̰gɨŋ turnɔ di da kɔl gɨ cɨndi bɨ, turnɔ di da kɔl gɨ ni poy bɨ.

1 Ja̰ 5:6

Na Jesu-Kɨris ba sɔ gɨɗɨgɨ-Kumu gɨŋ ɨrga cay gɨsəŋ gaŋ bɨ lee batɛm dan̰ kaŋ bɨ, bee kɨbardi dugo dan̰ gɨyəŋ gɨ da tɨmaydi bɨ. Ban ɨrga na dan̰ kaŋ ƴɔbɨ naŋ, ama dan̰ kaŋ bɨ kɨbar bɨ. Turnɔ di da Kumu na kɔl gɨ cɨndi. Na hɨndi ba lɔɔ tɨmon̰ hɨn̰ wo̰ le kɔ.

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.

Wasɨn̰a 1:19

Hɨnga ga ji ba sol dan̰ cɨndɨn̰ ga ba kɨya lɔɔ gusɨge haw kɛ bɨ, ga ba kɨya lɔɔ gusɨge kardi nee bɨ le, walage dugo duroy magtubu dɨŋ.