Kɔl-gɨ-Ɗari gɨ Ja̰ wal 16:11 - Gabri Maja

¹¹ Ama gɨ ojɨ cay bɔyɛ kɔl na, na kɨya gɨ boyge kɔl cay kɨlma gɨ a cay gɨsəŋ gaŋ ɨni bɨ.

Kɔl-gɨ-Ɗari gɨ Ja̰ wal 16:11 ပူးပေါင်းရင်းမြစ်များ

Matɨyo 12:18

«Sɨlagɨŋ marɨna ba-gɨye hɨnge gɨ ɨŋ dori ba kɔ, Ban gɨ ɨŋ lee-toyi tɔgɨ bɨ gusɨnɨ mɔŋ cayi. Ɨŋ gɨ lɔɔ gɨ ɗe Turnonɨ som cayi, Bɨ kɨya tɔgɛ bɛrnɛ gɨye-lɔɔ gɨ dan̰ durɔ Bɨn̰ te wɔɔ gɨ da kalaŋ ga ɗaŋ.

Matɨyo 12:36

Ɗe aŋ yəgɨŋ: Wɔlɛ gɨ Kumu kɨya bɔyɛ kɔl le, waŋ waŋ kalɨn̰ ma, kɨya dɔrɛ te kɔl nɔm gɨ wɨyan̰ gɨ ni yɔ naŋ gɨ ban ye tumoy Kumu.

Kɔl-gɨ-Ɗari gɨ Lug wal 10:18

Jesu dɨbɨge cay nee hɨn̰: «Kɨɗɨn̰ ga ɨŋ sol kɨɗɨn̰ ɗɛ na, ɨŋ sol sidan sayga daa baa dugo hɨn̰ wɨlɨn̰e gɨ da Kumu wo̰.»

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 14:30

Ayɨn̰ toy haw kɛ na ɨŋ kɨya are-kɔl tɔgɨ danagɨŋ naŋ bɨrɨŋ ɨni. Kɨya wa kɨlma gɨ da kalaŋ ga a cay gɨsəŋ gaŋ kɛ, tɨlga nee. Ban ɨran̰ dan̰ dɔnɔ pɨna a canɨ naŋ.

Kɔl-gɨ-Ɗari gɨ Ja̰ wal 16:12

«Ɨŋ orɨn̰ dan̰ hɨnga gɨɗaŋ aŋ na yəgɨŋ ƴee. Ama haw kɛ na ɨŋ sol gɨ kɨya ɗɨn̰ caygɨŋ.

Gɨye-lɔɔ 10:42

Ban ye ni gɨ ni na tɨga bɛrnɛ bɨn̰ kalaŋ nɔm bɨ, ni na laa tɨmon̰ ya hɨn̰: Na ban ma Kumu dorii hɨn̰ ba-bɔyɛ kɔl cay kalaŋ ga som-bɨra bɨ, cay kalaŋ ga madɨrdaŋ gaŋ bɨ.

Gɨye-lɔɔ 24:25

Ama kɨɗɨn̰ ga Pol dor kɔl gɨ ojɨ cay gɨye-lɔɔ gɨ dan̰ durɔ ɗɨngar bɨ, ƴɔmɛ-gusɨn̰ cay hɨnga nɔm bɨ, cay bɔyɛ kɔl gɨ ba kɨya ɨrga bɨ na, hundɔrɔ le Peligɨs lee gɨ ban yey hɨn̰: «Haw kɛ na, dɨra gusɨn̰ gusɨnɨ coŋ. Hɨn̰ gɨ ɨŋ na waa gɨyəŋ na, ɨŋ kɨya togɨn̰ ƴee.»

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 16:20

Baa mɨnde gɨ Kumu gɨ ba-bee gusi-dɔbɛ kɨya rade cay Sidan a te tɨbayigɨŋ dɨŋ dugo. Kuɗa gɨ ɗarwa di da Ba-gulondɨna Jesu baa danagɨŋ.

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Kɔlɔs 2:15

Na hɨn̰ wo̰ ma Kumu mondɨn̰ dɔnɔ ga ɨsɨndəŋ ga ka-dɔɔ cay ƴaa bɨ, ga na ka-gulɔŋ hɨnga nɔm bɨ. Ban dɨbɨ dasi cayge cɨn̰ kalaŋ nɔm. Ban ay banga cayge a cay sɨya-gɨ-dagɨli gɨŋ bɨ, leege hɨn̰ ka-dangayn̰əŋ ga da kɨmbɨl gɨ kan gorɨn̰ danage a te gɨyəŋ gɨŋ wo̰.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

Əbɨro 6:2

hɨnga ga ni gɨle ga ojɨ cay batɛm ga toyge kan̰dɨge kan̰dɨge bɨ, cay dɨbe-kɔbɔ cay kalaŋ bɨ, cay kalaŋ ga ma ga kɨya bɔyɛge lɨbe bɨ, cay bɔyɛ kɔl gɨ dan̰ tumoyi yɔd bɨ.

Əbɨro 9:27

Na cɨndi, Kumu gɨsɨ gɨ waŋ waŋ kalɨn̰ ma na kɨya mare naa cay pɨna ƴɔbɨ bɨ, kardi nee bɔyɛ kɔl na ba kɨya ɨrga kardi tɨma dɨŋ.

2 Pɨyɛr 3:7

Ama gɨɗɨgɨ-Kumu gɨ haw kɛ bɨ, cay gɨsəŋ ga haw kɛ bɨ le, kɔl gɨ da Kumu gɨ pɨna hayi gɨ nee le ba amge gamɨn̰ tɨwa, ɗe tɨwa na ulge coŋ. Amge gamɨn̰ na wɔlɛ gɨ ni bon̰ kɔl cay ka-lɔɔ ɨsɨna bɨ, kɨya mondɨge coŋ bɨ.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.