Kɔl-gɨ-Ɗari gɨ Ja̰ wal 15:7 - Gabri Maja

⁷ Hɨn̰ gɨ kɨŋ na bugoŋ pɨna danaŋ bɨ, kɔl hɨnge nɔm na bugoŋ pɨna danagɨŋ bɨ na, ɨngɨrgɨŋ hɨnga ga kuduroygɨŋ gey ƴɔbɨ, kɨŋ kɨya wɔɔ.

Kɔl-gɨ-Ɗari gɨ Ja̰ wal 15:7 ပူးပေါင်းရင်းမြစ်များ

Matɨyo 7:7

«Ɨngɨrgɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kan kɨya bɨgɨŋ, malagɨŋ hɨnga ga kɨŋ or n̰agedɨge cɨndɨgɨŋ tumɔ tumɔ na, kɨŋ kɨya wɔɔ, dɨgagɨŋ kɨbɨ-ƴaa cɨndɨgɨŋ tumɔ tumɔ na, kan kɨya hangege bɨgɨŋ.

Kɔl-gɨ-Ɗari gɨ Ja̰ wal 14:13

Hɨnga nɔm ga kɨŋ ba kɨya ɨngɨre dan̰ gusoŋnɨ le, ɨŋ kɨya lɔɔ ɗe gɨ Kuroŋ Bayi wan̰ gusoŋ-tɔgɛ gusi kurondi.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 16:23

«Wɔlɛdi gɨ nee le, kɨŋ kɨya jɔgɛ ɨngɨrəŋ duroy kɔl pɨna wo̰ naŋ ɨni. Jagɨŋ, aŋ yəgɨŋ daa waŋ na cɨndi, hɨn̰ gɨ kɨŋ na ɨngɨrɨn̰ Banɨ hɨnga dan̰ gusoŋnɨ na, ban kɨya bɨgɨŋ.

Kɔl-gɨ-Ɗari gɨ Ja̰ wal 8:31

Jesu yen̰ Jubɨn̰əŋ ga ba beege kuduroyge cayi le, yege hɨn̰: «Hɨn̰ gɨ kɨŋ na ɨr cay kɔl hɨnge na, kɨŋ na ka-aye-cay-tɨbanɨ ga cɨndi.

Kɔl-gɨ-Ɗari gɨ Ja̰ wal 8:37

Ɨŋ sol gɨ kɨŋ na kongɨn̰i Abɨraham, ama kɨŋ mal gɨyəŋ gɨ ni dɨɗəŋ, kɨya wa kɔl hɨnge gaya-kɨɗɨn̰ andaŋ kuduroygɨŋ naŋ.

Galad 4:2

Hɨn̰ wo̰ na ban som na te dɔnɔ di da kalaŋ ga ka-gamii bɨ, ka-sɔlɛ kardi hɨnga kayi bɨ, bɨrɨŋ gɨsɨn̰ wɔlɛ gɨ bay ojɨ le ɓal.

Galad 5:16

Jagɨŋ, kɨbagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ hɨn̰ wo̰ na, kɨŋ kɨya kɔbɛ tabɨlaŋdi lɔɔ hɨnga ga da kuyoŋdi-gusɨgɨŋ naŋ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Ja̰ 2:14

Ay, karɨn̰aŋ, ɨŋ wal kɔl gɨ kɛ le bɨgɨŋ: «Kɨŋ sol Bayna.» Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag.» Ay, marɨne, ɨŋ wal kɔl gɨ kɛ le bɨgɨŋ: «Kɨŋ lee bandɨ bɨ, kɔl gɨ da Kumu ƴom kuduroygɨŋ bɨ, kɨŋ boy-kɨmbɨl cay Haban̰ Ba-lɔɔ ɨsɨna bɨ.»

1 Ja̰ 2:27

Ama kogɨŋ kɨŋ-gandi na, Turnɔ ɗe-kuduroy-bɛrɛ di Kɨris n̰ɨgɨ caygɨŋ hɨn̰ sɔŋ wo̰ le som danagɨŋ dan̰ wɔlɛ pɨna pɨna. Na toy di hɨn̰ wo̰ ma, kɨŋ ɨran̰ dan̰ n̰age gɨ ungo na gɨlgɨŋ hɨnga naŋ ɨni. Ama Turnɔ ɗe-kuduroy-bɛrɛ di Kɨris bɨgɨŋ le, gɨlgɨŋ hɨnga nɔm. Turnɔ ɗe-kuduroy-bɛrɛ le, kɔl kɔɔ na hɨnde bɨ, ya poy naŋ bɨ. Bugoŋgɨŋ pɨna dan̰ Kɨris hɨn̰ gɨ Turnɔ ɗe-kuduroy-bɛrɛ ba gɨlgɨŋ wo̰.

1 Ja̰ 3:22

Ko, hɨn̰ gɨ na na ɨngɨriigɨŋ na wa wa kalɨn̰ ma, na kɨya wɔɔgɨŋ a kobi. Kɨya wa na gamgɨŋ te tumoyi bɨ, na leegɨŋ hɨnga ga ƴee cɨndi bɨ.

1 Ja̰ 5:14

Hɨn̰ gɨ nana ɨngɨrɨn̰gɨŋ Kumu hɨnga ga bugoŋ pɨna dan̰ kuduroy geye koyi na, ban kɨya dɔrɛ sɨmayi jon̰ ɔlɛ konagɨŋ. Na ban ma, kɨɗɨn̰ ga ni na ɨr tumoyi na, ni sɨla hɨnga pɨna naŋ.