Kɔl-gɨ-Ɗari gɨ Ja̰ wal 15:5 - Gabri Maja

⁵ «Ɨŋ-bandi, ɨŋ na hɨyadi suru bɨ, kɨŋ na karɨn̰ kobi bɨ. Ungo gɨ na bugoŋ pɨna danaŋ bɨ, ɨŋ na bugoŋ pɨna danayi bɨ na, kɨya wɔyɛ na hɨn̰ hɨyadi suru gɨ wɔɔ karɨndi tɔgɨ wo̰. Kɨya wa dɨle ɨŋ-bandi na, kɨŋ kɨya ɓale lɔɔ hɨnga pɨna cay gusɨgɨŋ naŋ.

Kɔl-gɨ-Ɗari gɨ Ja̰ wal 15:5 ပူးပေါင်းရင်းမြစ်များ

Matɨyo 13:21

Ama kɔl gɨ da Kumu le bɨga sarnay kuduroyge naŋ, kɔl gɨ kan ƴeege le kan ɨrge cay nee kardɨge sɨngɨɗɨ naŋ. Kɨɗɨn̰ ga hɨnga ga ni dɔsɛ-ɗugɔ na andaŋ cayge, naŋ le, kan na gɨlge-cɨn̰ kɨya cay kɔl gɨ da Kumu na, kan dɨbɨge aye kudurɔ koge coŋ.

Kɔl-gɨ-Ɗari gɨ Ja̰ wal 12:24

Jagɨŋ, ɨŋ yəgɨŋ na kɔl gɨ cɨndi, hɨn̰ gɨ cɨn̰ gɛmɛ na ba gɨsəŋ bɨ na mara naŋ na, hɨndi kɨya wɔyɛ na kɨɗɨn̰do gaŋ kan̰do tɔɔ dɨŋ haa. Ama hɨn̰ gɨ hɨndi na mara na, hɨndi kɨya wɔ karɨndo dan̰ kondɨwayge.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 5:19

Jesu jɨga ay kɔl bɨ yege hɨn̰: «Jagɨŋ, ɨŋ yəgɨŋ na kɔl gɨ cɨndi. Kuroŋ kɨya ɓale lɔɔ hɨnga dan̰ cay gusi naŋ. Ban kɨya lɔɔ na hɨnga ga ban sol bayi te lɔɔdɨge gɨŋ ƴɔbɨ. Kɨya wa hɨnga nɔm ga kɨye bay lee le, kuroŋ kɨya lɔɔ na hɨn̰ wo̰ bɨ.

Kɔl-gɨ-Ɗari gɨ Ja̰ wal 9:33

Hɨn̰ gɨ ungo gɨ nee le, na se naa gusi Kumu naŋ na, ban ni kɨya ɓale lɔɔ hɨnga pɨna naŋ bɨrɨŋ.»

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Magtubu di Pol wal bɨn̰ kalaŋ ga Rɔm 12:5

Kona na-gandi kalɨn̰ ma woy gɨlɨn̰ na hɨn̰ wo̰ bɨ. Na woy gɨlɨn̰ na hɨn̰ kɨway kuyoŋdi-gusu wo̰. Na gandi ga na kondɨ le nana kuyoŋdi-gusu gɨ pɨna hayi, te bugoŋ pɨna dan̰ Kɨris. Waŋ waŋ kalɨn̰ ma orɨn̰ dan̰ gɨye-lɔɔdi.

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

Magtubu di Pol wal bɨn̰ kalaŋ ga Rɔm 7:4

Ay karmɨnɨ ga ban̰aŋ dan̰ ga kandɨ, kɨŋ-gandi kalɨn̰ ma kogɨŋ woy na hɨn̰ wo̰ ojɨn̰ cay gasɨn̰-kɔl bɨ. Dan̰ gɨyəŋ gɨ da bugoŋ pɨna kogɨŋ dan̰ Kɨris le, kɨŋ na kalaŋ ga kɨŋ ma ɨni bɨ, kɨŋ duroŋ a te dɔnɔ di da gasɨn̰-kɔl gɨŋ coŋ ɨni bɨ, lee gɨ kɨŋ na ga da ungo gɨ ɗaŋ. Kɨŋ na kalaŋ ga da Kɨris gɨ boy lɨbɨ duroy kalaŋ ga mage ɗe ana na leen̰ hɨnga ga ɗari ga Kumu gey.

1 Korɛ̰t 10:16

Kɨŋ ɨrɨm a cay kobo gɨ ni tɔrɛ-kɨbɨ gɨ ni ba leen̰ Kumu ho’o koldɨge le: Kɨɗɨn̰ ga na ba si hɨnga ga boy nee le kɛ bɨgana pɨna dan̰ kɨbardi Kɨris le naŋ ga? Bɨ mapa di na ba boy dugo le: Kɨɗɨn̰ ga na ba di le kɛ bɨgana pɨna dan̰ kuyoŋdi Kɨris le naŋ ga?

1 Korɛ̰t 12:12

Kɨŋ sol gɨ kuyoŋdi-gusɨna na pɨna hayi ama kɨway kondɨ. Bɨ kɨway gusɨna ga kondi na dayaŋge daa na bɨləŋge na kuyoŋdi-gusu gɨ pɨna ƴɔbɨ. Woy gɨlɨn̰ na hɨn̰ wo̰ bɨ kɨya cay Kɨris.

1 Korɛ̰t 12:27

Kɨŋ-gandi nɔm kɨŋ na kuyoŋdi Kɨris ɨni bɨ, kɨŋ-gandi pɨna pɨna na karɨn̰ gusi bɨ.

2 Korɛ̰t 13:8

Kɨya wa ni ɨran̰ dan̰ dɔnɔ wo̰ di ni jɨbɨn̰ kɔl gɨ cɨndi coŋ naŋ. Ni orɨn̰ na dan̰ dɔnɔ di ni loon̰ gɨye kol cay kɔl gɨ cɨndi ƴɔbɨ.

2 Korɛ̰t 9:10

Kumu gɨ ba bɨn̰ ka-gɨse gasa gasi gɨse bɨ hɨnga ga ni dɔɔ bɨ le, kɨya bɨgɨŋ gasi gɨse bɨ, kɨya lɔɔ ɗe gɨ gasi gɨse le na wɔɔ hala bɨ, kɨya lɔɔ ɗe gɨ haldɨgɨŋ gɨ dan̰ durɔ ɗɨngar le na wɔɔ hala bɨ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Epɛs 5:9

Kɨya wa kɨɗɨn̰ ga asɨn̰ ɨrgan̰ na dan̰ ɨrɨmedi hɨnga nɔm ga ni lɔɔ dan̰ kuduroy-ɗarwa bɨ, hɨnga ga dan̰ durɔ bɨ, hɨnga ga cɨndi bɨ.

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

Pilib 4:17

Ɨŋ na ya kɔl hɨn̰ wo̰ na, ɨŋ mala na ɗe gɨ kalaŋ na bəŋ hɨnga naŋ, ama ɨŋ mal na gɨ cay kobɨgɨŋ na sa cay mɨgay mɨgay.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

Magtubu di Jag wal 1:17

Hɨnga ga kuɗa tɔgɨ nɔm le, kan bɨnage na bee bɨ. Hɨnga ga ni bee kalɨn̰ ga kuɗa duroŋ dan̰ durɔ cɨrɛɗ nɔm le, na hɨnga ga sayigage na a daa nii bɨ, andɨgaŋge na gusi Bayna Kumu gɨ ba-lɔɔ kɨɗɨn̰ ga asɨn̰ bɨ. Kumu bɨl ɗaŋ naŋ bɨ, ban nɨwɨr gusi hɨn̰ gɨsəŋ ga ba nɨwɨre gusɨge cɨn̰ tɨwa dɨŋ, kɨya ɗenagɨŋ duroy dɨlɨm dɨŋ wo̰ naŋ bɨ.

1 Pɨyɛr 2:4

Sɨygɨŋ gusi Ba-gulɔŋ. Ban na oru gɨ woy-bɨra gɨ kalaŋ kan̰iige coŋ. Ama Kumu dorii kɨya gɨ Kumu solii gɨ ban na oru gɨ ƴee-cɨndi tɔgɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!