Kɔl-gɨ-Ɗari gɨ Ja̰ wal 15:24 - Gabri Maja

²⁴ Tumɔ ɨŋ ni na laa gɨye nɔm gɨ ungo gɨ ɗaŋ laa duroyge naŋ ƴee na, kɔl ni kɨya ƴɔmɛ cayge naŋ. Ama haw kɛ na, kan solge gɨye-lɔɔnɨ nɔm dan̰ cɨndɨge bɨ, kan ƴomnige ɨŋ-bandi bɨ Banɨ bɨ dan̰ kuduroyge cɨndɨge tumɔ tumɔ.

Kɔl-gɨ-Ɗari gɨ Ja̰ wal 15:24 ပူးပေါင်းရင်းမြစ်များ

Matɨyo 11:5

Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Matɨyo 21:32

Kɨya wa Ja̰ ɨrga gusɨgɨŋ gɨlgɨŋ gɨyəŋ gɨ dan̰ durɔ ɗɨngar, ama kɨŋ bɨga kuduroygɨŋ cayi naŋ, ama ka-hɔgɛ lambo bɨ, kandɨ ajɨban̰əŋ bɨ, beege kuduroyge cayi. Kɨŋ sol dan̰ cɨndɨgɨŋ hagɨŋ, ama kardi nee na, kɨŋ bɨl gɨye-lɔɔdɨgɨŋ naŋ, lee gɨ kɨŋ bɨga kuduroygɨŋ cay Ja̰ naŋ.

Matɨyo 9:33

Kɨɗɨn̰ ga Jesu tay turnɔ di ɨsɨni le coŋ ɨni na, ungo le ay te yɔɔ kɔl. Dɨmdɨrdi kalaŋ ga ɨrege nee le, kɔl kayge sɛl sɛl. Lee gɨ kan yege hɨn̰: «Hɨnga ga hɨn̰ wo̰ le, ungo sɨla cay pɨna a cay gɨsəŋ ga Ɨsɨrayɛl gaŋ naŋ bɨrɨŋ!»

Marg 2:12

Kɔl gɨ kɨbɨna kɛ bɨ, ban de say daa ay gasɨlaŋ-jala kay bɨ andɨn̰ doŋ cɨn̰ kalaŋ nɔm lee gɨ kan nɔm ga ba ɨrege nee le kɔl kayge yɔd bɨ, kardi nee na kan hɨramge Kumu yen̰ge hɨn̰: «Ni sɨla hɨnga ga hɨn̰ wo̰ cay pɨna naŋ ƴee.»

Kɔl-gɨ-Ɗari gɨ Lug wal 24:19

Jesu dɨbɨge cay nee yege hɨn̰: «Na wa ba lɔɔ hɨnga ga?» Kan jɨga dɨbiige cay nee yeyge hɨn̰: «Na hɨnga ga andaŋ a cay Jesu gɨ Najarɛt! Ban na ba-yɔɔ-kɔl-gɨ-Kumu-ba-yɔɔ. Kumu dan̰ kalaŋ nɔm solge hɨn̰ gɨ ban na lee gɨye bɨ, ye kɔl bɨ, dan̰ dɔnɔ.

Kɔl-gɨ-Ɗari gɨ Ja̰ wal 10:32

Ama Jesu yege ɗaŋ coŋ ye hɨn̰: «Ɨŋ lee gɨye nɔm gɨ kuɗudaŋ gɨɗaŋ, a cɨndɨgɨŋ dan̰ gɨyəŋ gɨ da dɔnɔ di da Banɨ. Duroy gɨye nɔm gɨ nee le, na gɨ ani ma magɨŋ mal gɨ ni wɔrɨn̰ɔŋ dan̰ gujulu oru dɨɗəŋ koldi le ga?»

Kɔl-gɨ-Ɗari gɨ Ja̰ wal 10:37

Hɨn̰ gɨ ɨŋ na laa gɨye nɔm gɨ da Banɨ naŋ na, bɔgɛgɨŋ kuduroyigɨŋ canɨ naŋ.

Kɔl-gɨ-Ɗari gɨ Ja̰ wal 12:10

Na toy di hɨn̰ wo̰ ma, ka-cay ka-bɔgɛ kɨbar ayge noyge kɨya dɨɗɨn̰ Lajar bɨ.

Kɔl-gɨ-Ɗari gɨ Ja̰ wal 12:45

Waŋ waŋ gɨ sɔlɔŋ dan̰ cɨndi na, sol ban gɨ gɨyigəŋ bɨ.

Kɔl-gɨ-Ɗari gɨ Ja̰ wal 14:9

Jesu dɨbi cay nee yeyi hɨn̰: «Pilib, ɨŋ som danagɨŋ karɨnɨ sɨngɨɗɨ bɨ, na mɨna ma mɨn̰ sɨlaŋ naŋ coŋ ga? Ungo gɨ na sɨlaŋ dan̰ tɨdi na, sol Banɨ dan̰ tɨdi bɨ. Na mɨna ma mɨn̰ ye: “Gɨ ɨŋ na gɨlgɨŋ Banɨ coŋ ga?”

Kɔl-gɨ-Ɗari gɨ Ja̰ wal 15:21

Ama hɨnga ga nee le nɔm, kan kɨya ləgɨŋge na kɨya cay gusoŋnɨ. Kɨya wa kan sɨlage ban gɨ ba gɨyigəŋ le naŋ.

Kɔl-gɨ-Ɗari gɨ Ja̰ wal 15:22

Tumɔ ɨŋ ni na ɨre yage kɔl naŋ na, ɨsɨna ni kɨya ƴɔmɛ cayge naŋ. Ama haw kɛ na, kol ɨsɨna koge kɨya duroŋ cayge naŋ.

Kɔl-gɨ-Ɗari gɨ Ja̰ wal 15:23

Waŋ waŋ gɨ na ƴɨmaŋ dan̰ kuduroyi na, ƴom Banɨ dan̰ kuduroyi bɨ.

Kɔl-gɨ-Ɗari gɨ Ja̰ wal 16:9

Ama gɨ ojɨ cay ɨsɨna na, na kɨya gɨ kan bɨgage kuduroyge canɨ naŋ.

Kɔl-gɨ-Ɗari gɨ Ja̰ wal 3:2

Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Kɔl-gɨ-Ɗari gɨ Ja̰ wal 5:36

Ama ɨŋ-bandi ɨŋ orɨn̰ dan̰ tɨmon̰ di gumu ɗɨn̰ di da Ja̰. Tɨmon̰ di nee le: Na gɨye nɔm ga Banɨ bəŋ gɨ ɨŋ na laa dɨɗɨn̰ kɨbi. Gɨye gɨ nee le ɨŋ lee nɔm, na ban ba lɔɔ tɨmon̰ tɨnge,

Kɔl-gɨ-Ɗari gɨ Ja̰ wal 6:36

Ama ɨŋ ni yəgɨŋ: Kɨŋ sɔlɔŋ nɔm dan̰ cɨndɨgɨŋ, ama naa hɨn̰ wo̰ kalɨn̰ ma kɨŋ bɨga kuduroygɨŋ canɨ naŋ.

Kɔl-gɨ-Ɗari gɨ Ja̰ wal 7:31

Duroy dɨmdɨrdi kalaŋ le, kalaŋ kondɨwadɨge beege kuduroyge cayi, lee gɨ kan yege hɨn̰: «Kɛ kɨɗɨn̰ ga Kɨris ban gɨ Kumu dorii le kɨya caga na, ban kɨya lɔɔ hɨnga ga ɗɨn̰ cɨn̰-kɨɗɨn̰, ɗɨn̰ ga da ban gɨ ba lee kɛ le ga?»

Kɔl-gɨ-Ɗari gɨ Ja̰ wal 9:32

Cay-pɨna wo̰ ungo ja gɨ ungo wo̰, na hanga cɨn̰ ungo gɨ wooyge ba-bɨbe naŋ ƴee.

Kɔl-gɨ-Ɗari gɨ Ja̰ wal 9:41

Jesu jɨga dɨbɨge cay nee hɨn̰: «Hɨn̰ gɨ kɨŋ ni naa ka-bɨbe na, kɨŋ ni kɨya orɨn̰ dan̰ ɨsɨna caygɨŋ naŋ. Ama haw kɛ na, kɨŋ ye gɨ kɨŋ na sol kɨɗɨn̰, na toy di hɨn̰ wo̰ ma, ɨsɨna kogɨŋ woy kɨɗɨn̰di gaŋ.»

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Magtubu di Pol wal bɨn̰ kalaŋ ga Rɔm 1:30

Kan na ka-mɔndɛ guson̰ kamdɨge bɨ, na ka-baa ga da Kumu bɨ, ka-dɔrɛ n̰ərə bɨ, ka-dɔgɛ jorgɨyge bɨ, ka-gɨle gusɨge bɨ, ka-male jɨba di ni loon̰ ɨsɨna bɨ, ka-jɔɔ kɔl kɨbɨ ka-wɔɔdɨge naŋ bɨ.

2 Timote 3:4

kɨya bɨləŋge ka-aye cay kamdɨge bɨ, kɨya lɔɔge hɨnga dɨle ɨrɨme toyge bɨ, dɔgɛ jɔrgɔ lɨgɨde cɨndɨge bɨ, kɨya geyege Kumu naŋ ama kɨya geyege na gusi-mɔwa toge ƴɔbɨ.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.