Kɔl-gɨ-Ɗari gɨ Ja̰ wal 15:2 - Gabri Maja

² Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Kɔl-gɨ-Ɗari gɨ Ja̰ wal 15:2 ပူးပေါင်းရင်းမြစ်များ

Matɨyo 13:12

Kɨɗɨn̰ ga ungo na ɨran̰ dan̰ hɨnga kobi na, Kumu kɨya bii kamdɨge cay nee jɨn̰ tumɔ tumɔ ɗe hɨnga-wɔɔdi kondɨ. Ama kɨɗɨn̰ ga ungo na ɨran̰ dan̰ hɨnga kobi naŋ na, Kumu kɨya dɔrɛ ga dḛ ga ban orɨn̰ le kobi cɔd coŋ.

Matɨyo 13:33

Jesu yege kɨradi-kɔl gɨ ɗaŋ coŋ hɨn̰: «Dɔɔ-ƴaa di daa ni le, woy gɨlɨn̰ na hɨn̰ subugu di tama ay bee duroy kɨrbaŋdi gɛmɛ gɨŋ, gɨ hal ɓal kɔl wongɨsɨn̰ daa. Lee gɨ kɨrbaŋ gɨ wongɨsi le sodɨ nɔm.»

Matɨyo 15:13

Ɨni na, ban dɨbɨge cay nee yege hɨn̰: «Hɨya nɔm gɨ Banɨ gɨ som a daa nii na bɨsana naŋ na, kan kɨya dɔrɛ coŋ.

Matɨyo 21:19

Ban sol tuguyɔŋ di pɨna wo̰ bongi gɨyəŋ gɨŋ ɨni na, ɨrga toy nee, ama hɨnga ga ban way cay nee na kabɨn̰do ƴɔbɨ. Ɨni na, ban yen̰ tuguyɔŋ le hɨn̰: «Me kɨya wɔɔ wɔɔde naŋ bɨrɨŋ ɨni!» Ɨni na, tuguyɔŋ le hayi kuyɔm coŋ kɨɗɨn̰di ga nee gaŋ le.

Matɨyo 25:29

Kɨya wa, waŋ waŋ gɨ na ɨran̰ dan̰ hɨnga kobi na, kan kɨya bii kamdɨge cay nee jɨn̰ tumɔ tumɔ, ɗe hɨnga-wɔɔdi kondɨ bajag bajag. Ama waŋ waŋ gɨ na ɨran̰ dan̰ hɨnga kobi naŋ na, ga dḛ ga ban bee kuduroy cay nee kalɨn̰ ma, kan kɨya dɔrɛ ga dḛ le kobi cɔd coŋ bɨ.

Matɨyo 3:10

Kumu n̰an gusi kɨya bɔyɛ kɔl a cay kalaŋ nɔm ga kan̰ge tɔrɛ-kɨbɨge. Ungo gɨ na ɗa kardi ɨsɨna koyi coŋ naŋ na, Kumu kɨya dɨbii duroy tɨwa di ƴee bɨlɨm bɨlɨm dɨŋ, hɨn̰ gɨ ungo ba sɨdɨrde hayaŋ ga ɨsɨndəŋ bɨ, tal tɨwa nee ulɨn̰ gurɔɗɨ coŋ wo̰.

Matɨyo 3:12

Ungo gɨ nee le orɨn̰ dan̰ kee koyi kobi bɨ, ban kɨya pɨye mɨsɨɗɨm coŋ ɗon̰ cɨn̰ gasa. Cɨn̰-gasa le ban kɨya bɔgɛ te tugulu toyii dɨŋ. Ama ban kɨya ule mɨsɨɗɨm le na a duroy tɨwa di kɨya bayaŋ naŋ bɨrɨŋ dɨŋ.»

Matɨyo 7:19

Hɨya nɔm gɨ wɔɔ wɔɔdi gɨ ɗari naŋ le, kan kɨya sɨrege dɨbege tɨwan̰ coŋ.

Marg 4:20

Gasi-gɨse ga bugoŋ a cay gɨsəŋ ga ɗari gaŋ le, na kalaŋ ga jege kɔl gɨ da Kumu bɨ, ƴeege bɨ lee gɨ cɨndɨge andaŋ. Kan ga pɨna cɨndɨge won̰ toyge-sɨbɨ bɨ, cayge ga ɗaŋ cɨndɨge won̰ toyge-jii bɨ, ga ɗaŋ coŋ cɨndɨge won̰ aru bɨ.

Kɔl-gɨ-Ɗari gɨ Lug wal 8:13

Gasi-gɨse ga bugoŋ a cay gɨsəŋ ga wan̰ dan̰ oru le, gɨlɨn̰ na dan̰ kan ga jege kɔl gɨ da Kumu bɨ ƴeege dan̰ gusi-mɔwa hage, ama kɔl gɨ da Kumu le bɨga sarnay kuduroyge naŋ. Kɨya wa kan beege kuduroyge cay nee na lam wo̰ bɨ, kɨɗɨn̰ ga hɨnga ga ni gɨwase na andaŋ cayge ɨni na, kan dɨbɨ aye kudurɔ koge coŋ.

Kɔl-gɨ-Ɗari gɨ Ja̰ wal 15:1

Jesu ye ɗaŋ coŋ: «Ɨŋ na hɨyadi suru gɨ cɨndi bɨ, Banɨ na Ba-gulɔŋ yagedi suru bɨ.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 15:3

Ama haw kɛ na, kɔl gɨ ɨŋ ba yəgɨŋ le n̰angɨŋ ɨni.

Kɔl-gɨ-Ɗari gɨ Ja̰ wal 15:6

Hɨn̰ gɨ ungo na bugoŋ pɨna danaŋ naŋ na, kan kɨya dɨbiige coŋ kardi yagedi suru gɨŋ ɗe hay. Karɨn̰ kobɨ hɨyadi suru ga hayi le, kan kɨya lɔbɛge dayege daa ulege mɨɗɔgɨ mɨɗɔgɨ coŋ.

Kɔl-gɨ-Ɗari gɨ Ja̰ wal 15:8

Hɨn̰ gɨ kɨŋ naa ka-aye-cay-tɨbanɨ leen̰ cɨndi na, kɨŋ kɨya wɔyɛ naa hɨn̰ hɨyadi suru gɨ wɔɔ karɨndi kondɨ bajag bajag wo̰. Hɨn̰ wo̰ na gusoŋ-tɔgɛ gɨ da Banɨ kɨya andaŋ cɨn̰ kalaŋ nɔm.

Kɔl-gɨ-Ɗari gɨ Ja̰ wal 17:12

Kɨɗɨn̰ ga ɨŋ baa danage le, ɨŋ gamge dan̰ dɔnɔ di da gusondɨn̰ di ji bəŋ. Ɨŋ gɨre cayge bɨ, ungo pɨna duroyge kayaŋ naŋ bɨ. Ama na ban gɨ gaɗ gaɗ kɨya kayaŋ le ƴɔbɨ. Ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰di gaŋ.

Magtubu di Pol wal bɨn̰ kalaŋ ga Rɔm 11:17

Te wɨn̰je gɨ da Ɨsɨrayɛl woy gɨlɨn̰ na hɨn̰ hɨyadi olibɨye gɨ woy ɨndi gɨ sɨrdɨrdege kobɨn̰i ga pɨna coŋ wo̰. Ji gɨ na Jubɨ naŋ le, ji woy gɨlɨn̰ na hɨn̰ kobɨ hɨyadi olibɨye gɨ caa gɨŋ wo̰. Kan ayɨn̰ge bɨ, sɨlɨyɨn̰ge dan̰ hɨya gɨ woy a ɨndi a ban̰dɨ kobɨn̰i ga sɨdɨrdege coŋ le. Na toy di hɨn̰ wo̰ ma, ji-bandi kalɨn̰ ma, ji kɨya sɔmɛ-bɨra na kɨya cay sarnayn̰əŋ ga ɗadɨrdaŋ dan̰ kobɨn̰i ga baa.

Magtubu di Pol wal bɨn̰ kalaŋ ga Rɔm 11:22

Ɨrɨm a cay ɗarwa di da Kumu dɨŋ bɨ, a cay osɨwa koyi gɨŋ bɨ. Ban gɨl osɨwa koyi dan̰ kalaŋ ga andaŋge a te gɨyəŋ gɨŋ coŋ, ama ban sol cɨn̰-n̰age ton̰ tɔgɨ kɨɗɨn̰ ga ji na sɨma usa a te ɗarwa toyi dɨŋ. Hɨn̰ gɨ ji na ɨr usa cay nee naŋ na, ji-bandi kalɨn̰ ma kan kɨya sɨrɨn̰ coŋ bɨ.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

1 Korɛ̰t 13:1

Ko hɨn̰ gɨ ɨŋ na ya na kɨbɨ gɨ da kalaŋ ga a cay gɨsəŋ gaŋ bɨ, ga da ka-ƴɔbɛ ga daa bɨ, ama wandɨ na unɔ gusɨnɨ na, kɔl yɔnɨ gɨlɨn̰ na hɨn̰ mandaŋ gɨ ye wo̰, naŋ le na hɨn̰ nare gɨ yɨle gɨ wol gɨ joɗɨge wo̰ bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 12:15

Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

Wasɨn̰a 3:19

Ɨŋ-bandi na kalaŋ nɔm ga ɨŋ geyge le, ɨŋ halge bɨ ɨŋ ɗalge bɨ. Na toy di hɨn̰ wo̰ ma, laagɨŋ gusi-hɨmbalwa a te kɔl hɨnge gɨŋ bɨ, bɨlgɨŋ haldɨgɨŋ bɨ.